Stefan Bajada | One News - Part 5

Stefan Bajada

Notifiki

Ħafna studenti maħsuda bil-mewt ta’ Sr Edmondina

Is-Sibt filgħaxija tħabbret il-mewt ta’ Sr Edmondina, soru li kienet il-Kap tal-iskola Sekondarja ta’ St Francis.

Ħafna eks studenti ta’ Sr Edmondina jiftakru lil din is-soru bħala mara ta’ dixxiplina u li sawret fihom uħud mill-valuri li jħaddnu llum il-ġurnata.

Kienu diversi li fakkru l-memorja tagħha fuq il-midja soċjali.

Is-sistema tal-BOV lura għan-normal

Fi stqarrija l-BOV ħabbru li s-sitema tal-ATM’s ġew lura għan-normal.

Aktar kmieni f’din il-ġurnata is-sistema tal-BOV kienet magħluqa għal xi ħin.

Il-kumpanija għal darb’oħra skużat ruħha mal-klijenti kollha.

Il-BOV bi problemi tekniċi fl-ATM’s

Fi stqarrija l-BOV ħabbret li bħalissa s-sistemi kollha tal-ATM’s madwar Malta u Għawdex huma  magħluqa, dan għaliex ġarrbet ħsara teknika.

Filwaqt li l-kumpanija skużat ruħha, infurmat lil kulħadd li qed tagħmel mill-aħjar li tista’ sabiex iġġib is-sitwazzjoni għan-normal fl-inqas ħin possibli.

Bir-ritratti: Mijiet ta’ nies jiċċelebraw il-festa tal-Imnarja

Il-Festa Pubblika tal-Imnarja u t-temp sħun u xemxi li taf toffri l-gżira Maltija, ġibdu mijiet ta’ nies sabiex iżuru l-Buskett għall-attivitajiet assoċjati ma’ din il-festa tradizzjonali Maltija.

Fil-Buskett wieħed setgħa jara diversi wirjiet ferm interessanti fosthom varjeta kbira ta’ ħxejjex tar-raħħala u bdiewa Maltin kif ukoll varjeta oħra ta’ annimali bħal fniek.

Id-daqq u l-kant tal-għana wkoll ġibdu l-widna u l-għajn ta’ diversi Maltin u turisti preżenti fil-Buskett.

Intant, fil-Palazz tal-Verdala illum itellgħet ukoll l-In-Guardia, rapreżentazzjoni storika ta’ żmien il-kavallieri.

Arrestata l-kaptan tas-Sea Watch 3 f’Lampedusa

Il-Kaptan ta’ Sea Watch 3, Carola Rackete, ġiet arrestata fl-Lampedusa.

Dan wara li l-Ministru Taljan Matteo Salvini rrifjuta li jħalli lit-53 immigrant abbord il-bastiment sabiex jidħlu f’Port sigur fl-Italja.

Minkejja dan, il-Kaptan xorta waħda daħlet il-bastiment fil-port mingħajr ma ngħatat il-permess mill-awtoritajiet sabiex tagħmel dan.

Intant waqt is-Summit tal-G20, Il-Prim Ministru tal-Italja Giuseppe Conte qal li ntlaħaq ftehim sabiex diversi pajjiżi Ewropej jieħdu dawn l-immigranti.

L-eżamijiet tal-Malti u Matematika saru b’suċċess

Għalkemm ma kien hemm l-ebda żblokk fit-tilwima bejn il-Ministeru għall-Edukazzjoni u l-Unjin tal-Għalliema, l-istudenti fl-iskejjel sekondarji u medji għamlu l-eżamijiet tal-Malti u l-Matematika skont kif ippjanat.

Iddikjara dan il-Ministru għall-Edukazzjoni Evarist Bartolo waqt li żar klassi ta’ studenti fl-iskola tas-Saint Hurst f’Pembroke li kienu se jibdew l-aħħar eżami tagħhom.

F’kummenti lill-ġurnalisti, il-Misnitru qal li waqt li l-Ministeru jirrispetta d-dritt tal-MUT li tordna d-direttivi, il-Gvern ħa passi biex ma jkunux it-tfal li jweġġgħu u jibqgħu mingħajr eżamijiet tal-Malti u l-Matematika.Aqra aktar

Inawgurata l-bajja riġenerata tal-Balluta

Hekk kif il-ġranet sħan tas-sajf daħlu ġmielhom kif ukoll ninsabu ftit jiem ‘il bogħod mill-btajjel tas-sajf għal eluf ta’ studenti, ġiet inawgurata l-bajja ramlija tal-Balluta.

