Stefan Bajada – One News

Stefan Bajada

Notifiki

Il-pjazza tax-Xagħra ser tinbidel f’villaġġ tal-Milied

Nhar il-Ħadd li ġej, 8 ta’ Diċembru, Pjazza il-Vitorja, fix-Xagħra Għawdex ser tkun qed tinbidel f’villaġġ tal-Milied, hekk kif ser jittellgħu diversi attivitajiet assoċjati ma’ dawn il-festi tal-Milied.

Din l-attivita ser tkun għall-familja kollha, hekk kif ser ikun hemm diversi logħob għat-tfal, bejgħ ta’ ikel fosthom dak assoċjat mal-Milied, lotteriji, att mill-Gran Mastru li ser jiftaħ il-festi tal-Milied, snajja u tradizzjonijiet oħra.

Segwi l-programm…

BIL-FILMAT: Folla tinġabar b’mod spontanju quddiem iċ-ĊNL biex tagħti appoġġ lil Joseph Muscat

Folla numeruża nġabret b’mod spontanju quddiem iċ-Ċentru Nazzjonali Laburista biex tagħti s-sapport tagħha lill-Prim Ministru Joseph Muscat. Dan wara li fl-indirizz tiegħu lin-Nazzjon il-Ħadd filgħaxija ħabbar li ser jibda l-proċess biex il-Partit  Laburista jkollu mexxej ġdida f’Jannar li ġej imbagħad eventwalment isir Prim Ministru ta’ Malta.


Aktar regolamentazzjoni tas-servizzi ta’ Ħarsien Soċjali

It-Tnejn filgħodu ttellgħet l-ewwel Konferenza Nazzjonali dwar is-servizz ta’ kwalità li jingħata fis-settur soċjali. Kien il-Ministru għall-Familja, Drittijiet tat-Tfal u Solidarjetà Soċjali Michael Falzon li fetaħ din il-konferenza, u stqarr li jinsab ferm kuntent bil-ħidma li qed twettaq l-Awtorità ta’ Standards ta’ Ħarsien Soċjali.

Aqra aktar

BIL-FILMAT: Jinżamm arrestat wara li ġie mixli bi qtil ta’ żagħżugħ fil-Marsa

Kinaan Abdinasir, Somalu ta’ 23 sena baqa’ jinżamm arrestat wara li ġie akkużat li qatel b’daqqiet ta’ mqass lill-Eretrian ta’ 25 sena tard il-Ġimgħa filgħaxija fi Triq Diċembru Tlettax fil-Marsa.

Quddiem il-Qorti ppreseduta mill-Maġistrat Josette Demicoli, is-Somalu wieġeb mhux ħati għall-akkużi kollha miġjuba kontrih.

Is-Somalu  ġie mixli wkoll li fil-pusses tiegħu kellu arma mingħajr liċenzja mill-Kummissarju tal-Pulizija.

Id-difiża tmexxiet mill-Avukat tal-Għajnuna Legali Noel Bartolo filwaqt li l-Ispetturi James Grech u Wayne Camilleri mexxew il-prosekuzzjoni.

 

Il-Pulizija ssolvi l-qtil li seħħ il-Ġimgħa fil-Marsa

Persuni b’diżabilità bl-irwol li jżejnu l-Ministeru għal Għawdex

Għal sena oħra l-klijenti ta’ Dar Santa Marta f’Għawdex li tilqa’ fiha diversi perusni b’diżabilità, ħadu fidejjhom l-irwol li jżejnu l-binja tal-Ministeru għal Għawdex għall-festi tal-Milied.

Il-Ministru Justyne Caruana saħqet kif wieħed mhux biss għandu jemmen bis-sħiħ fil-persuni b’diżabilità iżda wkoll għandu jemmen u jappoġja l-ħiliet u talenti tagħhom, għax dawn ħafna wkoll x’joffru lis-soċjetà.

AĠĠORNAT BIL-FILMAT: Anzjan fil-periklu tal-mewt u żewġ nisa bi ġrieħi wara ħabta ma’ double decker

Anzjan ta’ sebgħin sena jinsab fil-periklu tal-mewt filwaqt li mara ta’ sebgħa u għoxrin sena ġarrbet ġrieħi gravi wara ħabta li ġrat bejn taxi u double-decker f’San Pawl il-Baħar.

L-inċident seħħ għall-ħabta tal-ħdax tat-Tnejn filgħodu fi Triq ix-Xemxija xħin taxi misjuqa minn mara ta’ sebgħa u għoxrin sena residenti l-Pietà ħabtet ma’ doubledecker misjuqa minn raġel ta’ tlieta u tletin sena residenti l-Ħamrun.

Aqra aktar

Send this to a friend