Samuel Lucas – Page 33 – One News

Samuel Lucas

Notifiki

ARA: Twerwirt ħsibt li kienu ser joqtluni – Malti jaqla’ xebgħa

Lejl xejn sabiħ għal raġel Malti meta għal-ebda raġuni safa midrub, wara li grupp ta’ nies barranin daruh u weġġgħuh gravi waqt li kien qed iwassal lil sieħbu lura d-dar.

Twerwirt. Ħsibt li kienu ser joqtluni.

Dik li kellha tkun lejla mill-isbaħ bejn il-ħbieb ħadet żvolta għall-agħar hekk kif raġel safa midrub gravi wara li grupp ta’ irġiel barranin daruh waqt li kien qed iwassal lil sieħbu lura d-dar kmieni t-Tlieta filgħodu.

Ir-raġel, li xtaq jibqa’ anonimu, għamel kuntatt ma One News sabiex jiddeskrivi l-esperjenza tant indimentakabbli.

Huwa ddeskriva kif kien għadu kif wasal Pembroke minn ħarġa mal-ħbieb sabiex iwassal lil sieħbu, meta dlonk minn imkien ġie fuqhom vann iswed bi tlett nies barranin fih u tfajla.

Wieħed ħabat għal sieħbi. Ieħor ġie b’lembuba beda jkisser fuq il-‘windscreen’ u tagħni daqqa ġo wiċċi sakemm kont għadni marbut bis-‘seatbelt’ u ieħor beda jqatta’ t-‘tyres’ tal-karozza u qaċċatli l-bieba.

Ir-raġel kompla jghid kif ma seta’ jagħmel xejn anke peress li fl-ebda ħin u mument ma stenna li dan kien ser jiġrilu.

Kif ħriġt barra it-tfajla qaltli ‘Run away they are going to kill you’. Jien dak il-ħin għidt dak r-raġel qiegħad bis-sikkina li waqa’ barra mill-karozza, għidt ħa jiġi minn warajja fid-dlam u ħa jtini xi daqqa ta’ sikkina.

Huwa qal li malli ħareġ mill-karozza qasam jiġri għan-naħa l-oħra tat-triq u għal xi raġuni, dan il-grupp barrani rikbu l-vann tagħhom u ħarbu minn fuq l-post.

Meta mistoqsi minn One News dwar x’ħass waqt li seħħ dan kollu, l-vittma qal hekk.

Tibda tgħid jien ħa noħroġ ħaj minnha l-ħaġa. Jiġifieri kienet tal-biża ħafna l-esperjenza.

Għaliha jew ‘mistaken identity’ waħda minnhom jew inkella qadt infittex daqsejn fuq l-internet u qed insib din ta’ ‘gang inititiation.’

‘Gang initiation’ hija forma ta’ prova għal dawk kollha li jkunu beħsiebhom jingħaqdu ma dawn it-tip ta’ gruppi. Prova bħal din tkun tiddetermina min huwa kapaċi għal sitwazzjonijiet perikolużi bħal dawn jew le.

Madankollu din il-persuna ma riditx biss tiddeskrivi l-esperjenza makabra li għaddiet minnha. Hija tkellmet ma One News ukoll sabiex tagħmel appell li permezz tiegħu jkun jista’ jgħin inaqqas dawn il-każijiet.

Jiena nagħmel appell li forsi jsir investiment tajjeb f’high resolution cameras’ bħalma hemm fl-‘istadiums’ fl-ibliet prinċipali fl-Ewropa bħal Londra u Franza. Jiġri x’jiġri qiegħad ‘monitored’.

Intant l-investigazzjoni tal-Puluzija rigward dan il-każ għadha għaddejjha.

ARA: Terapija għat-Tinnitus issa wkoll f’Malta

Dawk kollha li jbatu minn problemi tas-smiegħ, partikolarment bil-kundizzjoni tat-Tinnitus, issa se jkunu jistgħu jgawdu minn terapija li ttaffi din il-kundizzjoni.

Dan se jsir grazzi għall-Professur Andrew Sciberras hekk kif ħa inizjattiva sabiex il-klinika tiegħu “Loud and Clear” issa se tingħaqad ma’ “The Tinnitus Clinic” fl-Ingilterra, il-fornitur ewlieni għat-terapija ta’ din il-kundizzjoni.

Aqra aktar

Il-PM jinawgura lukanda lussuża

Il-Ħamis filgħaxija l-Prim Ministru ta’ Malta Joseph Muscat inawgura l-ftugħ ta’ lukanda ġdida ġewwa l-Maċina.

Lukanda bl-isem ta’ Cugo Gran Macina, li grazzi għaliha sar restawr estensiv sabiex l-bastjun ikoniku tal-Isla li jmur lura għas-seklu sittax issa qed jerġa jħaddan il-glorja li gawda minnu fil-passat.

