Samuel Lucas – Page 32 – One News

Samuel Lucas

Notifiki

17-il persuna mejta wara li għerqet dgħajsa

17-il persuna mietu wara li dgħajsa li kienet qed iġorr turisti fuqha, għerqet f’temp ħażin fl-istat Amerikan ta’ Missouri.

Id-dgħajsa kienet qed iġorr mat-tletin persuna, bl-għaddassa għadhom qed ifittxu fl-għadira għal persuni li għadhom irrappurtati nieqsa.

Seba’ persuni ttieħdu l-isptar, bi tnejn minnhom irrappurtati li huma midruba serjament.

14 midruba f’attakk b’sikkina f’Luebeck fil-Ġermanja

Erbatax-il persuna ndarbu, wħud minnhom gravi, wara attakk b’sikkina f’xarabank fil-belt Ġermaniża ta’ Luebeck. Il-Pulizija arrestat lill-aggressur.

Qiegħed ikun irrappurtat li fuq il-post għaddejja operazzjoni kbira mill-forzi tal-ordni. Il-Pulizija għad trid tistabbilixxi jekk kienx attentat terrorist.

Regoli ġodda minn Whatsapp

Whatsapp ser ikun qed jimponi regoli ġodda fl-Indja fejn fost oħrajn ser ikunu limitati l-ammont ta’ messaġġi li jintbgħatu mingħand ħaddieħor (forward).

Dan ser ikun qed isir bħala tentattiv sabiex jitnaqqsu d-drabi li jinxterdu aħbarijiet foloz fuq din il-pjattaforma.

Dawn ir-regoli ser ikunu ntrodotti wara li minn tal-inqas 18-il persuna minn madwar l-Indja f’dawn l-aħħar erba’ xhur, inqatlu b’riżultat ta’ aħbarijiet foloz.

Aqra aktar

Tista’ tapplika għall-klassijiet ta’ reviżjoni tas-SEC sa għada

Reġgħu infetħu l-applikazzjonijiet għal dawk li jridu japplikaw għall-klassiijiet ta’ reviżjoni b’xejn tas-SEC.

L-applikazzjonijiet ser jibqgħu miftuħin sa għada, is-Sibt 21 ta’ Lulju fid-09:00am. Studenti jistgħu japplikaw fuq is-sit : education.gov.mt/revision 

Student jista’ anke jżur wieħed miċ-ċentri reġjonali ta’ servizz.gov u hemmhekk jingħata għajnuna immedjata minn nies imħarrġa apposta li jgħinuk timla’ l-applikazzjoni. Il-Freephone 153 wkoll joffri assistenza lil min ikollu bżonnha. L-istess  joffru wkoll il-mobile apps li jitrattaw il-qasam tal-edukazzjoni fl-app maltapps.

Aqra aktar

BIL-FILMAT: Mara tweġġa gravi wara li ntlaqtet minn vettura f’Ħal Luqa

Mara ta’ sitta u sittin sena minn Ħal Luqa ġarrbet ġrieħi gravi wara li dalgħodu kienet involuta f’inċident tat-traffiku.

Il-każ seħħ fid-disgħa u kwart fi Triq Sant Andrija kantuniera ma’ Triq San Ġorġ f’Ħal Luqa, meta l-vittma ntlaqtet minn vettura misjuqa minn mara ta’ sebgħa u erbgħin sena mill-Imġarr.

Ambulanza ħadet lill-mara l-Isptar Mater Dei fejn ġiet iċċertifikata li qed issofri minn ġrieħi gravi.

L-investigazzjoni tal-Pulizija għadha għaddejja.

Aqra aktar

BIL-FILMAT: L-effett tat-temperaturi għoljin fis-Sajf

Fl-aħħar jiem it-temperaturi bdew jitilgħu ġmielhom, bl-ogħla temperatura f’dawn il-jiem kienet ta’ sitta u tletin grad celcius, izda tinħass erbgħin.

Id-Direttur tal-Promozzjoni tas-Saħħa u l-Prevenzjoni mill-mard Paula Vassallo appellat lill-pubbliku sabiex f’dawn iz-zminijiet tas-sajf jieħdu l-prekawzjonijiet neċessarji.

Importanti li nilbsu kappell u li jekk se noqgħodu dar, noqgħodu fl-iktar kamra friska jew f’sular ta’ isfel.

L-anzjani, it-trabi, it-tfal żgħar u nies b’mard kroniku huma l-aktar f’riskju li jintlaqtu minn temperaturi għoljin

Eżempju persuni bid-dimensja ma jkunux jafu li sħana għax anki ġisimhom ma jaddatx daqshekk. Għalhekk qraba iridu jieħdu ħsieb il-familjari tagħhom anki minħabba dehadration.

One News żar il-pjazza ta’ Raħal Ġdid u staqsa kif in-nies qed tilqa’ għas-sħana.

 

Alisson Becker jingħaqad ma’ Liverpool għal €75miljun

L-ex gowler tal-klabb taljan AC Roma, Alisson Becker mistenni jingħaqad mal-ġganti Ingliżi Liverpool wara li ffirmawh għal somma ta €75 miljun ewro.

Becker li għandu 25 sena vvjaġġa lejn l-Ingilterra, l-Erbgħa filgħaxija u ser ikun qed jagħmel t-testijiet mediċi fil-jiem li ġejjin.

Dan l-akkwist jkompli mal-akkwisti li riċentament għamlu Liverpool fejn fost oħrajn issa naqgħdu magħhom Naby Keità u Xherdan Shaqiri.

Becker li jifforma parti wkoll mit-tim internazzjonali tal-Brażil lgħab 49 logħba ma’ Roma tul l-aħħar kampjonat.

Immultat ħames ewro wara li ħa l-liġi b’idejh

Jimmy Paul Saliba ta’ tmienja u tletin sena ġie mmultat ħames ewro wara li ħa l-liġi b’idejh.

Fil-qorti ngħad li Saliba, li jaħdem bħala tekniku, ħa żewġ kompjuters tal-Kunsill Lokali tal-Fontana wara li baqa’ ma tħallasx ta’ tiswijiet li kien għamel fuq il-kompjuters tal-kunsill u apparat ieħor.

Il-Qorti semgħet kif sena u nofs wara li sar ix-xogħol, il-Kunsill iddeċieda li ma kienx se jħallsu għax is-servizz ma kienx approvat mill-kunsilliera, bil-ħlas mitlub kien eċċessiv.

Saliba instab ħati biss tal-ewwel akkuża u weħel multa ta’ ħames ewro.

16-il xahar ħabs wara li xehed falz fil-Qorti

Generoso Sammut ta’ erbgħa u sittin sena ġie kkundannat sittax-il xahar ħabs wara li nstab ħati li xehed falz.

Huwa ġie mixli bi sperġur, li kiser il-kundizzjonjiet b’rabta mal-ħelsien mill-arrest u li sar reċediv wara li xehed falz quddiem il-Maġistrat Anthony Ellul f’każ li jmur lura għall-2013.

Send this to a friend