Owen Galea – One News

Owen Galea

Notifiki

Il-Gvern jaċċetta r-riżenja tal-Kummissarju tal-Pulizija

Il-Prim Ministru Robert Abela ħabbar li l-Gvern laqa’ r-riżenja ta’ Lawrence Cutajar minn Kummissarju tal-Pulizija u beda proċess biex jinħatar kummissarju tal-pulizija b’metodu ġdid u trasparenti li se jwassal għal aktar skrutinju fl-għażla ta’ din il-kariga importanti fil-korp tal-pulizija.Aqra aktar

Il-Prim Ministru Abela jagħżel il-membri tal-kabinett


Il-Prim Ministru Robert Abela għażel il-membri tal-kabinett li se jkomplu t-tieni parti ta’ din il-leġislatura li se jkun fih il-Prim Ministru u sbatax-il Ministru u tmien segretarji parlamentari. It-tliet deputati Laburista nisa se jkollhom irwol fil-kabinett, tnejn bħala Ministri u oħra Segretarju Parlamentari. Żewġ deputati minn tlieta Għawdxin se jkollhom issa rwol ta’ Ministru.

Iċ-ċerimonja tal-ġurament tal-ħatra tal-membri tal-kabinett saret fis-sala tal-Ambaxxaturi fil-Palazz il-Belt.Aqra aktar

FILMAT: Jisplodi ċilindru tal-gass f’Ħ’Attard

Ħadd ma ndarab fi splużjoni ta’ ċilindru tal-gass li seħħet f’parapett ta’ residenza fi Triq Żnuber f’Ħ’Attard.

Il-każ seħħ għall-ħabta tal-ħdax neqsin kwart tal-Ħamis filgħaxija.

Ritratti mibgħuta lil ONE News minn residenti li jgħixu tefgħa ta’ ġebla ’l bogħod minn fejn seħħet l-isplużjoni, juru li l-bini ġarrab ħsarat strutturali kbar.

Bħala prekawzjoni, il-Pulizija evakwat numru ta’ residenzi, għalqet it-triq, u ssejħu membri mid-Dipartiment tal-Protezzjoni Ċivili u ambulanza b’tim mediku mill-Isptar Mater Dei.

Aktar tard kien ikkonfermat li ma kienx hemm iżjed periklu u t-triq infetħet għat-traffiku.

Dwar il-każ infetħet inkjesta Maġisterjali, u l-Pulizija għadha għaddejja bl-investigazzjonijiet.

Send this to a friend