Simeon Nechev | One News - Part 4

Simeon Nechev

Notifiki

Aktar minn €4.3 miljun investiti għar-riabilitazzjoni u r-restawr tad-Dar tal-Ammiraljat

Il-Ministru għall-Ġustizzja, Kultura u Gvern Lokali Owen Bonnici żar ix-xogħlijiet ta’ restawr u riabilitazzjoni li qed iseħħu fid-Dar tal-Ammiraljat.

Id-Dar tal-Ammiraljat kienet isservi bħala d-dar tal-Mużew tal-Arti ta’ pajjiżna sal-ftuħ tal-Mużew il-ġdid MUŻA fil-Berġa tal-Italja. Hekk kif jintemmu x-xogħlijiet, id-Dar tal-Ammiraljat se tospita l-uffiċini tal-Avukat Ġenerali u l-Avukat tal-Istat f’sulari differenti. Ix-xogħlijiet qegħdin isiru mid-Direttorat tar-Restawr, li jaqa’ fi ħdan il-Ministeru għall-Ġustizzja, Kultura u Gvern Lokali.Aqra aktar

Il-kumpless tan-nar San Filep ta’ Ħaż Żebbuġ jirbaħ it-13-il edizzjoni tal-festival nazzjonali tal-logħob tan-nar mekkanizzat

Tħabbru r-rebbieħa tat-13-il Edizzjoni tal-Festival Nazzjonali tal-logħob tan-nar tal-art mekkanizzat li ġie organizzat mill-istess Kunsill b’kollaborazzjoni mal-Awtorita’ Maltija għat-Turiżmu fuq il-Fosos tal-Floriana, nhar is-Sibt 4 ta’ Mejju, 2019.

F’dan il- Festival kompetittiv ħadu sehem 8 Kumplessi jew Għaqdiet tan-Nar lokali li esebew l-aħjar żewġ biċċiet tan-Nar tagħhom.

Aqra aktar

Id-dukessa ta’ Sussex twelled tifel

Id-dukessa ta’ Sussex Meghan Markle welldet tifel. Dan wara li ftit sigħat qabel tħabbar li kienet daħlet biex twelled.

Fuq il-paġna ta’ Instagram tal-koppja tħabbar li t-tifel twieled ftit qabel il-ħamsa u nofs ta’ filgħodu ħin lokali.

Kemm id-dukessa u kemm binha, li għadu mhux magħruf l-isem tiegħu, jinsabu tajbin. Il-koppja Sussex irringrazzjaw lill dawk kollha li stennew u segwew b’eċitament dan iż-żmien speċjali fil-ħajja tagħhom.

Dan huwa l-ewwel wild tal-koppja u se jkun is-seba’ fil-linja tas-suċċessjoni tal-kuruna Brittanika.

Żieda ta’ €6 miljun fin-nefqa fil-benefiċċji soċjali

Ċifri tal-uffiċju nazzjonali tal-istatistika juru li n-nefqa fuq benefiċċji soċjali kienet ta’ kważi €230 miljun fl-ewwel tliet xhur ta’ din is-sena, żieda ta’ kważi €6 miljun, jew 2.6%, meta mqabbel mal-ewwel kwart tal-2018.

Iċ-ċifri tal-NSO juru li n-nefqa fil-benefiċċju kontributorji, bħall-pensjonijiet taż-żewġ terzi, kienet ta’ ftit iktar minn €182 miljun, żieda ta’ 3.3% man-nefqa fl-istess perjodu fl-2018.

In-nefqa fil-benefiċċji mhux kontributorji, bħall-pensjoni tad-diżabilita u ċ-children’s allowance, kienet ta’ kważi €48 miljun, żieda ta’ 0.1% fin-nefqa meta mqabbel ma’ sena ilu.

Fuq Twitter il-Prim Ministru Joseph Muscat fisser kif minkejja li żdiedet in-nefqa naqsu n-nies dipendenti fuq l-għajnuna soċjali u issa jistgħu jgħixu bid-dħul tagħhom. Qal kif dan huwa l-vera prosperity with a purpose.

Avviż dwar dokumenti tal-vot ta’ residenti f’San Vinċenz de Paul

Il-Kummissjoni Elettorali avżat lil dawk il-familjari jew persuni li rċevew id-dokument/i għall-votazzjoni għan-nom ta’ xi qraba jew persuni oħra li bħalissa huma residenti fir-Residenza San Vinċenz de Paul  illi dawn għandhom jassiguraw li dawn id-dokument/i għall-votazzjoni jingħataw lil dawn ir-residenti sa  mhux aktar tard minn nhar it-Tnejn, 13 ta’ Mejju, 2019.

