Simeon Nechev | One News - Part 2

Simeon Nechev

Notifiki

FILMAT: Fi stadju avvanzat ħafna x-xogħol fuq l-iskola Medika Barts f’Għawdex


Daħlu fl-aħħar fażijiet ix-xogħlijiet fuq l-iskola medika ta’ Barts biswit l-Isptar Ġenerali ta’ Għawdex.

Din il-binja ta’ erba’ sulari mgħammra bl-aktar faċilitajiet moderni bdiet tinbena ftit iżjed minn sena ilu b’investiment inizjali ta’ iżjed minn €26 miljun. Din l-iskola se tilqa’ l-ewwel grupp ta’ 60 student f’Settembru li ġej, bit-total eventwali jkun ta’ 300 student.

Aqra aktar

Il-Prim Ministru jinawgura l-uffiċji tal-kumpanija Chiliz Blockchain Campus

Il-Prim Ministru Joseph Muscat inawgura l-uffiċji l-ġodda tal-kumpanija Chiliz Blockchain Campus fil-Gżira.

B’investiment ta’ madwar €50 miljun f’pajjiżna, din il-kumpanija taħdem fil-qasam tal-futbol internazzjonali u tispeċjalizza f’dak li jissejjaħ tokening.

Chiliz ilha topera f’pajjizna erbatax-il sena u tmintax-il xahar ilu ħadet id-deċiżjoni li teqleb għat-teknoloġiji blockchain. Din il-kumpanija qed tispeċjalizza f’teknoloġiji bħal tokening li jistgħu jintużaw fil-futbol.

Aqra aktar

MEP qrib il-PN b’allegazzjonijiet serji fuq rasha

Sophia in’t Veld, membru Olandiża tal-Parlament Ewropew u ħabiba tal-MEP Nazzjonalista Roberta Metsola, qed taffaċċja allegazzjonijiet li ħadet benefiċċji li ma kinitx intitolata għalihom.

Veld qed tiġi kkritikata li fl-aħħar snin ingħatat benefiċċji li jammontaw għal eluf ta’ ewro għal spejjeż ta’ akkomodazzjoni li ma għamlitx b’rabta ma’ żjajjar fi Brussell u Strasburgu.

Dan hekk kif Veld tgħix b’mod permanenti fi Brussell stess.

Aqra aktar

Issekwestrati 232 flixkun tax-xorb alkoħoliku mingħajr tabella tas-Sisa

232 flixkun tax-xorb alkoħoliku ġew issekwestrati mid-Dwana wara li nstabu mingħajr it-tabella tas-sisa.

Din is-sejba saret meta l-uffiċjali kienu qed iwettqu numru ta’ tfittxijiet fil-Gżira, Paceville, Fgura, Bugibba x-Xemxija.

Instabu wkoll numru ta’ tabelli tas-sisa mhux użati li ġew elevati.

Is-sejba ta’ dawn il-fliexken hija parti mill-ħidma tad-Dwana sabiex jitwaqqfu l-bejgħ ta’ xorb u spirti mingħajr tabelli tas-sisa, u b’hekk jitħallsu t-taxxi meħtieġa.

Il-Prim Ministru jinawgura santwarju ġdid għall-annimali abbandunati f’Birżebbuġa

Wara li nġabru kważi kwart ta’ miljun ewro f’donazzjonijiet, ġie inawgurat is-santwarju ġdid tal-Assoċjazzjoni għall-Annimali Abbandunati (AAA) f’Birżebbuġa. Dan il-post jilqa’ fih u jieħu ħsieb madwar 100 kelb, u ngħata lill-AAA mill-Gvern wara li ma setgħux jibqgħu fil-post l-antik fil-Marsa.

Fl-inawgurazzjoni, il-Prim Ministru Joseph Muscat qal li minkejja li s-sit viċin il-Port Ħieles seta’ faċilment ingħata lil xi intrapriża, inħass il-bżonn li għaqda bħall-AAA li tagħmel tant xogħol b’għan nobbli għanda jkollha post diċenti minn fejn topera. Fakkar fil-ħidma li għamel dan il-Gvern fosthom il-pieni iżjed ħorox għall-moħqrija tal-annimali, u liġijiet biex kelb ma jinżammx marbut biċ-ċinga.Aqra aktar

Tmien Kunsilli jingħataw €240,000 sabiex iħaddru l-lokalitajiet

Il-Ministru għall-Ambjent, Żvilupp Sostenibbli u Tibdil fil-Klima Jose Herrera u s-Segretarju Parlamentari għall-Gvern Lokali u Komunitajiet Silvio Parnis ippresjedew għall-iffirmar tal-ftehim ma’ tmien Kunsilli Lokali li ser jibbenefikaw mill-proġett tal-Ministeru tal-Ambjent ‘Tħaddir tal-Komunitajiet’. Il-Kunsilli Lokali li ntagħżlu din is-sena huma l-Furjana, l-Kalkara, Marsaskala, l-Imtarfa, x-Xagħjra, ż-Żejtun u n-Nadur Għawdex, kif ukoll intgħażel l-ewwel proġett ta’ green wall f’Raħal Ġdid. Permezz ta’ dan l-iffirmar, ġiet imwettqa l-wegħda tal-Budget 2019.Aqra aktar

Send this to a friend