Trischia Falzon | One News - Part 47

Trischia Falzon

Notifiki

DIRETT: Id-diskors tal-Prim Ministru f’Birkirara

Fl-ewwel attività politika wara l-festi, il-Prim Ministru u Mexxej Laburista Joseph Muscat qal li l-elfejn u tmintax se terġa’ tikser kull rekord u se terġa’ tkun sena ta’ suċċessi. Sena ta’ suċċessi għall-ekonomija Maltija, għal pajjiżna, għall-familji Maltin u Għawdxin u għan-negozji.

Dan bil-għan li l-ġid ikomplu jikber u jasal mal-irkejjel kollha tas-soċjetà. Il-messaġġ tal-Prim Ministru sar f’kuntest ta’ Gvern li jieħu d-deċiżjonijiet u li jwettaq dak li jwiegħed. Dan b’kuntrast mal-Oppożizzjoni; b’Joseph Muscat jirreferi għal programm televiżiv li fih id-Deputat Nazzjonalista Claudio Grech qal li l-Gvern għandu jiddejjen.

It-tweġiba tal-Mexxej Laburista għal dan kien li d-dejn huwa bħad-droga – huwa ċiklu vizzjuż. Fakkar kif dawk li jiġu warajna, il-ġenerazzjoni li jmiss, dan il-Gvern ġid irid iħallilhom u mhux dejn. Xi ħaġa li turi biċ-ċar il-bidla u d-differenza fl-attitudni taż-żewġ partiti poliċi ewlenin f’pajjiżna.

70 kappillan jiddiskutu r-realtà taż-żgħażagħ

Waqt live-in bis-sehem ta’ 70 kappillan, iż-żgħażagħ kienu deskritti bħala “element essenzjali f’komunità ta’ fidi”.

Id-diskussjoni saret fl-isfond tas-Sinodu tal-Isqfijiet dwar “Iż-Żgħażagħ, il-Fidi u d-Dixxerniment Vokazzjonali” li sejjaħ il-Papa Franġisku f’Ottubru li ġej.Aqra aktar

Wara r-rapport PANA, il-PM jerġa’ jisfida lil Busuttil

L-uniku ħaġa ġdida mir-rapport tad-delegazzjoni ta’ David Casa, li ġiet Malta f’Diċembru li għadda, hija li Maria Efimova issa qed tgħid li ma kinetx hi s-sors oriġinali ta’ Daphne Caruana Galizia.

Fi stqarrija, il-Partit Laburista fakkar kif għal xhur twal Efimova kienet deskritta bħala s-sors dwar il-kumpanija Egrant, b’mod partikolari wara li telgħet tixhed quddiem il-Maġistrat li qed imexxi inkjesta maġisterjali.

Iżda meta xehdet minn post mhux magħruf Efimova issa qalet li ma kinetx hi s-sors ta’ Daphne Caruana Galizia.

Dan jagħti żvolta oħra lill-istorja tal-gidba fuq il-Prim Ministru u l-familja tiegħu. Fid-dawl ta’ dawn l-aħħar żviluppi l-Prim Ministru jerġa’ jtenni l-impenn tiegħu li jirriżenja kieku tinstab xi nitfa verità dwaru. L-isfida għadha miftuħa għal Simon Busuttil. Sal-lum għadu ma laqagħhiex u jidher li wara din id-dikjarazzjoni se tkun iktar diffiċli.

Fil-kumplament tar-rapport hemm punti li ġew spjegati jew miċħuda diversi drabi, temmet tgħid l-istqarrija tal-Partit Laburista.

Il-PN mhux kredibbli dwar l-ambjent

L-aħbar li d-Deputat Nazzjonalista Beppe Fenech Adami ntalab mill-Awtorità tal-Ippjanar ineħħi l-illegalitajiet li għandu fi proprjetà tiegħu, inkluż f’żona ODZ,  jikkonferma kemm Fenech Adami kien jipprova jqarraq meta jisforza biex jagħti impressjoni li kellu kollox skont il-liġi.

Fi stqarrija, il-Partit Laburista qal li anke jekk dwar il-proprjetà tiegħu Fenech Adami kien rebaħ libell, li dwaru hemm appell, l-ebda legaliżmi ma jneħħu l-fatt li la Beppe Fenech Adami u wisq inqas il-Partit Nazzjonalista ma huma kredibbli meta jitkellmu li jridu jħarsu l-ODZ.

Fenech Adami mhux l-uniku deputat li aġixxa b’mod differenti ħafna minn kif il-PN jitkellem dwar l-ODZ u ma kien hemm ebda forma ta’ kundanna mit-tmexxija tal-PN .

Għalhekk il-PN mhux kredibbli meta jgħid li jrid iħares l-ambjent, temm jgħid il-Partit Laburista fl-istqarrija.

Il-Gvern iwaqqaf kumpanija ġdida b’kapital ta’ €70 miljun

Il-Gvern ta’ Malta rreġistra kumpanija ġdida bl-isem ta’ Malta Air Travel Services, li b’kapital ta’ sebgħin miljun ewro, se tieħu f’idejha d-drittijiet tal-operat – magħrufa bħala landing rights, f’uħud mill-ajruporti ewlenin fl-Ewropa.

B’liċenzja ta’ linja tal-ajru b’konformità sħiħa mal-liġi, il-kumpanija l-ġdida għandha l-għan li tkompli ssaħħaħ l-istrateġija tal-linja nazzjonali tal-ajru l-Air Malta, kif spjega l-Ministru għat-Turiżmu Konrad Mizzi.Aqra aktar

L-għażż u s-serq iwassluh għal sena ħabs

Sirjan ta’ 48 sena ingħata s-sentenza ta’ sena ħabs u mmultat aktar minn mitt ewro.

Dan wara li fil-Qorti t’Għawdex wieġeb ħati għall-akkużi li fl-Ewwel tas-Sena meta kien ir-Rabat Għawdex, ikkommetta serq, ġarr fuqu strumenti li jtaqgħu u bil-ponta mingħajr liċenzja jew permess mingħand il-Kummissarju tal-Pulizija, għex ħajja ta’ għażż u vagabundaġġ u li kien riċediv.

Il-prosekuzzjoni tmexxiet mill-Ispettur Bernard Charles Spiteri.

Send this to a friend