One News – Page 2658 – One News

One News

Notifiki

Jagħtu l-kelma li mhumiex se jħassru t-titjiriet

L-Assoċjazzjoni li tirrappreżenta l-Piloti (ALPA) wiegħdu li mhumiex se jħasru titjiret anke jekk jaslu li jiddeċiedu li jieħdu azzjoni industrijali fil-konfront tal-Air Malta.

Dan intqal waqt li kienu qed isiru trattazzjonijiet finali dwar it-talba għall-mandat ta’ inibizzjoni li l-linja nazzjonali tal-ajru qed tagħmel fil-konfront tal-ALPA. Dan sar bil-għan li l-Air Malta twaqqaf  lill-piloti milli jieħdu azzjoni ta’ strajk.Aqra aktar

L-Awtorità tax-Xandir tiddeċiedi…. ilment vojt ta’ Busuttil

L-Awtorità tax-Xandir ma tatx raġun lill-Partit Nazzjonalista li lmenta mill-fatt li fuq l-istazzjon nazzjonali xxandru reklami tas-sessjonijiet ta’ Gvern Li Jisma’.

F’deċiżjoni kkomunikata llum intqal li “wara li kkunsidrat il-kontenut kollu tar-reklamar dwar l-attività Gvern Li Jisma’ ikkonkludiet li tali kontenut ma jikkostitwixxix reklamar politiku u għalhekk iddeċidiet li l-ilment imressaq mill-Partit Nazzjonalista ma jirriżultax.”Aqra aktar

Iħanxarlu rasu u jbiċċirlu l-mara għal pakkett gallettini li jiswa 20 ċenteżmu

Raġel mill-komunità Dalit fl-Indja tħanxritlu rasu, filwaqt li martu tbiċċret tant li tilfet ħajjitha. Dan kollu wara ġlieda fuq 15 rupees – ċioe 20 ċenteżmu tal-ewro.

Il-Pulizija kkonfermat li l-koppja nqatlu minn sid ta’ grocer li huwa ta’ klassi soċjali aktar superjuri, wara li r-raġel qallu li għandu bżonn aktar żmien biex iħallas ta’ pakkett gallettini li xtara minn hemm, għat-tlett itfal tiegħu. Id-delitt seħħ kmieni fid-distrettt ta’ Mainpuri, meta l-koppja kienu sejrin lejn ix-xogħol. Kien hawn li s-sid, li jismu Ashok Mishra,  beda jitlob il-flus akkost ta’ kollox. Kien għalxejn li l-koppja spjegawlu li kienu se jitħallsu aktar tard il-Ħamis stess, u b’hekk setgħu iħallsu lil tal-ħanut.

Aqra aktar

Jindirizza eluf ta’ żgħażagħ fil-Polonja

Il-Papa Franġisku indirizza aktar minn sitt mitt elf żagħżugħ u żagħżugħa li nġabru fi Krakovja għall-Jum Dinji taż-Żgħażagħ.

Huwa ħeġġiġhom biex juru kompassjoni mal-immigranti u jilqgħuhom f’pajjiżhom. Minkejja li l-Polonja – il-post fejn tkellem il-Papa – għandha għeruq kbar Kristjani, il-Gvern ma jaqbilx mal-kwota mandatorja tal-Unjoni Ewropea ta’ kemm għandu jaċċetta immigranti.Aqra aktar

Maltempata kbira fil-Kalkara

Xeni ta’ maltempati nġibdu fl-istudios tal-films fil-Kalkara u fil-qalba ta’ dawn il-maltempati kien hemm l-attur Taljan Beppe Fiorello. Din id-darba kien ir-Rai li għażel lil pajjiżna għal ġbid tal-produzzjoni ‘Chiedilo al Mare’.  F’Malta qed jinġibdu diversi xejn minn dik li se tkun serje b’żewġ partijiet u li se tibda tintwera fuq Rai minn Frar. Minbarra t-tankijiet fil-Kalkara sar ukoll ġbid tal-film fil-Belt u l-Marsa.

Aqra aktar

Għaddejjin diskussjonijiet ma’ tliet linji tal-ajru biex joperaw minn u lejn Malta

Bħalissa għaddejjin diskussjonijiet ma’ tliet linji tal-ajru biex jibdew joperaw minn u lejn Malta u diskussjonijiet ma’ linji oħra biex iżidu l-operat. Dan qalu l-Ministru għat-Turiżmu Edward Zammit Lewis waqt li kien qed jindirizza Buisness Breakfast bit-titlu ‘Il-Futur tat-Turiżmu f’Malta’.

Dwar l-Air Malta aċċenna l-importanza li din issir kumpanija moderna u li tagħmel profitt. Xi ħaġa li tista’ ssir b’partnership strateġiku ma’ kumpanija ikbar. Aqra aktar

L-ewwel mara li aċċettat in-nomina tad-Demokratiċi

Il-kandidata għall-elezzjoni presidenzjali fl-Istati Uniti Hillary Clinton qalet lill-votanti li dan huwa mument li wieħed jippremja jew jikkundanna azzjonijiet passati. Dan qalitu f’Philadephia, fejn saret l-ewwel mara fl-istorja li aċċettat nomina minn partit ewlieni, dak Demokratiku.

Forzi b’saħħithom qed jipprovaw jifirduna, qalet Clinton, filwaqt li kkundannat lill-kandidat f’isem ir-Repubblikani Donald Trump, għax temmen li qed jiżra l-firda.

Aqra aktar

Send this to a friend