Owen Galea | One News - Part 3

Owen Galea

Notifiki

Jinżamm arrestat minkejja li ċaħad li seraq minn djar f’erba’ lokalitajiet

Raġel mill-Georgia li qal li m’għandux impjieg wieħed mhux ħati li kien involut ma’ grupp ta’ ħallelien li ilhom iwettqu serqiet madwar il-pajjiż minn Frar li għadda. Huwa kien akkużat ukoll li ftiehem ma’ dawn il-persuni biex iwettqu s-serqiet

Aliosha Amnadze, li għandu 24 sena, ċaħad li kien involut f’erba’ serqiet mill-Imsida, San Pawl il-Baħar u l-Fgura.

Fil-Qorti ntqal li r-raġel spiċċa arrestat wara li ħidma delikata mid-Dipartiment tal-Investigazzjoni Kriminali. Huwa ma talabx għall-ħelsien mill-arrest u se jinżamm arrestat mill-Pulizija.

Il-Gvern jissospendi l-permessi għat-twaqqigħ u l-iskavar b’mod immedjat

Il-Prim Ministu Joseph Muscat ħabbar li l-Gvern issospenda b’mod immedjat il-permessi kollha li għandhom x’jaqsmu ma’ skavar u twaqqigħ ta’ binjiet.

Dr Muscat qal dan fil-bidu tal-laqgħa li sejjaħ ma’ dawk kollha involuti fis-settur tal-kostruzzjoni wara li ġġarrfet binja ta’ erba’ sulari fil-Mellieħa.

Fil-bidu tal-laqgħa, il-Prim Ministru qal li l-każ li seħħ dalgħodu fil-Ħamrun, it-tielet wieħed f’xahrejn wassal lill-Gvern biex jieħu miżura drastika biex b’mod temporanju jieqaf kull xogħol ta’ skavar u twaqqigħ li jinsab għaddej ma’ Malta u Għawdex kollu.

Il-laqgħa għadha għaddejja.

 

Sospiżi l-azzjonijijiet industrijali fid-Dipartiment tal-Fiżjoterapija

Id-deputat Prim Ministru u Ministru għas-Saħħa Chris Fearne ħabbar li b’mod immedjat ġew sospiżi l-azzjonijiet industrijali fid-Dipartiment tal-Fiżjoterapija fl-isptar San Luqa.

Fi tweet il-Ministru Fearne qal li d-direttivi ġew sospiżi wara taħditiet li saru bejn Steward Healthcare u l-Unjin tal-Qwiebel u l-Infermiera l-MUMN.

ONE NEWS B’UDJENZA MASSIMA TA’ 75,464 RUĦ – FERM AKTAR MID-DOPPJU TA’ NET NEWS

Fl-aħħar stħarriġ li sar mill-Awtorità tax-Xandir li saru matul Marzu li għadda, l-aħbarijiet ta’ ONE laħqu udjenza massima ta’ 75,464  telespettatur, żieda ta’ aktar minn 9,400 telespettatur meta mqabbel mal-istħarriġ li sar f’Ottubru li għadda. L-istħarriġ wera wkoll li l-istazzjonijiet ONE żammew posthom fost l-iktar segwiti, b’udjenzi b’saħħithom li jlaħħqu l-eluf u jaqbżu bil-kbir dawk ta’ NET NEWS.

Fi ġranet minnhom, l-udjenzi jkunu ferm iktar mid-doppju. L-udjenza medja ta’ ONE NEWS bejn it-Tnejn u l-Ħadd kienet ta’ 57,230  telespettatur, filwaqt li dik ta’ NET NEWS kienet ta’ 22,394. Waqt li fil-jum tat-Tnejn, ONE NEWS kellu udejnza massima ta’ 75,464, dik ta’ NET NEWS kienet ta’ 30,546.  Din ix-xejra tkompli matul is-sebat ijiem tal-ġimgħa, fost oħrajn bid-differenza tispikka wkoll fil-jiem tat-Tlieta, il-Ħamis, il-Ġimgħa u s-Sibt.

Il-programm Pjazza ppreżentant minn Karl Stagno Navarra baqa’ l-aktar popolari mill-istazzjonijiet lokali kollha fil-ħin tiegħu b’udjenza medja ta’ 22,000. Il-programmi Aġenda, ONE Breakfast u Paperscan komplew isaħħu wkoll l-udjenzi tagħhom. Dan filwaqt li l-iktar drama popolari fuq ONE kienet Division 7, b’udjenza li taqbeż it-63,00 telespettatur. Fil-faxxa ta’ waranofsinhar, il-programm Kalamita kompla jkun segwit minn eluf ta’ Maltin.

L-istħarriġ wera wkoll li ONE Radio żamm postu bħala l-aktar stazzjon tar-radio segwit b’24.9% segwit minn Bay Radio b’udjenza medja ta’ 13.4%. Sibt il-punt ma’ Manuel Micallef baqa’ l-aktar programm radjufoniku segwit b’aktar minn 24,000 semmiegħ s-Sibt filgħodu.  Temi, programm ieħor ta’ ġrajjiet kurrenti fuq ir-radju saħħaħ il-faxxa tal-ħin tan-nofs siegħa ta’ wara nofsinhar fejn il-massimu tas-semmiegħa ntlaħaq kull nhar ta’ Ġimgħa. Net FM kellu udjenza medja ta’ 7% u ġie fis-seba’ post, wara Calypso Radio, Radju Malta, Vibe FM u Radju Marija.

L-iskema ‘Irrestawra Darek’ tinħataf mill-pubbliku f’siegħa

“Huwa l-akbar sodisfazzjon meta tara lill-pubbliku jipparteċipa fl-inizjattivi li qegħdin inħejju u noħolqu favur Malta dejjem aħjar. Bi pjaċir nistgħu nħabbru li din is-sena l-iskema ‘Irrestawra Darek’ ittieħdet mill-pubbliku f’temp ta’ siegħa biss – dan ifisser li fuq medda ta’ tliet snin ser inkunu investejna €23 miljun favur il-konservazzjoni tal-wirt arkitettoniku ta’ pajjiżna. Dan huwa sinjal ċar – sinjal li l-poplu jixtieq jinvesti fil-proprjetà tiegħu u sinjal li rridu nkomplu naħdmu flimkien biex nirrijabilitaw il-wirt kulturali li jagħmilna uniċi fid-dinja,” qal il-Ministru għat-Trasport, Infrastruttura u Proġetti Kapitali Ian Borg.

Aqra aktar

Send this to a friend