Samuel Lucas – Page 8 – One News

Samuel Lucas

Notifiki

Turisti li ser iżuru Ħal Lija se jkollhom esperjenza ġdida

Minn April li ġej turisti li jżuru l-lokalità ta’ Ħal Lija ser ikollhom iċ-ċans jaraw il-karatteristiċi mill-isbaħ li joffri dan ir-raħal.

Dan hekk kif l-istitut għat-Turiżmu, l-Ivvjaġġar u l-Kultura fi ħdan l-Università ta’ Malta flimkien mas-soċjetà turistika Maltija qegħdin jorganizzaw ġita fil-Komunità.

Kunċett ġdid bil-mira li jsaħħaħ l-aspett kulturali tar-raħal billi jlaqqa’ nies mil-lokal mal-viżitaturi permezz ta’ giti fis-siti l-aktar importanti tar-raħal. Aqra aktar

Iktar faċli biex tesporta barra

Madwar 500 intrapriżi Maltin qed jagħmlu użu mill-pjattaforma onlajn ta’ TradeMalta li tgħinhom jesportaw il-prodotti u s-servizzi tagħhom lil hinn minn xtutna.

Qal dan il-Kap Eżekuttiv ta’ TradeMalta Anton Buttigieg waqt intervista ma’ ONE News. Huwa qal: “Is-sit, il-portal qed ikollna bejn wieħed u ieħor mal-500 user li qed jilloggja fuq is-sit b’mod regolari u skond l-istatistikali għandna qed turi li aħna qed nilħqu t-targets tagħna għal dan il-proġett.

Din il-pjattaforma tnediet b’investiment ta’ madwar disa’ mitt elf ewro minn fondi Ewropej f’Marzu t’erba’ snin ilu.

Hija toffri servizzi ddedikati apposta għal dawk l-intrapriżi li għandhom prodotti jew servizzi li jistgħu jiġu esportati barra minn Malta.

Is-Sur Buttigieg elenka uħud mill-kategoriji li tinkludi fiha din il-pjattaforma.

“Videos ta’ setturi fosthom tal-informatika, tal-ikel u tax-xorb u dawn jgħinu jippromovu l-industrija inġenerali. Għandna wkoll direttorju ta’ esportaturi Maltin, għandna wkoll rapporti magħmulin minn esperti lokali biex jgħinu l-intrapriżi jesportaw f’pajjiżi jew f’reġjuni partikolari.”

Huwa żied jispjega kif din il-pjattaforma qed tgħin ukoll lil intrapriżi Maltin jagħmlu kuntatt ma’ klijenti barranin sabiex l-espanzjoni tkun suċċess.

Dan permezz ta’ listi ta’ intrapriżi Ewropej li magħhom intrapriżi Maltin jistgħu jagħmlu kuntatt dwar xejriet ekonomiċi f’diversi setturi madwar id-dinja.

Il-pjattaforma trademalta.org tinkludi wkoll korsijiet dwar ħiliet u strateġiji realatati ma’ swieq internazzjonali.

It-tim nazzjonali Malti f’PES 2020

It-tim Nazzjonali Malti ser ikun wieħed mit-timijiet internazzjonali inkluż fi Pro Evolution Soccer 2020.

L-appassjonati Maltin tal-logħba tal-futbol ser ikunu jistgħu jilgħabu bi plejers lokali Maltin hekk kif ftit tal-jiem ilu l-kreaturi tal-logħba, KONAMI DIGITAL ENTERTAINMENT, ħabbru partnership esklussiv mal-UEFA.

Aqra aktar

Send this to a friend