F’serata ta’ inawgurazzjoni One News tkellem maċ-Ċermen tal-IBB Hotel Collection Sven von der Heyden li bħala kumpanija jispeċċjaliżżaw fi żvilupp ta’ propjetajiet tal-ogħla kwalità.Aqra aktar

Vittma ta’ attentat ta’ bomba jibqa’ msakkar f’daru bil-biżà

Mario Scicluna, il-vittma ta’ attentat ta’ karozza bomba fil-Fgura lura f’Jannar li għadda, fil-Qorti qal kif jiem wara l-attentat baqa’ imsakkar f’daru bil-biżà.

Dan intqal hekk kif il-Qorti qed tisma il-kumpilazzjoni ta’ evidenza kontra Lorenza Callus magħruf bħala l-“Ħeswes”, Paul Farrugia – “Il-Kwattru” u Jonathan Farrugia magħruf bħala “Ġanni ta’ Nina.

Aqra aktar

ARA: Jingħata l-ħelsien mill-arrest wara li ħa l-liġi b’idejh

Vittma ta’ att vandalu ngħata l-ħelsien mill-arrest wara li ħa l-liġi b’idejh u pprova jweġġa’ lil dak li skontu prova jivvandalizzalu daru.

Paul Mallia ta’ sitta u tletin sena minn Ħal Qormi wieġeb mhux ħati wara li nqabad fuq filmat jidħol bil-vann tiegħu fuq il-karozza ta’ Sage Guaci wara li l-istess Mallia raħ isuq fit-triq.

Aqra aktar

Sewwieq ta’ mutur iweġġa’ gravi f’inċident

Raġel mill-Pakistan ta’ 32 sena residenti Ħaż Żabbar kien involut f’inċident tat-traffiku wara li għal xi raġuni jew oħra tilef il-kontroll tal-mutur tiegħu.

Kien għall-ħabta tat-tlieta u nofs li r-raġel kien qed isuq il-mutur tiegħu tal-għamla Yamaha Krypton fi Triq Ġeronima Abos, l-Iklin, meta huwa nqeleb.

Fuq il-post issejħet ambulanza li ħadet lir-raġel l-Isptar Mater Dei għall-kura fejn aktar tard ġie ċċertifikat li qed isofri minn ġrieħi ta’ natura gravi.

 L-investigazzjoni dwar dan l-inċident għadha għaddejja.

Jibda l-Malta International Music Festival 2018

Għal darb’ oħra l-kultura Maltija tieħu spunt qawwi ’l quddiem hekk kif illejla uffiċjalment tinfetah is-sitt edizzjoni tal-Malta International Music Festival.

Avveniment mużikali li ser ikun qed jara l-bidu tiegħu llejla ġewwa Robert Sammut Hall fil-Furjana sabiex jimmarka l-ftugħ mill-akbar avvenimenti mużikali klassiċi fil-kalendarju Malti.

Festival mużikali li bejn il-ħmistax ta’ April u l-ewwel ta’ Mejju ser ikun mimli programmi u kunċerti mużikali għall-pubbliku. Minbarra f’hekk Malta ser tkun qed tilqa’ wkoll l-aqwa sebgħin pjanisit minn totall ta’ seba mija tmienja u għoxrin pjanist oħra li ħadu sehem f’kompettizjonijiet oħra madwar id-dinja. Dawn ser ikunu qed jiġu Malta għall-fażi finali ta’ din il-kompetizzjoni bl-isem “The Malta International Piano Competition 2018.” Din ser tkun qed issir bejn is-sittax u disgħa għoxrin ta’ April.

Aqra aktar

AltoFest 2018: Festa ta’ Arti, Kultura u Ospitalità Maltija

Altofest 2018 bit-tema “Legendary People” huwa festival li bejn it-tlettax ta’ April u t-tlettax ta’ Mejju, mistenni jilqa’ bosta artisti internazzjonali sabiex jkunu jistgħu jesponu xogħolhom b’differenza.

Bħala parti mill-programm tal-Valletta 18, l-artisti li ser ikunu qed jieħdu sehem f’dan l-avveniment ta’ xahar ser ikunu qed joqgħodu fid-djar ta’ familji Maltin, imxerrda ma’ ħdax- il lokalita f’Malta. Tul dan ix-xahar dawn il-familji f’darhom ser ikunu jistgħu jilqgħu udjenzi għal diversi wirjiet u prestazzjonijiet minn dawn l-istess artisti.

Intant is-Segretarju Parlamentari Deo Debattista, wera l-apprezzament tiegħu għal dan l-isforz impekkabbli li permezz tiegħu se tkun qed tgawdi l-kultura Maltija.

 

Send this to a friend