One News – Page 2575 – One News

One News

Notifiki

Klabb 3-16: konkorrenza qawwija aktar minn qatt qabel!

Klabb 3-16 qed iservi ta’ nifs għall-ġenituri li jaħdmu, tant li kienet lanqas għadha ntemmet Skola Sajf, li għadd ta’ tfal kienu diġa irreġistrati biex jattendu dan il-klabb, fil-ġimgħatejn li jkun għad fadal sakemm tibda sena akkademika oħra.

Tkellimna ma’ Elizabeth Pisani, Kap Eżeukiitv tal-Fondazzjoni għas-Servizzi Edukattivi, li spjegat kif għal dawn il-ġimgħatejn hemm aktar minn elf student li inkitbu.

Aqra aktar

Dehra rari ħafna f’pajjiżna; Kaċċaturi San Ubertu jikkundannaw il-mużika għolja fil-Buskett

Kienet dehra rari dik li osservaw membri tal-Kaċċatur San Ubertu lbieraħ wara nofsinhar. Aktar minn 55 Astun Iswed (Black Kites) taru ftit bogħod mill-Buskett, biex ifittxu post fejn jistgħu jorqdu.

Esperti jemmnu li din hija t-tieni l-ikbar dehra ta’ dawn it-tip ta’ għasafar li qatt kellna ful-gżejer Maltin, għaliex s-soltu wieħed ikun jista’ jara biss waħdiet.

Aqra aktar

Birdlife Malta tikkundanna r-rave parties li temmen li qed isiru fil-Buskett

BirdLife Malta ħarġet tikkundanna r-rave parties b’mużika għolja li sostniet li qed isiru b’mod regolari fil-Buskett, speċjalment f’dan iż-żmien tas-sena waqt il-passa tat-tajr tal-priża.

BirdLife Malta qalet li aktar kmieni llum ’l fuq minn sittin Astun Iswed (Black Kites) kienu osservati jfittxu kenn fl-inħawi biex isibu post fejn iqattgħu l-lejl. Dawn spiċċaw disturbati meta bdiet tindaqq mużika għolja bi tħejjija għal dak li jidher li hu party kbir li qed jiġi organizzat fiz-zona.

Aqra aktar

Ħsara fis-sistema tad-drenaġġ tal-Korporazzjoni Għall-Ilma fi Triq il-Kosta

Il-Korporazzjoni Għas-Servizzi tal-Ilma infurmat lil Transport Malta li kanna prinċipali tad-drenaġġ taħt Triq il-Kosta ġarrbet xi ħsarat.
B’konsegwenza, parti mit-triq fuq din is-sistema qed jiġrilha l-ħsara bil-pressa tad-drenaġġ.  Transport Malta qed issegwi s-sitwazzjoni mill-qrib u qed tiggwida x-xogħol mill-Korporazzjoni għas-Servizzi tal-Ilma biex kemm jista’ jkun iżżomm milli ssir iktar ħsara u biex tiżgura li l-istruttura u wiċċ it-triq jinġiebu lura għal kundizzjoni oriġinali tagħhom.

Farsons tinawgura investiment ta’ €27 miljun

Simonds Farsons Cisk plc illum inawgurat faċilità mill-aktar moderna u avvanzata għall- packaging tal-birra fil-Birrerija tagħha fl-Imrieħel b’investiment ta’ €27 miljun. Dan l-aktar investiment riċenti fil-faċilitajiet operattivi tagħha se jippermetti li Farsons tagħ mel packaging  ta’ birer u xorb ieħor u b’hekk se jinfetħu orizzonti ġodda għall-futur. Din il-faċilità ġdida kienet inawgurata mill-Prim Ministru Joseph Muscat.

Fid-diskors tiegħu l-Prim Ministru qal li Farsons tista’ tiffjorixxi fi klima ekonomika tajba, b’rata rekord ta’ tkabbir ekonomiku, żieda konsiderevoli fl-ammont ta’ flus disponibbli għall-konsumatur u ammont rekord ta’ turisti. Faħħar l-attitudni tal-kumpanija, li fid-dawl ta’ dan kollu, temmen li għandha tkun protagonista. Qal  li r-rwol tal-Gvern hu li jiżgura li negozji Maltin jibqgħu jgawdu minn din il-klima pożittiva.

Aqra aktar

Seta’ battal il-but qabel!

Is-sid biljunarju ta’ Sports Direct Mike Ashely kellu mument kemxejn tal-mistħija meta kien qed jieħu grupp ta’ ġurnalisti biex jaraw  fabbrika minn fejn jaħdmu impjegati tiegħu.Screen Shot 2016-09-07 at 18.23.31

Ashley, li għandu 51 sena, jinsab f’nofs kontroversja minħabba l-kundizzjonijiet li bihom iħaddem lin-nies. Tant li f’Ġunju li għadda kellu jesprimi apoloġija minħabba li ma kienx iħallashom il-paga minima.

Hu u għaddej mis-‘security check’, issorprenda lil kulħadd meta ħareġ mazz enormi ta’ karti tal-£50. Biex jiċċajta u jtaffi ftit mill-ironija tas-sitwazzjoni, qal b’ton ċajtier li kien għadu kemm mar il-casino.

Il-mazz li tefa fil-kaxxa żgħira tas-security check, f’dik li kellha tkun turija ta’ umiltà qabeż l-£1,000 fil-valur.

Aqra aktar

Send this to a friend