Din il-bajja tikkumplimenta tliet bajjiet oħra li ġew irriġenerati propju għal dan is-sajf sabiex jitgawdew mit-turisti u l-poplu Malti, fosthom il-Bajja ta’ San Ġorġ f’Birżebbuġa, dik tal-Għar l-Aħmar f’Marsaxlokk u tal-Fajtata, f’Wied il-Għajn.

Il-Ministru għat-Turiżmu Konrad Mizzi faħħar il-fatt li intuża metodu li jirispetta l-ambjent, b’mod partikolari l-makkinarji u r-ramel.

“Użajna r-ramel mil-bajja u użajna apparat apposta li ġbidna r-ramel minn qiegħ il-baħar u kif qed tara madwari hawnekk il-bajja diġa mimlija nies għandna x-shower facalities u anke rescue team”

Ħabbar kif kull sena ser ikun qed isir riġenerazzjoni ta’ tnejn jew tlieta bajjiet ġodda madwar Malta u Għawdex.

Min-naħa tiegħu, il-Perit Kevin Fsadni mill-Awtorita Maltija għat-Turiżmu, spjega li maż-żmien l-importanza ta’ bajjiet ramlin f’Malta qed tikber/ Dan għaliex kemm it-turisti kif ukoll il-Maltin qed ifittxu bajjiet miksija kollha bir-ramel.

Żied jgħid li l-Awtorità ser tibda studju sabiex dan ir-ramel ma jibqax jintilef f’każ ta’ maltempati kif f’ġara fil-Grigalata ta’ Frar li għadda.

“Ser itina ttina ċans ukoll li nistudjaw forsi metodi ta’ kif wieħed jistgħa jimplimenta affarijiet aktar permanenti sabiex jinżamm dan ir-ramel għal tul akbar ta’ żmien”

Ix-xogħol fuq din il-bajja ġie ffinazjat kollu minn Lukanda biswit il-bajja tal-Balluta.

Erba’ Maltin arrestati b’rabta ma’ traffikar tad-droga

Ħidma mill-Iskwadra ta’ Kontra l-Vizzju tad-Droga, wasslet għal-larrest ta’ erba’ persuni, żewġt irġiel u żewġ nisa Maltin, li l-età tagħhom tvarja bejn id-29 u t-53 sena. L-arrest sar f’residenza fi Triq Amery, Tas-Sliema, fejn kien qed isir abbuż u traffikar ta’ diversi sustanzi.

Fir-residenza nstabu diversi qratas bi trab abjad u kannella allegatament droga kokaina u eroina li kienu lesti sabiex jiġu ttraffikati. Instabu ukoll diversi oġġetti oħra relatati malabbuż u t-traffikar tad-droga flimkien ma’ ammont ta’ flus kontanti.

Il-Maġistrat tal-Għassa Dr Claire Stafrace Żammit LL.D ġiet infurmata bis-sejba u ħatret diversi esperti sabiex jassistu fl-inkjesta li ġiet appuntanta. L-investigazzjonijiet tal-Pulizija għadhom għaddejjin filwaqt li mhux eskluż li l-persuni jitressqu l-Qorti b’rabta ma’ din is-sejba.

 

Tabiba tindarab gravi f’inċident tat-traffiku f’Ħal Għaxaq

Tabiba ta’ 26 sena ndarbet gravi f’ħabta head on ma’ karozza oħra misjuqa minn raġel ta’ 23 sena f’Ħal Għaxaq.

L-inċident seħħ għall-ħabta tad-9 ta’ filgħodu, fejn fuq il-post issejħet ambulanza b’tim mediku sabiex jagħtu l-ewwel għajnuna lit-tabiba fuq il-post.

L-investigazzjonijiet tal-pulizija għadhom għaddejjin.

Il-persuni b’diżabilità b’aktar prijorità fuq il-vapuri tal-Gozo Channel – Justyne Caruana

Għall-kritika li qed tingħad li l-Ministru għal Għawdex Justyne Caruana m’hux qed tkun sensittiva biżżejjed fejn jidħlu d-drittijiet tal-persuni b’diżabilità fuq il-vapuri tal-Gozo Channel, spejċlament dak ta’ Nikolaos, hija tenniet li għall-ewwel darba l-persuni b’diżabilità li għandhom il-karta tal-identita’ speċjali u l-blue badge għandhom dritt ta’ prijorita’ fuq il-vapuri tal-Gozo Channel permezz ta’ linja apposta.

Aqra aktar

Send this to a friend