ONE SPORTS – Page 8 – One News

ONE SPORTS

Notifiki

Ġurnata deċeżiva għas-suq tat-trasferimenti ta’ Jannar

Illum hija ġurnata deċiżiva fis-suq tat-trasferimenti ta’ Jannar.  F’dan il-perjodu t-timijiet jippruvaw jirranġaw it-timijiet tagħhom għal kumplament ta’ l-istagun.

Fl-aħħar ħinijiet il-klabb ta’ Serie A fl-Italja, Roma akkwistaw lil Jonathan Silva, difensur Brażiljan ta` 23 sena mingħand il-klabb Portugiż Sporting Lisbon. Dan ser jieħu post Brażiljan ieħor Emerson Palmieri li iffirma ma’ Chelsea għal 20 miljun Ewro.

Intant id-difensur Gappuniż Nagatamo finalment ħalla lil klabb Taljan ta’ Inter, u issa iffirma mat-tim Tork ta’ Galatasaray, wara li dalgħodu għamel it-testijiet mediċi meħtieġa.

Uffiċjali wkoll it-trasferiment tal-player Emerick Aubameyang minn Borussia Dortmund għal Arsenal, għas-somma eċċezzjonali ta’ 64 miljun Ewro.  Aubameyang li kien imfittex mill-aqwa klabbs ewropej issa ser jieħu post Alexis Sanches li mar ma’ Manchester United. Il-Captain tal-Gabon skorja 173 gowl ma’ Dortmund, f’213-il logħba.

Fil-ħin li ġej Oliver Giroud mistenni jħalli lil Arsenal u jmur fi Stamford Bridge ma’ Chelsea, li min-naha tagħhom ċedew b’self lil attakant Belġjan Michy Batshuayi.

 

Jurgen Borg liberu li jittermina il-kuntratt ma’ Hibernians

Waqt laqgħa tal-Kunsill tal-Malta Football Assocoiation ġiet ikkonfermata deċiżjoni tal-qorti Ewropeja tal-arbitraġġ fl-isport il-CAS li l-gowlkiper ta’ Hibernbians Jurgen Borg jista’ jittermina l-kuntratt li kellu ma’ Hibernians, u jirreġistra ma’ club ieħor; bil-klabb kull ma jrid jagħmel huwa li jħallas lil Hibernians somma ta` kumpens.

Din id-deċiżjoni li hija bla preċedent għal futbol Malti u taqleb deċiżjoni meħuda mill-Kunsill ta’ l-awtorità tal-futbol lokali MFA. Din l-aħbar li kienet ilha dawn l-aħħar jiem fl-arja ġiet informata mis-segretarju ġenerali, l-avukat Angelo Chetcuti lill-membri tal-Kunsill. B’din id-deċiżjoni tal-CAS l-assoċjazzjoni ġiet ordnata tħalli lil Jurgen Borg jirreġistra mal-club li jixtieq. Din id-deċiżjoni ser idaħħal lil futbol Malti f’xenarju ġdid li qatt ma ġie maħsub qabel.

MFA issa qed tħabbat wiċċha ma’ problema oħra għax hija trid li wara li tistenna l-motivazzjoni tal-CAS, tiddeċiedi ukoll kemm ser tkun is-somma ta’ danni li l-player u l-klabb li ser jirreġistrawh, irridu iħallsu lil Hibs. Dan għaliex l-MFA ma għandiex il-formula ta’ dan il-kumpens li jidher li jiddependi minn kemm qed jitħallas il-player fil-preżent, kemm għad fadallu snin fil-kuntratt u kemm ser jithallas fil-kuntratt li jmiss.

Minn informazzjoni li għandu One Sport huwa l-klabb ta’ Gżira li hu l-aktar viċi l-firma tal-goalkeeper.

Kriżi fl-amministrazzjoni tal-football fl-Italja

Wara ġurnata ta’ diskorsi u votazzjonijiet, il-Federazzjoni Taljan tal-futbol ma’ rnexxiliex teleġġi President għal erbgħa snin li ġejjin. Dan kellhu jieħu post Carlo Tavecchio li ġie mġiegħel jirriżenja wara l-falliment tat-tim nazzjonali.    Kienu tlieta l-kandidati li qed jikkontestaw il-kariga: Cosimo Sibilia, Gabriele Gravina u l-ex player ta’ Roma Damiano Tommasi.

Fl-ewwel tlett votazzjoni, Sibilia ġab punt perċentwali iktar minn Gravina, b’Tomassi it-tielet.  Peress li ħadd ma’ ġab is-65% mitluba fl-Istatut, kien imiss ir-raba votazzjoni bil-kandidat li ġab l-inqas voti: Tomassi jiġi elimat.

Fir-raba votazzjoni ġara dak li kullħadd kien qed ibassar.  Kemm Sibilia u Tommasi qalu lill-votanti tagħhom biex iħallu l-vot vojt, b’hekk Gravina ma jkunx jista jġib il-50% u vot wieħed biex jiġi elett. Fil-fatt huwa ġab biss 39% tal-voti u għalhekk ma ġie elett ġadd.

Issa jidħol fl-azzjoni il-Kumitat Olimpiku Taljan, li fil-15 ta` Frar ser jiltaqa’ biex jappunta Kummissarju interim sakemm terġa’ ssir elezzjoni.  B’hekk il-kriżi tal-futbol fl-Italja tkompli u wara l-eliminazzjoni mill-fażi finali tat-tazza tad-dinja, issa fallew ukoll biex jeleġġu president. Dan ifisser ukoll li id-deċiżjoni sabiex jiġi appuntat kowċ nazzjonali ġdid ser tibqa’ tistenna, u Gigi Di Biagio, il-care taker coach ser jibqa’ fil-kariga.

Send this to a friend