One News – Page 2659 – One News

One News

Notifiki

Ġrieħi gravi għal ġuvni ta’ 20 sena wara argument

Kmieni dalgħodu għall-ħabta tat- 3.30 a.m il-pulizija ġiet infurmata li kien hemm bżonn l-assistenza tagħhom dan għaliex kien hemm persuna feruta fi Triq San Ġorġ, San Ġiljan. Il-ġuvni mar l-Isptar Mater Dei għall-kura medika, fejn ġie ċċertifikat li qed isofri minn ġrieħi gravi.

Aqra aktar

Anke d-desakrazzjoni tal-Quran idawru f’ballun politiku

Il-Gvern jinnota b’dispjaċir li l-Kap tal-Oppożizzjoni pprova jdawwar att kundannabbli tad-desakrazzjoni ta’ Quran f’ballun politiku meta hu jaf li, bl-emendi li għaddew favur iktar libertà tal-espressjoni, fl-ebda punt ma ġiet permessa t-tixrid tal-mibgħeda reliġjuża.

Aqra aktar

Imħabbar proġett għal qabel tidħol il-Belt

Żewġ proġetti, li għandhom fil-qalba tagħhom il-funtanta tat-Tritoni, se jbiddlu kompletament id-dehra tad-daħla tal-Belt Kapitali. Dawn tħabbru llejla mill-Ministru Joe Mizzi u s-Segretarju Parlamentari Deborah Schembri u jinvolvu l-proġett tal-Foss tad-daħla tal-Belt u l-paviment tal-Pjazza tat-Tritoni. Dettalji ingħataw miċ-chairman tal-Fondazzjoni għar-Riġenerazzjoni taż-Żona tal-Port il-Kbir, Stefan Zrinzo Azzopardi.

Aqra aktar

Beyonce, Ibrahimovic u r-Reġina: raġunijiet għaliex Malta tissemma minn Forbes

Minn Beyonce għal Zlatan Ibrahimovic: Malta tinsab fuq il-mappa tal-avjazzjoni. Hekk kiteb il-ġurnalist Andrew Cave għas-sit online tal-ġurnal famuż Forbes.

Jgħid li l-gżejjer Maltin ma jiġux f’moħħ dak li jkun mill-ewwel bħala hub internazzjonali tal-avjazzjoni. Iżda kantanti bħal Beyonce u Mariah Carey, l-attur Hugh Jackman u r-wrestler The Rock ma jaqblux. Ilkoll, jinnota l-ġurnalist, jużaw ajruplani reġsitrati f’Malta minn VistaJet, il-kumpanija Żvediża li hija l-ikbar waħda fl-Ewropa fejn jidħol l-operat ta’ private jets indipendenti.

Saħansitra Zlatan Ibrahimovic, il-footballer Żvediż li issa sejjaħ lilu nnifsu “Alla tal-Manchester”, mar għal testijiet mediċi mar-Red Devils f’ajruplan Bombardier reġistrat hawn Malta.

Aqra aktar

Aħbar tajba għall-gamers Maltin

Irridu nagħmlu Malta bħala Hub tal-E-sports. Qal dan Nicolai Gauci, wieħed mill-fundaturi tal-Malta Electronic Sport Association, li ser tkun iffurmata f’Settembru li ġej. Spjega kif l-għan huwa li f’pajjiżna jinħolqu numru ta’ opportunitajiet ta’ xogħol f’dan is-settur ukoll. Dan tħabbar waqt li tinsab għaddejja maratona ta’ gaming b’aktar minn mitejn parteċipant fuq medda ta’ tliet’ijiem.

Li Malta tkun fuq il-mappa tal-e-sports, iġifieri logħob elettroniku, ifisser li tikkompeti ma’ pajjiżi oħra Ewropej sabiex tkabbar din l-industrija u tiġġenera aktar investiment fl-ekonomija Maltija.

Aqra aktar

Jammettu li kkaġunaw ħsarat fil-karozzi

Żewġ Żvizerri tpoġġew fuq probation għal sentejn wara li ammettew li l-Ħamis li għadda ikkaġunaw numru ta’ ħsarat f’karozzi f’Tas-Sliema.

