One News | One News - Part 2151

One News

Notifiki

Jekk Simon Busuttil irid ikun kredibbli, Tonio Fenech għandu jirriżenja

Bl-istandards li jipprietka tant dwarhom il-Kap tal-Oppożizzjoni, Tonio Fenech għandu jirrizenja immedjatament. Dan intqal f’konferenza tal-aħbarijiet indirizzata mill-Ministru Owen Bonnici u d-Deputat Laburista Silvio Schembri.

Owen Bonnici fakkar kif għal numru ta’ ġimgħat konna nisimgħu mill-Kap tal-Oppożizzjoni li jekk ikollok kumpanija offshore f’ġurisdizzjonijiet bħal British Virgin Islands u Jersey dik hija korruzzjoni, u għalkemm jien ma nemminx li jekk isir dan dik hija korruzzjoni, issokta jgħid Dr Bonnici, bl-istandards ta’ Simon Busuttil allura Tonio Fenech għandu jirrizenja.

Aqra aktar

Justin Timberlake fil-Eurovision!

Il-kantant Justin Timberlake se jkun qed jipparteċipa bħala mistieden fil-Eurovision Song Contest. Din l-aħbar ħarġet fuq is-sit uffiċjali tal-konkors.

Timberlake se jkanta fil-finali, nhar l-14 ta’ Mejju li ġej. Forsi naraw xi ritratt tiegħu ma Ira!

Screen Shot 2016-05-09 at 15.37.04

‘M’iniex kriminal’ – jitkellmu Maltin li għamlu abort

Omm Maltija li għamlet abort sostniet li m’hijiex kriminal iżda li hija omm li tħobb u li għamlet hekk għall-erba’ tfal tagħha.

Din id-dikjarazzjoni saret f’dokumentarju li xxandar fuq Euronews. “Kważi kelli 44 meta nqbadt tqila. Iddiskutejt ma’ żewġi u ddeċidejna li għall-familja tagħna u l-erba’ ulied kien ikun aħjar li ntemmu t-tqala,” qalet omm intervistata fid-dokumentarju.

Mara oħra qalet: “Kelli sbatax u nqbadt tqila. Id-deċiżjoni kienet li mmur l-Ingilterra u ntemm it-tqala. Xi ħaġa marret ħażin waqt il-proċedura u qomt f’nofsha. Dak il-ħin ridt inqum, iżda qalu le.”

Aqra aktar

Evitaw id-dawra tal-Belt

Diversi persuni qed jikkuntatjawna biex jgħidulna li l-Belt Valletta tinsab imwaħħla bi traffiku staġnat f’bosta postijiet.

Jirriżulta li kawża tal-inkjesta maġisterjali li qiegħda ssir fejn ftit ilu seħħ inċident li ħalla persuna fil-periklu tal-mewt, it-triq ta’ ħdejn id-dwana tinsab magħluqa u dan qed iwassal għal inkonvenjent kbir.

Aqra aktar

Tal-Carnival jaslu Malta

L-ewwel cruise ship tal-grupp Carnival, bl-isem ‘Carnival Vista’ wasal Malta.

Madwar 80% tal-passiġġieri li jivjaġġaw ma’ din il-kumpanija huma Amerikani. Il-Ministru Edward Zammit Lewis, li kien hemm mal-wasla tal-vapur, qal li dan huwa fatt li ser jgħin biex Malta tiddiversifika s-suq turistiku.

Aqra aktar

Mill-Alġerija għall-Palazz tal-President

It-teknoloġija, il-loġistika, it-trasport u l-infrastruttura. Settur li dwarhom jista’ jsir ftehim bejn il-Kamra tal-Kummerċ Maltija u dik tal-Alġerija.

Ftit tal-ħin ilu l-President iltaqgħat ma’ delegazzjoni ta’ negozjanti Alġerini fil-palazz ta’ San Anton.

Aqra aktar

Il-widnejn torox tal-PN

Il-billboard tal-Partit Nazzjonalista għadu hemm.

Wara l-appelli li saru mill-Fondazzjoni ta’ Valletta 2018 biex jitneħħew il-billboards li hemm fil-foss ta’ San Ġakbu, il-Partit Laburista neħħa tiegħu immedjetament.

Iżda għall-Partit Nazzjonalista, l-appell waqa’ fuq widnejn torox, u biddel il-wieħed li kellu qabel ma’ wieħed ġdid, li fih, ironikament, jidher il-Prim Ministru jsodd widnejh.

Aqra aktar

Eġizzjan fil-periklu tal-mewt

Eġizzjan ta’ 45 sena li jgħix il-Ħamrun jinsab fil-periklu tal-mewt wara li safa’ mtajjar fi Triq Lascasris il-Belt Valletta, fiz-zona magħrufa aħjar bħala x-Xatt tal-Belt, ħdejn id-dwana l-antika.

Il-karozza li laqtitu kienet qed tinstaq minn raġel ta’ 36 sena li jgħid il-Belt Valletta.

Aqra aktar

Membri Parlamentari se jkollhom jużaw it-taraġ….

Hu stmat li żewġ terzi mill-popolazzjoni Ewropea ma tagħmilx l-ammont t’attività fiżika rakkomandata għas-saħħa.

600,000 mewt fis-sena madwar l-Ewropa huma assoċjati ma’ nuqqas ta’ moviment fiżiku.  Kien għalhekk li fl-2012 twieldet il-kampanja ‘NowWeMOVE’, bil-għan li 100 miljun persuna tkun fiżikament attiva sal-2020.

Kull min żar il-Parlament Malti llum u kellu jitla’ jew jinżel sular jew tnejn, ikkontribwixxa ftit. Dan għaliex ġiet irrispettata l-inizjattiva ‘No Elevator Day’ bħala parti mill-kampanja.  Kull min jista’ ma jużax il-lift, kellu juża t-taraġ.

Aqra aktar

Michel Platini rriżenja mill-UEFA

Il-President tal-UEFA Michel Platini se jirriżenja mill-kariga tiegħu wara li tilef l-appell li kellu b’rabta ma’ irregolaritajiet fil-FIFA.

B’rabta ma’ dawn l-irregolaritajiet li kienu jinkludu pagamenti li ma kellux jieħu li jlaħqu ż-żewġ miljun dollaru Platini kien weħel sitt snin sospensjoni mill-futbol u l-qorti sportiva niżlet dan għal erba’ snin.

Aqra aktar

Send this to a friend