Aqra aktar

Michela tibda l-avventura fil-Eurovision

Dalgħodu l-kantanta Michela Pace ħalliet Malta b’titjira lejn l-Iżrael sabiex tieħu sehem fl-64 edizzjoni tal-Eurovision Song Contest. L-edizzjoni ta’ din is-sena se ssir f’Tel Aviv.

Bil-kanzunetta Chamaleon hija se tieħu sehem fit-tieni semi-finali nhar il-Ħamis 16 ta’ Mejju u se tkanta fil-11-il post.

L-ewwel semi-final se ssir it-Tlieta 14 ta’ Mejju, bil-finali tkun is-Sibt 18 ta’ Mejju.

ARA: Karozza tal-linja tieħu n-nar fiċ-Ċirkewwa

Karozza tal-linja inħakmet minn nar estensiv kawża ta’ problemi tekniċi.

Fil-ħin tal-inċident kien hemm ix-xufier fil-karozza tal-linja. Madanakollu, ħadd ma weġġa f’dan l-inċident.

It-tim ta’ rispons tal-Malta Public Transport ħa azzjoni mmedjata biex jitfi n-nar u jevita kull inċident u jassigura s-saħħa u s-sigurtà tal-impjegati u l-passiġġieri.

Il-poplu jsaħħaħ il-fiduċja tiegħu fil-Prim Ministru u l-Partit Laburista

Stħarriġ tal-opinjoni pubblika mill-gazzetti MaltaToday u t-Torċa ppublikati fil-jum tal-Ħadd juru kif il-Partit Laburista jinsab quddiem mill-Partit Nazzjonalista.

Għalkemm iż-żewġ partiti żiedu l-voti mill-aħħar stħarriġ, dak ippublikat fil-MaltaToday il-Ħadd wera li filwaqt li l-Partit Laburista għandu l-fiduċja ta’ erbgħa u erbgħin fil-mija ta’ dawk li wieġbu li se jivvutaw fl-elezzjoni li ġejja, il-Partit Nazzjonalista għandu l-fiduċja ta’ disgħa u għoxrin fil-mija tal-poplu.

Il-gazzetta t-Torċa qalet li l-Partit Laburista għandu l-fiduċja ta’ ħamsa u ħamsin fil-mija tal-poplu, filwaqt li l-Partit Nazzjonalista jgawdi l-fiduċja ta’ disgħa u tletin fil-mija tal-poplu.

Filwaqt li l-MaltaToday qalet li bejn il-Partiti hemm qabża ta’ ħmistax fil-mija, il-gazzetta t-Torċa saħqet li tliet ġimgħat ’il bogħod mill-elezzjonijiet tal-Parlament Ewropew u l-Kunsilli Lokali, id-differenza hi ta’ sittax fil-mija.

It-Torċa qalet li d-distakk bejn il-partiti żdied b’ħamsa fil-mija mill-aħħar elezzjoni.Aqra aktar

Adrian Delia jevita l-mistoqsijiet tal-ġurnalisti

Fl-eqqel ta’ kampanja elettorali l-Kap Nazzjonalista Adrian Delia, qed jispikka għall-mod kif għandu maħsuba strateġija fejn jiltaqa’ mill-inqas mal-ġurnalisti.   Saħansitra kien hemm ċirkostanzi fejn il-kmamar tal-aħbarijiet intalbu jibagħtu fotografu jew cameraperson, iżda mbagħad il-ġurnalisti ma kinux mistiedna għall-istess attività.

Żvelat dan il-gażżetta KullĦadd, li qalet li din hija l-ewwel darba li kap ta’ partit politiku qed jaġixxi b’dan il-mod fejn il-ġurnalisti lanqas waqt it-tnedija tal-kandidati jew tal-manifest elettorali ma kellhom ċans jistaqsu. Fl-aħħar ġimgħa Adrian Delia ma deher imkien b’mod li kien disponibbli għall-mistoqsijiet tal-ġurnalisti u f’kemm ilha għaddejja l-kampanja elettorali kien hemm biss okkażjoni waħda fejn wieġeb għad-domandi tal-midja.  Aqra aktar

Send this to a friend