Huma tressqu l-Qorti illum, fejn ġie spjegat kif il-Ħamis bejn is-sitta u t-tmienja ta’ filgħodu għamlu ħsara li ma teċċediex is-somma ta’ €2,500 ewro.

Aqra aktar

Żagħżugħ iweġġa’ gravi wara li jaqbeż fil-baħar

Żagħżugħ Svizzeru ta’ 18 -il sena weġġa’ gravi f’inċident li kellu f’St. Peter’s Pool f’Delimara. Dan wara li qabeż minn fuq il-blat u ġie ħażin fil-baħar. L-inċident seħħ ftit wara l-għaxra u nofs ta’ dalgħodu u saħansitra ġew mgħajta l-Forzi Armati ta’ Malta għall-għajnuna. Filfatt iż-żagħżugħ itella’ mill-baħar permezz ta’ ħelikopter ittieħed l-Isptar Mater Dei.

Aktar investiment fl-innovazzjoni jista’ jagħti spinta lil Għawdex

“Investiment akbar fl-innovazzjoni jista’ jgħin lil Għawdex jegħleb iċ-ċirkostanzi speċifiċi li jiffaċċjaw kawża tal-insularita doppja.” Sostniet dan il-Membru Parlamentari Ewropew Miriam Dalli waqt żjara li għamlet f’Għawdex fejn iltaqgħet ma’ rappreżentanti ta’ imprendituri li għandhom pjanijiet biex fix-Xewkija Għawdex jiġi żviluppat kumpless b’investiment ta’ madwar €12-il miljun. Dan l-investiment mistenni jattira niċċa ġdida ta’ turiżmu magħruf bħala turiżmu gastromiku u għandu jkun ta’ għajnuna għar-raħħala u bdiewa li jridu jibqgħu kompetittivi fid-dinja agrikola.

Aqra aktar

Mhux strajk, imma ħabta

Inċident tat-traffiku fi Triq ix-Xatt fl-Imsida wassal biex it-traffiku jinsab imwaħħal.

Il-ħabta seħħet bejn żewġ karozzi, Citroen u Vitz, li kienu ġejjin minn direzzjonijiet opposti fit-triq max-xatt. Ic-Citroen C2, misjuqa minn mara ta’ 64 sena minn Tal-Pietà, kienet ġejja minn Triq Zammit Clapp, meta ħabtet mal-Vitz, bil-konsegwenza li din tal-aħħar telgħat fuq is-central strip. Il-Vitz kienet misjuqa minn ġuvni ta’ 25 sena miż-Żejtun, li miegħu kellu tfajla ta’ 22 sena residenti l-Fgura. It-tfalja kellha tittieħed l-isptar Mater Dei peress li sofriet xi grieħi.

Konsegwenza tal-inċident inġema’ serbut twil ħafna tat-traffiku, tant li hemm mas-sittax-il karozza tal-linja mwaħħla. Waħda minnhom hija double decker li tipikament jużaw it-turisti. Ħafna passiġġiera għażlu li jinżlu minn fuq tal-linja u jimxu għall-eqreb bus stop.

Aqra aktar

Bonnet l-ewwel u ebda bidla fil-Viċi-Presidenti tal-MFA

Ma kien hemm bidla fil-Viċi-Presidenti tal-Malta Football Association hekk kif Chris Bonnet, Ludovico Micallef u Alexander Manfre żammew posthom bħala l-assistenti ta’ Norman Darmanin Demajo fl-MFA. Chris Bonnet kiseb vot b’saħħtu ħafna tant li 119 inkludewh fl-għażla tagħhom.
Norman Darmanin Demajo, magħruf bħala d-Dede, reġa’ ġie kkonfermat bħala President tal-MFA. Dan wara li dalgħodu d-delegati vvotaw għal din il-kariga fl-ogħla istituzzjoni fil-futbol lokali.
Huwa kiseb 116-il vot favur u 18 kontra.

Send this to a friend