Pearl Agius – One News

Pearl Agius

Notifiki

Sentenza sospiża għal maniġer ta’ diskoteka wara li darab gravi żagħżugħ f’Paceville

Godwin Micallef ta’ 43 sena li jaħdem bħala maniġer ta’ diskoteka ġie kkundannat sentejn ħabs sospiżi għal erba’ snin wara li nstab ħati li darab gravi żagħżugħ ta’ 20 sena quddiem stabbiliment tad-divertiment f’Paceville.

Il-każ seħħ fi Frar ta’ tliet snin ilu meta l-akkużat flimkien ma’ Miroslav Sasic ta’ wieħed u tletin sena u Nicolae Dobra ta’ sebgħa u għoxrin, żewġ uffiċjali tas-sigurtà, taw xebgħa liż-żagħżugħ waqt ġlieda li fiha kien involuti wkoll diversi persuni oħra.

Dwar dan il-każ, il-Qorti ordnat ukoll lill-pulizija biex tfittex lil Mihailo Manic magħruf ukoll bħala Viliko Blesa Stopalo u tixlih b’akkużi simili.

Tliet irġiel ħatja ta’ omiċidju volontarju

Perit u żewġ diretturi ta’ kumpanija tal-kostruzzjoni ngħataw sentenza sospiża wara li l-qorti sabithom ħatja li kienu responsabbli tal-mewt ta’ raġel ta’ 27 sena mil-Latvja li tgħaffeġ waqt li kien qed jagħmel xogħol ta’ rinovazzjoni.Aqra aktar

Il-Gvern ta’ Johnson jitlef vot dwar sejħa ta’ elezzjoni bikrija

Il-Gvern tal-Prim Ministru Ingliż Boris Johnson tilef vot fil-House of Commons hekk kif ried isejjaħ elezzjoni għat-12 ta’ Diċembru li ġej.

B’299 vot favur u 70 kontra, il-mozzjoni ta’ Johson m’għaddietx hekk kif kellha bżonn żewġ terzi tal-Parlament Ingliż.

Dan il-vot ittieħed wara li l-Unjoni Ewropea qablet li tagħti estensjoni għal Brexit sal-aħħar ta’ Jannar li ġej.

Send this to a friend