Samuel Lucas – Page 48 – One News

Samuel Lucas

Notifiki

ARA: Jingħata l-ħelsien mill-arrest wara li ħa l-liġi b’idejh

Vittma ta’ att vandalu ngħata l-ħelsien mill-arrest wara li ħa l-liġi b’idejh u pprova jweġġa’ lil dak li skontu prova jivvandalizzalu daru.

Paul Mallia ta’ sitta u tletin sena minn Ħal Qormi wieġeb mhux ħati wara li nqabad fuq filmat jidħol bil-vann tiegħu fuq il-karozza ta’ Sage Guaci wara li l-istess Mallia raħ isuq fit-triq.

Aqra aktar

Sewwieq ta’ mutur iweġġa’ gravi f’inċident

Raġel mill-Pakistan ta’ 32 sena residenti Ħaż Żabbar kien involut f’inċident tat-traffiku wara li għal xi raġuni jew oħra tilef il-kontroll tal-mutur tiegħu.

Kien għall-ħabta tat-tlieta u nofs li r-raġel kien qed isuq il-mutur tiegħu tal-għamla Yamaha Krypton fi Triq Ġeronima Abos, l-Iklin, meta huwa nqeleb.

Fuq il-post issejħet ambulanza li ħadet lir-raġel l-Isptar Mater Dei għall-kura fejn aktar tard ġie ċċertifikat li qed isofri minn ġrieħi ta’ natura gravi.

 L-investigazzjoni dwar dan l-inċident għadha għaddejja.

Jibda l-Malta International Music Festival 2018

Għal darb’ oħra l-kultura Maltija tieħu spunt qawwi ’l quddiem hekk kif illejla uffiċjalment tinfetah is-sitt edizzjoni tal-Malta International Music Festival.

Avveniment mużikali li ser ikun qed jara l-bidu tiegħu llejla ġewwa Robert Sammut Hall fil-Furjana sabiex jimmarka l-ftugħ mill-akbar avvenimenti mużikali klassiċi fil-kalendarju Malti.

Festival mużikali li bejn il-ħmistax ta’ April u l-ewwel ta’ Mejju ser ikun mimli programmi u kunċerti mużikali għall-pubbliku. Minbarra f’hekk Malta ser tkun qed tilqa’ wkoll l-aqwa sebgħin pjanisit minn totall ta’ seba mija tmienja u għoxrin pjanist oħra li ħadu sehem f’kompettizjonijiet oħra madwar id-dinja. Dawn ser ikunu qed jiġu Malta għall-fażi finali ta’ din il-kompetizzjoni bl-isem “The Malta International Piano Competition 2018.” Din ser tkun qed issir bejn is-sittax u disgħa għoxrin ta’ April.

Aqra aktar

AltoFest 2018: Festa ta’ Arti, Kultura u Ospitalità Maltija

Altofest 2018 bit-tema “Legendary People” huwa festival li bejn it-tlettax ta’ April u t-tlettax ta’ Mejju, mistenni jilqa’ bosta artisti internazzjonali sabiex jkunu jistgħu jesponu xogħolhom b’differenza.

Bħala parti mill-programm tal-Valletta 18, l-artisti li ser ikunu qed jieħdu sehem f’dan l-avveniment ta’ xahar ser ikunu qed joqgħodu fid-djar ta’ familji Maltin, imxerrda ma’ ħdax- il lokalita f’Malta. Tul dan ix-xahar dawn il-familji f’darhom ser ikunu jistgħu jilqgħu udjenzi għal diversi wirjiet u prestazzjonijiet minn dawn l-istess artisti.

Intant is-Segretarju Parlamentari Deo Debattista, wera l-apprezzament tiegħu għal dan l-isforz impekkabbli li permezz tiegħu se tkun qed tgawdi l-kultura Maltija.

 

ARA: Fabrizio Faniello b’album mhux mistenni

“ ‘Unexpected’ għaliex ma kelli l-ebda pjan li noħroġ dan l-album din is-sena.”

Hekk iddeskriva isem is-sitt album il-ġdid tiegħu Fabrizio Faniello.

F’intervista fit-Teatru tal-Pandora fiż-Żejtun, Fabrizio tkellem dwar il-ħidma li saret fuq dan l-album wara perjodu diffiċli f’ħajtu.

“Unexpected jismu l-album u unexpected kien ukoll li  jasal dan is-sitt album tiegħi għaliex wara daqsxejn struggles li kelli wkoll f’ħajti ovjament dan il-proġett kien diġà launched tliet snin ilu.”

Tul il-karriera mużikali tiegħu, Fabrizio Faniello rrappreżenta lil Malta tliet darbiet fil-Eurovision Song Contest iżda l-karriera tiegħu ma waqfitx hemm. Qal li dan l-album jirrappreżenta għalih fażi ġdida fil-karriera tiegħu li jinsab eċċitat ħafna dwarha.

“Hemm kanzunetti bħal-aħfirli jekk trid hemm kanzunetta ukoll bl-indonesjan “Heavenly” miktuba minn Paul Abela u Georgina umbad hemm ovjament “life goes on” u kanzunetti ġodda oħra flimkien ma “Unexpected””

Dan l-album ser jiġi mniedi llum f’bar ewlieni f’San Pawl il-Baħar. Waqt l-istess tnedija, Faniello ser ikun qed juri għall-ewwel darba, l-vidjo mużikali tad-diska Unexpected.

