One News | One News - Part 2413

One News

Notifiki

‘Festa Familja’ f’Selmun

Is-Sibt li ġej se ssir Festa Familja fis-Park tal-Familija f’Selmun, bil-qliegħ kollu jmur għall-Malta Community Chest Fund.

Se jkun hemm minn kollox: il-Mellieha Scouts group, wirjiet bil-karozzi u mutur, kant u żfin minn gruppi varji, stands armati, u screen għal min irid isegwi l-logħba bejn il-Ġermanja u l-Italja mill-Euro Cup 2016. Preżenti se jkun hemm il-President ta’ Malta Marie Louise Coleiro Preca.

Aqra aktar

Iċ-Ċittadella lura fil-glorja tagħha

Iċ-Ċittadella llum tingħata l-glorja kollha mistħoqqa, hekk kif bħalissa qed issir l-inawgurazzjoni ta’ proġett kofinanzjat mill-Unjoni Ewropea

Il-bżonn għall-dan il-proġett kien ilu jinħass snin twal u għalhekk imur lura għal taħt amministrazzjoni preċedenti. Huwa proprju għalhekk li din il-ġawhra tant għall-qalb l-Għawdxin tlestiet, bħala parti mill-ħidma tal-Gvern Laburista fi proġetti infrastrutturali u ta’ restawr f’Għawdex.

Id-daħla prinċipali taċ-Ċittadella ġiet mogħtija dehra aktar awtentika ta’ kif kienet fi żmien il-Kavallieri.

Għalkemm il-proġett ġie approvat fit-2012, ix-xogħol proprju nbeda fl-2013 meta bdew jiġu ppubblikati s-sejħiet għall-offerti għal dan il-proġett. Ix-xogħol infastrutturali nbeda fl-2014 u allura il-proġett, minkejja d-diffikultajiet, ġie implimentat f’perjodu ta’ anqas minn tliet snin.

Dan il-proġett huwa biss ħolqa waħda minn katina sħiħa ta’ investimenti u proġetti ta’ restawr u rijabilitazzjoni f’Għawdex li seħħew matul dawn l-aħħar tliet snin.

Aqra aktar

Anzjana bi ġrieħi gravi wara inċident f’Santa Venera

Pollakka ta’ 70 sena intlaqtet f’inċident tat-traffiku fi Triq Lord Byron, Santa Venera.

Il-mara, li hija residenti l-Pietà, intlaqtet minn Daihatsu Sirion, misjuqa minn raġel ta’ 71 sena residenti l-Pietà ukoll.

L-ambulanza ħadet lill-mara l-Isptar Mater Dei għall-kura, fejn aktar tard ġiet iċċertifikata li qed issofri minn ġrieħi ta’ natura gravi.

Ħondoq salvat minn żvilupp mhux mixtieq

Il-bord tal-Awtorità tal-Ippjanar irrifjuta b’mod unanimu il-proġett propost f’Ħondoq ir-Rummien.

Id-deċiżjoni tal-Awtorità tal-Ippjanar ittieħdet wara sigħat ta’ diskussjoni li għaliha kien hemm ukoll attendenza tajba.

Din id-deċiżjoni ttemm snin ta’ kontroversja li rat lill-għaqdiet ambjentali jiddikjaraw kemm – il darba għaliex huma kontra l-proġett. Residenti tal-Qala kienu esprimew dan ukoll f’referendum.

Aqra aktar

Xogħol biex titneħħa s-central strip fil-Kappara

Matul il-ġranet li ġejjin, il-kuntrattur tal-proġett tal-Kappara ser ineħħi s-central strip fi Triq Mikiel Anton Vassalli, bix-xogħol jibda llejla wara t-8.30. Matul illejl, l-aċċess għat-traffiku ser ikun limitat fiż-żewġ direzzjonijiet filwaqt li matul il-ġurnata karreġġjata waħda direzzjoni lejn L-Imsida ser tkun magħluqa għat-traffiku f’xi ħinijiet.

Aqra aktar

“Konferma oħra li l-Università Amerikana f’Malta huwa proġett fattibbli”

Il-Gvern qal li l-fatt li l-American University of Malta ingħatat il-liċenżja biex tibda topera minn pajjiżna bħala Università hija konferma li l-proġett huwa fattibbli u ta’ suċċess

Fi stqarrija sostna li proċess indipendenti ta’ skrutinju wiesgħa kkonferma kemm huwa realistiku u vijabbli l-pjan tal-Gvern li jwettaq il-proġett tat-tieni università f’pajjiżna.

“Tal-lum huwa pass ieħor importanti biex, skont l-impenn elettorali ta’ din l-amministrazzjoni, Malta jkollha pluraliżmu fil-qasam tal-edukazzjoni terzjarja, permezz tal-akbar investiment barrani li qatt kellu pajjiżna f’dan is-settur” żied jgħid fi stqarrija.

Il-prezzijiet tal-fuel jibqgħu stabbli

Il-prezzijiet tal-fuel se jibqgħu stabbli sal-aħħar ta’ Settembru. Ħabret dan il-kumpanija Enemed li qalet kif il-prezz tad-diesel se jkun ta’ €1.16 –il litru waqt li l-prezz tal-petrol se jkun ta’ €1.28 –il litru.

Aqra aktar

Jess Glynne turina subgħajha tan-nofs!

Il-kantanta Jess Glynne, li ġiet Malta bħala parti mil-lineup ta’ stillel għall-Isle of MTV, tidher li urtat ruħha minħabba xi avveniment li ġralha f’pajjiżna.

Kumment li kitbet fuq Twitter ma tantx niżel tajjeb mal-Maltin…

Aqra aktar

L-istorja ta’ Baħar u Carmel – żewgt’ifrieħ li waqgħu mill-bejta

BirdLife Malta rnexxielha żżoqq u tkabbar b’suċċess żewġt ifrieħ tal-Garnija li nstabu wara li kienu waqgħu mill-bejta.

Iż-żewġt ifrieħ li kienu għadhom kif faqqsu nġabru minn sidien ta’ dgħajjes f’okkażjonijiet differenti fl-inħawi tal-Blue Grotto fiż-Żurrieq.

L-ewwel ferħ salvat, li ngħata l-isem ‘Baħar’, kellu biss ftit jiem u kien jiżen biss 32 gramma meta nġabar. Minn dakinhar, taħt il-kura ta’ BirdLife Malta, Baħar kompla jikber u jsir aktar b’saħħtu kuljum u fl-aħħar jiem beda jtella’ r-rix li juri li bil-mod il-mod qed isir adult.

It-tieni ferħ, li ssemma ‘Carmel’, kien akbar u aktar b’saħħtu minn Baħar meta ġie mgħoddi f’idejn BirdLife Malta. Hu ngħata dan l-isem għas-sid tad-dgħajsa li salvah minn fuq il-baħar, Carmel Caruana.

Aqra aktar

Send this to a friend