One News | One News - Part 2207

One News

Notifiki

14-il xahar ħabs talli traffika l-kokaina malli ħareġ

Somalu ta’ 30 sena reġa ntbagħat 14-il xahar ħabs wara li ammetta li ttraffika l-kokaina f’Paceville. Huwa ġie arrestat fis-26 ta’ Ġunju, ftit tal-ħin wara li ħareġ mill-ħabs, wara li skonta sentenza fuq serq.

Il-pulizija arrestat lis-Somalu wara li l-imġieba tiegħu qanqlet suspett. Wara tfittxija li saret fuqu nstabu tliet qratas bil-kokaina, li l-akkuzat kien se jbiegħ għal €50-il wieħed.

Baċir numru 7 se jingħalaq

Ix-xogħol fuq il-Mediterranean Maritime Hub, fis-sit fejn qabel kien hemm ix-Ship Building tal-Marsa, se jidħol f’fażi ġdida.  Għaldaqstant, mit-8 ta’ Lulju, se jingħalaq l-aċċess għall-vetturi mill-Baċir numru 7.

Aqra aktar

Kunċert fil-ġonna tal-Palazz tal-Girgenti

Għal darb’oħra mużika taħt l-istilel b’risq l-għaqdiet tal-annimali.

Fit-22 ta’ Lulju fil-ġonna tal-Palazz tal-Girgenti se jerġa’ jittella’ l-kunċert “Classics Under The Stars”.

Kunċert li jsir mill-Orkestra Filarmonika Maltija bl-għajnuna tal-Uffiċċju tal-Prim Ministru. Dan huwa opportunità oħra biex il-pubbliku jgawdi minn spettaklu ta’ mużika klassika, bis-Surmast Alan Chircop jagħtina togħma ta’ x’wieħed jistenna.Aqra aktar

Deheb għal Malta waqt il-Kampjonati Dinjija tal-Ibburdjar

 

Victoria Schulteis rebħet l-ewwel medalja tad-deheb għall-Malta waqt il-Kampjonati Dinjija tal-Ibburdjar fil-kategorija Optimist li saru fil-Portugall.

Dan kien riżultat storiku għal pajjiżna, għall-isport partikolari u speċjalment għal din iż-żagħżugħa ta’ 14-il sena, li s-sena li għaddiet rebħet medalja tal-bronz fil-Kampjonati Ewropej.  Schulteis kienet segwita minn Helena Wolff tad-Danimarka u Jodie Lai ta’ Singapore fit-tielet post.Aqra aktar

L-ewwel tneżżgħak imbagħad theddek

Aktar ma jmur qegħdin jiżdiedu l-istediniet mingħand nisa, jew irġiel jippreżentaw lilhom infushom ta’ mara, biex ikunu ħbieb tagħna fuq Facebook. Xi wħud mill-istediniet jispiċċaw b’togħma qarsa għax jiżviluppaw f’theddid.

Aqra aktar

Il-Vatikan għadu mhux ċert jidħolx f’Medjugorje

Id-Direttur għall-midja tal-Vatikan ċaħad li l-Vatikan se jieħu responsabbiltà diretta ta’ Medjugorje, post fil-Kroazja popolari ħafna wkoll mal-Maltin, tant li eluf fis-sena jżuruh minħabba d-dehriet li jingħad li għamlet il-Madonna. Jidher li hemm kunflitt bejn il-Franġiskani li jmexxu l-Knisja tal-post u l-Isqfijiet tal-post, li mhux darba u tnejn wissew kontra l-fenomenu ta’ Medjugorje.

Aqra aktar

Aktar taħriġ għall-Maltin fil-forensika

Fix-xhur li ġejjin, ħames membri mill-korp tal-Pulizija se jattendu korsijiet barra minn Malta biex jispeċjalizzaw fil-foresnika. Is-suġġetti jinkludu l-użu ta’ kimika fil-laboratorju u l-forensika arkejoloġika f’xeni fejn ikun seħħ delitt.

Għal dawn l-aħħar ħames ġimgħat, tnax-il investigatur u żewġ maniġers li jaħdmu f’xeni fejn ikun seħħ delitt ingħataw taħriġ intensiv għal tmien sigħat kuljum, grazzi għall-kollaborazzjoni man-Netherlands Forensic Institute.

Aqra aktar

L-Air Serbia tirrifletti l-ambizzjonijiet tal-Etihad

L-Air Serbia bdiet rotta ġdida lejn New York u esperti fil-qasam tal-avjazzjoni sostnew li dan jirrifletti l-ambizzjonijiet tal-Etihad li kisbet sehem minoritarju f’din il-linja tal-ajru nazzjonali li sa ftit snin ilu kienet f’xifer falliment.

“Din hija ‘business as usual’ għal Etihad, li jinvestu f’linji tal-ajru fl-inkwiet u linji tal-ajru iżgħar bħala parti mill-istrateġija,” ingħad f’artiklu fuq Skift.Aqra aktar

Send this to a friend