Samuel Lucas | One News

Samuel Lucas

Notifiki

UEFA Champions League: Juventus kontra Ajax, Manchester United kontra FC Barcelona

Kwarti Finali

 AJAX vs JUVENTUS

LIVERPOOL vs PORTO

TOTTENHAM vs MANCHESTER CITY

MANCHESTER UNITED vs FC BARCELONA

Hekk telgħu l-poloz għall-kwarti tal-final tal-UEFA Champions League. B’differenza minn snin oħra din is-sena il-poloz ser ikunu qed jinkludu wkoll il-konfronti tas-Semi Finali. B’hekk kull tim issa ser ikun jaf l’avversarju tiegħu għas-Semi Finali tal-Kompetizzjoni.

Semi Finali 

Filfatt fis-Semi Finali r-rebbieħa tal-logħba Ajax vs Juventus jilgħabu kontra r-rebbieħ bejn Tottenham vs Manchester City. L-istess għar-rebbieħ bejn Liverpool vs Porto u r-rebbieħ bejn FC Barcelona vs Manchester United.

Jinqabad jisraq bott bil-flus b’risq il-klieb abbandunati

Il-Pulizija tinsab għaddejha bi tfittxiha għal raġel li allegatament inqabad jisraq bott bil-flus minn fuq bank ta’ stabbiliment tal-ikel Pizza Planet fin-Naxxar.

Filmat mibgħut lil one.com.mt juri lir-raġel jaħtaf il-bott bil-flus b’risq il-klieb abbandunati, jitfgħu taħt il-flokk u jitlaq il-barra mill-ħanut.

Sorsi qalu li dwar il-każ sar rapport lill-Pulizija bil-għan li jiġi identifikat l-allegat ħalliel.

AĠĠORNAT: Raġel ta’ 52 fil-periklu tal-mewt wara ħabta frontali fis-Siġġiewi

Raġel jinsab fil-periklu tal-mewt wara li kien involut f’ħabta frontali ma’ trakk tal-kostruzzjoni fi Triq Monsinjur Mikiel Azzoppardi fis-Siġġiewi.

L-inċident seħħ għall-ħabta ta’ 14:30 meta vettura tat-tip Peugeot misjuqa mir-raġel ta’ 52 sena mis-Siġġiewi u Mitsubishi Fuso misjuq minn raġel ta’ 62 sena li joqgħod H’Attard għal xi raġuni jew oħra kienu nvoluti f’ħabta frontali.

Fil-Mitsubishi kien hemm ukoll raġel ta’ 19-il sena residenti s-Siġġiewi

Fuq il-post issejjħet ambulanza li ħadet lir-raġel l-isptar Mater Dei għal iktar kura. Fuq il-post issejħu wkoll ħaddiema tal-Protezzjoni Ċivili li għenu sabiex joħorġu r-raġel hekk kif kien maqbud ġewwa l-vettura tiegħu. Aktar tard ġie ċċertifikat li r-raġel ta’ 52 sena jinsab fil-periklu tal-mewt.

Intant il-passiġġier ta’ 19-il sena sofra minn ġrieħi gravi wara li ġarrab ksur f’siequ filwaqt li s-sewwieq tal-Mitsubishi sofra minn ġrieħi ħfief

Aktar informazzjoni malli taslilna.

Conor McGregor kuntent li sab ruħu fuq karru tal-Karnival Malti

Karru tal-karnival Malti ġibed l-attenzjoni tal-istilla Irlandiża fl-arti marzjali fil-UFC, Conor McGregor.

Dan hekk kif fis-siegħat bikrin tal-Ħadd filgħodu, McGregor xerred ritratt fuq il-profil tiegħu fuq is-sit soċjali Instagram b’karru tal-karnival Malti fil-Furjana.

The Notorious One kien wieħed mill-figuri prominenti fuq l-istess karru.

Fil-kumment tiegħu McGregor rringrazzja lill-Malta u saħansitra ta’ ħjiel li ser iżur pajjiżna fil-futur qarib.

Karnival Malti jagħmlu karru ta' Conor McGregor
Il-“post” ta’ Conor McGregor b’reazzjoni għall-karru tal-Karnival Malti

Teknoloġija avvanzata għal titjib fil-kwalità tal-ħajja tan-nies

Is-Segretarju Parlamentari għall-Ekonomija Diġitali Silvio Schembri qal li l-Gvern qed iħares lejn użu ta’ teknoloġija 5G biex ittejjeb il-kwalità tal-ħajja tan-nies.

Huwa qal dan waqt li attenda għall-Kungress Mobile World f’Barcelona li ħadu sehem fih mal-elfejn u ħames mitt kumpanija fil-qasam.

Qal li l-użu ta’ mobile technology tista’ ġġib bidla pożittiva f’oqsma bħal dak tas-saħħa, it-trasport u l-agrikoltura fost oħrajn.

“Permess ta’ ċurkett jew pendent jew ear rings nistgħu naraw persuni bħal anzjani li jbatu minn dimensja l-parentali tagħhom illi n-nies li jieħdu ħsiebhom ikun jafu in real time fejn jinsabu fejn jinsabu,” qal Schembri.

Is-Segretarju Parlamentari Schembri qal li huwa importanti li Malta żżomm il-pass mal-iżviluppi teknoloġiċi li jkunu qed iseħħu fid-dinja.

“Dan huwa għalfejn aħna qiegħdin hawnekk biex naraw li Malta tkun fuq quddiem ukoll f’dan is-settur,” kompla jgħid is-Segretarju Parlamentari.

Intant waqt il-kungress ġew ppreżentati mudelli ta’ prodotti tal-aħħar teknoloġija bħall-tablets, drones u saħansitrra karozzi li jinstaqu waħedhom minn uħud mill-iktar kumpaniji kbar minn madwar id-dinja.

 

Send this to a friend