One News – Page 5 – One News

One News

Notifiki

Clyde Puli ħa li ried

Is-Segretarju Ġenerali tal-Partit Nazzjonalista, Clyde Puli, żied is-saħħa fl-istamperija. Dan minkejja li  ħafna ppontaw lejh ukoll għar-riżultat elettorali diżastruż li l-Partit Nazzjonalista kiseb f’Mejju li għadda.

Kien il-Kap tal-Partit Nazzjonalista li kkonferma dan meta kien intervistat fid-Dar Ċentrali. F’nofs it-taqlib li kien hemm fil-Partit Nazzjonalista ftit tax-xhur ilu, Pierre Portelli rriżenja minn Kap Eżekuttiv ta’ media.link u l-id il-leminija ta’ Adrian Delia. Minflok Pierre Portelli, Delia ma ħatar lil ħadd u dan wara pressjoni ta’ Clyde Puli li ried iżid is-saħħa fl-istamperija. Kif kien żvelat li seta’ jiġri mill-gazzetta KullĦadd ftit tal-ġimgħat ilu. Ħafna kienu jitkellmu dwar kif bejn Puli u Portelli kien hemm ġlieda kbira għall-poter. Poter li Delia nnifsu kkonferma li issa mar kollu għandu Puli. Aqra aktar

Titħassar il-festa esterna ta’ Santu Wistin fil-Belt wara allegazzjonijiet fil-konfront tal-eks Kappillan


Il-Provinċja Agostinjana Maltija ħassret il-festi esterni ta’ Santu Wistin li kienu se jiġu ċċelebrati f’ġieħ il-qaddis fi tmiem il-ġimgħa li ġej. Id-deċiżjoni ttieħdet fl-isfond tal-allegazzjonijiet serji li saru kontra l-ex kapillan tal-parroċċa Dun Deo Debono. Fl-aħħar sigħat huwa ġie implikat f’każ serju ta’ serq ta’ oġġetti sagri mill-istess parroċċa b’valur ta’ mitt elf ewro.

L-aħbar ingħatat l-għada li l-Provinċija bi qbil mal-Kurja ħabbret li Debono ma jibqax kappillan tal-Parroċċa ta’ Santu Wistin u ma jeżerċitax il-ministeru saċerdotali fil-pubbliku sakemm jibqgħu pendenti l-investigazzjonijiet tal-pulizija u ċivili. Aqra aktar

L-ogħla uffiċjali pubbliċi jiddiskutu l-viżjoni għas-servizz pubbliku

Il-viżjoni għall-ġejjieni għas-servizz pubbliku, u l-mod kif din il-viżjoni se tissarraf f’servizz ta’ eċċellenza, se jiġu diskussi f’diversi sessjonijiet ta’ taħriġ waqt il-konferenza għall-ogħla uffiċjali pubbliċi. Din il-konferenza se ssir il-Ġimgħa li ġej, u biha tibda l-ġimgħa ddedikata għas-Servizz Pubbliku.

It-temi ewlenin li se jiġu diskussi tul dawn is-sessjonijiet huma:

  • ‘Kif Nikkonvertu l-Istrateġija f’Riżultati’;
  • ‘Id-Disinn tas-Servizz għas-Servizzi Pubbliċi’;
  • ‘Ix-Xiri Pubbliku’, u ‘
  • Il-Kwalità fis-Servizz Pubbliku’.

Aqra aktar

Helena Dalli quddiem l-MEPs fit-2 ta’ Ottubru

Is-smigħ ta’ Helena Dalli se jsir fit-2 ta’ Ottubru li ġej. Dan hekk kif il-Parlament Ewropew qabel fuq l-iskeda li se jħaddem biex jisma’ x’għandhom xi jgħidu l-Kummissarji Ewropej nominati ġodda.

L-ewwel smigħ se jsir fit-30 ta’ Settembru u l-aħħar wieħed fit-8 ta’ Ottubru. Helena Dalli hija nominata bħala Kummissarju għall-Ugwaljanza, nomina li ntlaqgħet tajjeb ħafna anke b’mod internazzjonali.

Il-vot finali fuq il-Kummissjoni Ewropea jittieħed fl-1 ta’ Novembru.

Send this to a friend