Hawn tista ssewgi l-vidjo mużikali tad-diska Life Goes On li tagħmel parti minn dal-album.

 

Preżenza Għawdxija u Maltija fiċ-CHOGM 2018

Żewġ żagħżagħ Maltin se jirrappreżentaw lil Malta bħala delegati uffiċjali għaż-żgħażagħ fil-Commonwealth Youth Forum li se jittella’ l-ġimgħa d-dieħla fir-Renju Unit.

Dan wara li l-ħidma speċjali tagħhom fis-soċjeta Maltija u Għawdxija ġiet rikonoxxuta hekk kif ġew magħżula bħala parti mill-Queen’s Young Leaders għas-sena 2017.

ONE News tkellem Eman Borg, żagħażugħ Għawdxi li flimkien ma’ Sara Ezabe jinsabu Londra sabiex jieħu sehem f’dawn il-konferenzi imqassmin tul tlett ijiem. Eman spjega x-xogħol li huwa jagħmel u li b’riżultat tiegħu ntgħażel biex jirrappreżenta lil pajjiżu.

 “Bħala president għall-ewwel għaqda LGBTIQ f’ Għawdex il-ħidma tmur fuq diversi servizzi, diversi programmi li noffru kemm għal żagħżagħ, adulti u anke edukazzjoni fuq inklussivita u diversita ġewwa l-gżira Għawdxija.”

 Qal li t-temi tal-inklussività u d-diversità se jkunu fuq nett tal-aġenda.

“It-temi li ser ikunu qed jiġu diskussi li huma il-Fairness Sustainibility, Peace and Prosepetti fuq l-aspett ukoll taż-żagħażagħ fuq l-aspett li ż-żgħażugħ Malti li għandu dak il-vantaġġ li huwa żagħżugħ Ewropew pero huwa ukoll żagħżugħ tal-Commonwealth u nibridgejaw dawn iż-żewġ aspetti differenti fuq il-pjattaforma tal-Commonwealth dejjem grazzi għall-inklussivilta u d-diversita li jien u Sara ser inkunu qed inqajmu ġewwa l-Assemblea.”

Eman sostna li huwa unur li se jirrappreżenta lil Mata f’dan l-avveniment importanti.

“Huwa ta’ unur li tkun magħżul. Huwa unur iktar li l-kunsill Nazzjonali taż-żagħżagħ għandu dik il-pjattaforma li jkun hemm kollaborazzjoni bejn tlett entitajiet differenti dejjem li titla’ tirrapreżenta lil Malta huwa unur. Huwa unur għaliex jien Għawdxi, jiena Malti.”

 Dan l-avveniment ser isir bejn il–ħmistax u t-tmintax ta’ April bir-rappreżentanti żgħażagħ jiltaqgħu mal-uffiċjali għolja tal-pajjiżi tal-Commonwealth, fosthom il-Prim Ministru Joseph Muscat.

 

 

Conor McGregor f’baħar ta’ inkwiet

Il-ġellied tal-arti marzjali Conor McGregor jinsab f’baħar ta’ inkwiet wara li lbieraħ kien involut f’każ ta’ ġlied fil-Barclays Centre fi New York.

L-inċident seħħ wara li ġellied ieħor li mistenni jiġġieled fis-siegħat bikrin tal-Ħadd filgħodu, Khabib Nurmagomedov affronta u ta’ daqqa ta’ ħarta lill-ġellied Artem Lobov. Lobov huwa meqjus bħala wieħed mill-aqwa ħbieb ta’ McGregor u saħansitra jipprattikaw l-arti marzjali fl-istess gym.Aqra aktar

Blajtha jew bellajtha?

L-ewwel t’April ta’ din is-sena, immarka jum l-Għid iżda mhux biss.

Bħal l-ewwel jum tar-raba’ xahar ta’ kull sena, dan il-jum huwa assoċjat ukoll ma’ xi ċajta, li anke jippruvaw jgħaddu bosta kmamar tal-aħbarijiet.

Metjoriti neżlin, l-aħħar tad-dinja, burgers magħmulin miċ-ċikkulata u t-tazza tad-dinja mhux se ssir.

Dawn huma ftit miċ-ċajt tal-ewwel ta’ April li matul din il-ġurnata forsi kien hemm ċans li wieħed jisma’.

Ta’ kull sena fl-ewwel ta’ April, min ibella’ ċ-ċajt u min jispiċċa vittma tagħhom.

Din is-sena xejn inqas hekk kif miċ-ċajt kollu li ntqal partikolarment fuq il-midja soċjali, jidher li ddominaw fuq kollox dawk fuq it-Tazza tad-dinja li se tintlagħab f’Ġunju li ġej.

Min jgħid li t-Taljani minkejja li ma kwalifikawx, xorta ser ikunu qed jieħdu sehem u min saħansittra jxerred il-kelma li tħassret it-Tazza tad-Dinja speċjalment wara l-qtil tal-ispija Russu fl-Ingilterra.

Aqra aktar

Send this to a friend