One Admin | One News

One Admin

Notifiki

Ir-Rabat b’sindku Laburista ġdid u b’kunsillier b’diżabilità

Ir-Rabat għażel lill-Partit Laburista biex imexxih fil-ħames snin li ġejjin. Sandro Craus kien ikkonfermat bħala sindku, filwaqt li ż-żagħżugħ Matthew Chetcuti ġie elett fil-kunsill lokali. Chetcuti kien wieħed minn numru ta’ kandidati f’isem il-Partit Laburista li għandhom diżabilità.

Fl-ewwel reazzjoni tiegħu, Chetcuti qal li dan il-vot ifisser li r-Rabtin ma ħarsux lejn id-diżabilità tiegħu iżda lejn dak li kapaċi jagħmel.

 

ARA: Simon Busuttil ma jilqax l-isfida tal-Grupp db

L-eks Kap tal-Partit Nazzjonalist Simon Busuttil ma laqax l-isfida li għamillu ġimgħat ilu l-Grupp db biex imur jagħrbel il-kuntratt tat-trasferiment tal-art tal-ITS f’San Ġiljan.

Fi stqarrija, il-Kap Eżekuttiv tal-Grupp DB Arthur Gauci wieġeb għad-dikjarazzjoni li għamel it-Tnejn fil-Parlament Busuttil meta qal li trasferiment ta’ dak li kien is-sit tal-ITS lill-Grupp db għandu jiġi investigat.Aqra aktar

SEBA’ XHUR ĦABS WARA LI BAGĦBAS ANZJANA

Reagan Ugat Tion ta’ tlieta u erbgħin sena mill-Filippini ġie kkundannat seba’ xhur ħabs wara li wieġeb ħati li attakka sesswalment mara anzjana ta’ seba’ u sebgħin sena li ġie fdata biex jieħu ħsiebha.

Ir-raġel li għall-ewwel ċaħad l-akkużi li nġiebu kontrih, il-Ġimgħa filgħodu deher quddiem il-Maġistrat Aaron Bugeja u wieġeb ħati tal-akkużi li nġiebu kontrih.Aqra aktar

L-ogħla livell ta’ ottimiżmu f’pajjiżna

Stħarriġ tal-Kummissjoni Ewropea juri li l-indiċi tal-fiduċja ekonomika f’Diċembru laħaq il-livell ta’ 128, żieda ta’ 4% fuq xahar qabel. Dan hu l-ogħla livell ta’ ottimiżmu qatt osservat f’pajjiżna mindu beda jsir dan l-istħarriġ.

 

L-istħarriġ tal-Kummissjoni, li sar fost 1,500 kumpanija u 1,000 familja fl-ewwel ġimagħtejn ta’ Diċembru juri wkoll li f’Malta hawn l-ogħla livell ta’ ottimiżmu osservat fost il-pajjiżi kollha fl-Unjoni Ewropea.

 

Imqabbel mal-istess xahar fl-aħħar sena qabel il-bidla fil-gvern fl-2013, l-ottimiżmu hu 35% ogħla.

 

L-akbar ottimiżmu kompla jispikka fost l-operaturi fis-settur tas-servizzi f’pajjiżna, li jinkludu kumpaniji fis-settur finanzjarju u tal-gaming. Dawn għandhom livell ta’ kunfidenza kważi t-triplu tal-medja Ewropea. Filwaqt li l-Oppożizzjoni tgħid li hawn ħafna inċertezza f’dawn l-oqsma, mal-Kummissjoni Ewropea dawn in-negozji qalu eżatt l-oppost. Ħafna operaturi fil-qasam tas-servizzi għandhom aspettattivi aħjar għax-xhur li ġejjin, minkejja li diġà marru tajjeb fix-xhur li għaddew, u qed ibassru li se jkomplu jżidu l-ħaddiema fix-xhur li ġejjin.

 

Fil-qasam tar-retail, ħafna operaturi qed jistennew żieda fil-bejgħ u għalhekk se jżidu l-impjiegi. Fl-industrija wkoll hemm ħafna kumpaniji li qed ibassru titjib fil-produzzjoni u ż-żieda fil-ħaddiema fit-tliet xhur li gejjin. Fil-fatt dawn il-fabbriki qalu li għandhom ordnijiet b’lura għal aktar minn tmien xhur.

 

Fil-qasam tal-kostruzzjoni, il-livell ta’ ottimiżmu hu wkoll l-ogħla qatt osservat mindu beda jsir dan l-istħarriġ mill-Kummissjoni Ewropea. Skont l-operaturi kien hemm żieda qawwija fl-attività u għandhom xogħol b’lura għal seba’ xhur.

 

Anke fost il-familji, f’Diċembru, ġie osservat l-ogħla livell ta’ ottimiżmu mindu l-Kummissjoni bdiet tagħmel dan l-istħarriġ. Il-familji f’pajjiżna baqgħu fost il-ftit fl-Ewropa li qed jgħidu li l-qagħda finanzjarja tagħhom se titjieb.

 

Filwaqt li madwar l-Unjoni Ewropea jeżisti pessimiżmu fost il-konsumaturi, f’Malta hemm l-ogħla proporzjon ta’ familji li qalu li qegħdin f’pożizzjoni li jagħmlu akkwisti relattivament kbar bis-saħħa tal-qagħda finanzjarja tajba tagħhom.

 

Ir-riżultati tal-istħarriġ tal-Kummissjoni Ewropea jixhdu s-sens qawwi ta’ ottimiżmu bla preċedent fost il-familji u n-negozji f’pajjiżna. Dan jirrifletti l-fiduċja kbira li jgawdi l-programm ta’ ħidma tal-Gvern fil-kamp ekonomiku, minkejja n-negattività tal-Oppożizzjoni.

 

Fix-xhur li ġejjin pajjiżna se jkompli jitpoġġa fuq sisien sodi għall-futur.

Sejħa urġenti wara li l-maltemp jolqot bil-kbir ir-riserva tad-demm

Il-maltemp ta’ dawn l-aħħar jiem wassal għal nuqqas ta’ donazzjonijiet tad-demm li affettwa sew ir-riserva ta’ demm O positive.

Quddiem id-domanda kbira għad-demm, fosthom mill-pazjenti morda bil-kanċer, dawk operati, kif ukoll minn dawk li ġarrbu xi ġrieħi, is-Servizz Nazzjonali tat-Trasfużjoni tad-Demm qed jappella b’mod urġenti għad-donazzjonijiet tad-demm partikolarment O positive.

F’dan il-mument ta’ bżonn kbir għad-demm, il-Bank qed nitolbu l-wiri tal-ġenerożità minn dawk kollha li huma f’saħħithom.

Ingħad li possibbliment dan għandu jsir illum fiċ-Ċentru tal-Għoti tad-Demm ta’ Gwardamanġa li jiftaħ kuljum mit-8:00am sas-6:00pm.

Send this to a friend