Trischia Falzon | One News - Part 44

Trischia Falzon

Notifiki

L-MHRA b’appell biex tinstab soluzzjoni kemm jista’ jkun malajr

L-Assoċjazzjoni Maltija għal-Lukandi u r-Ristoranti esprimiet it-tħassib tagħha għall-fatt li lbieraħ filgħaxija, kważi l-piloti kollha tal-ALPA vvutaw favur azzjoni industrijali.

Fi stqarrija, l-MHRA innotat b’sodisfazzjon l-istrateġija tal-Air Malta li tkompli tikber u ssir il-linja tal-ajru tal-Mediterran, u allura jekk isir strajk jinħoloq inkonvenjent kbir għal kull min irid jivjaġġa.

Dan minbarra l-ħsara enormi li ssir lill-industrija tat-turiżmu, li fl-aħħar snin rat investiment bla preċedent ta’ miljuni ta’ ewro biex ittejjeb il-prodott u l-infrastruttura.

Għaldaqstant, l-MHRA appellat biex tinstab soluzzjoni kemm jista’ jkun malajr.

It-titjiriet tal-Air Malta joperaw b’mod normali

Fid-dawl tat-theddida ta’ azzjoni industrijali li ħarġet ilbieraħ mill-Assoċjazzjoni tal-Bdoti, l-ALPA, l-Air Malta qalet li s-servizzi kollha, inkluż it-titjiriet tagħha, qed joperaw bħas-soltu.

Fi stqarrija ntqal li mhu mistenni l-ebda tfixkil fil-jumejn li ġejjin, madankollu jekk tittieħed xi azzjoni industrijali, saru arranġamenti sabiex jiġi minimizzat l-effett tagħha fuq il-passiġġieri u tiġi protetta l-iskeda tat-titjiriet tal-Air Malta.Aqra aktar

ARA: Kif isir it-test tal-breathalyzer

Fiż-żminijiet ta’ festi smajna ħafna b’ħidmet il-Pulizija fit-toroq ikkaratterizzata minn testijiet bil-breathalyzers biex ikun żgurat li ħadd ma jsuq taħt l-effett tal-alkoħol.

Iżda dawn it-testijiet ma jsirux biss f’dawn iż-żminijiet. Itqajna mal-Ispettur Sergio Pisani li spjega kif isir it-test u kif jaħdem l-apparat. Fakkar ukoll fil-limiti u fil-multi b’rabta ma’ dawn il-każijiet.Aqra aktar

DIRETT: Id-diskors tal-Prim Ministru f’Birkirara

Fl-ewwel attività politika wara l-festi, il-Prim Ministru u Mexxej Laburista Joseph Muscat qal li l-elfejn u tmintax se terġa’ tikser kull rekord u se terġa’ tkun sena ta’ suċċessi. Sena ta’ suċċessi għall-ekonomija Maltija, għal pajjiżna, għall-familji Maltin u Għawdxin u għan-negozji.

Dan bil-għan li l-ġid ikomplu jikber u jasal mal-irkejjel kollha tas-soċjetà. Il-messaġġ tal-Prim Ministru sar f’kuntest ta’ Gvern li jieħu d-deċiżjonijiet u li jwettaq dak li jwiegħed. Dan b’kuntrast mal-Oppożizzjoni; b’Joseph Muscat jirreferi għal programm televiżiv li fih id-Deputat Nazzjonalista Claudio Grech qal li l-Gvern għandu jiddejjen.

It-tweġiba tal-Mexxej Laburista għal dan kien li d-dejn huwa bħad-droga – huwa ċiklu vizzjuż. Fakkar kif dawk li jiġu warajna, il-ġenerazzjoni li jmiss, dan il-Gvern ġid irid iħallilhom u mhux dejn. Xi ħaġa li turi biċ-ċar il-bidla u d-differenza fl-attitudni taż-żewġ partiti poliċi ewlenin f’pajjiżna.

70 kappillan jiddiskutu r-realtà taż-żgħażagħ

Waqt live-in bis-sehem ta’ 70 kappillan, iż-żgħażagħ kienu deskritti bħala “element essenzjali f’komunità ta’ fidi”.

Id-diskussjoni saret fl-isfond tas-Sinodu tal-Isqfijiet dwar “Iż-Żgħażagħ, il-Fidi u d-Dixxerniment Vokazzjonali” li sejjaħ il-Papa Franġisku f’Ottubru li ġej.Aqra aktar

Wara r-rapport PANA, il-PM jerġa’ jisfida lil Busuttil

L-uniku ħaġa ġdida mir-rapport tad-delegazzjoni ta’ David Casa, li ġiet Malta f’Diċembru li għadda, hija li Maria Efimova issa qed tgħid li ma kinetx hi s-sors oriġinali ta’ Daphne Caruana Galizia.

Fi stqarrija, il-Partit Laburista fakkar kif għal xhur twal Efimova kienet deskritta bħala s-sors dwar il-kumpanija Egrant, b’mod partikolari wara li telgħet tixhed quddiem il-Maġistrat li qed imexxi inkjesta maġisterjali.

Iżda meta xehdet minn post mhux magħruf Efimova issa qalet li ma kinetx hi s-sors ta’ Daphne Caruana Galizia.

Dan jagħti żvolta oħra lill-istorja tal-gidba fuq il-Prim Ministru u l-familja tiegħu. Fid-dawl ta’ dawn l-aħħar żviluppi l-Prim Ministru jerġa’ jtenni l-impenn tiegħu li jirriżenja kieku tinstab xi nitfa verità dwaru. L-isfida għadha miftuħa għal Simon Busuttil. Sal-lum għadu ma laqagħhiex u jidher li wara din id-dikjarazzjoni se tkun iktar diffiċli.

Fil-kumplament tar-rapport hemm punti li ġew spjegati jew miċħuda diversi drabi, temmet tgħid l-istqarrija tal-Partit Laburista.

Send this to a friend