One News | One News - Part 2092

One News

Notifiki

Investiment ta’ €5,000,000 mill-Magro Brothers

Investiment ta’ €5,000,000 mill-Kumpanija Magro Brothers Group tħabbar waqt żjara li l-Ministru għal Għawdex Anton Refalo għamel lil din il-kumpanija.  Din is-sena Magro Brothers ser ikunu qed jiċċelebraw il-mitt sena mit-twaqqif tagħhom.

Anniversarju li jirrappreżenta pass importanti għall-ekonomija Għawdxija, għall-agrikoltura nazzjonali u setturi kummerċjali. Il-kumpanija għadha impriża ewlenija fl-industrija tal-agrikoltura Maltija u fil-promozzjoni ta’ prodotti lokali fis-swieq barranin.

Aqra aktar

L-Alitalia tnaqqas it-telf bi €381miljun

L-Alitalia, is-sieħeb strateġiku magħżul biex tinnegozja miegħu l-Air Malta, ħabbret ir-riżultati finanzjarji għas-sena li għaddiet u kkonfermat li tinsab fit-triq it-tajba biex is-sena d-dieħla tagħmel il-qligħ. Fil-fatt is-sena li għaddiet naqset it-telf bi €381 miljun. Konferma ta’ kemm is-sħubija strateġika mal-Etihad qed tbiddel is-sitwazzjoni tal-Alitalia.

Aqra aktar

Ministri ġodda jieħdu l-ġurament tal-ħatra

Wara r-reshuffle mħabbra nhar il-Ħamis mill-Prim Ministru Joseph Muscat, fil-Palazz tal-President il-Ġimgħa ħadu l-ġurament tal-ħatra tliet Ministri ġodda.

Il-Ministru Jose’ Herrera se jkun responsabbli mill-Ambjent, l-Iżvilupp Sostenibbli u t-Tibdil fil-Klima. Il-Ministru Għas-Saħħa huwa Chris Fearne, wara li serva bħala Segretarju Parlamentari. Il-Ministru Għat-Tkabbir Ekonomiku, Kompetittivita’, is-Settur Marittimu u s-Servizzi huwa Emanuel Mallia, li rritorna fil-Kabinett wara li fil-bidu tal-leġizlatura serva bħala Ministru Għall-Intern u s-Sigurta’ Nazzjonali.

Aqra aktar

Eżerċizzji għal għarrieda fl-Ajruport Internazzjonali ta’ Malta

L-Ajruport Internazzjonali ta’ Malta ntgħażel mill-Kummissjoni Ewropea sabiex jipparteċipa fi Proġett Pilota għall-iskrinjar ta’ Likwidi, Aerosols u Ġels (LAGs).

Eżerċizzji bħala parti minn dan il-proġett pilota ser isiru għal għarrieda tul Mejju u Ġunju 2016. Passiġġieri xorta għandhom isegwu l-proċeduri standard ta’ sigurtà f’kull ħin.

Permezz ta’ dan il-proġett, l-Ajruport Internazzjonali ta’ Malta qed jikkontribwixxi lejn it-titjib tal-esperjenza talpassiġġieri li jkunu qed jivvjaġġaw fl-Unjoni Ewropea.

Aqra aktar

Chris Cardona se jikkontesta għall-kariga ta’ Deputat Mexxej tal-Partit Laburista

Il-Ministru Chris Cardona se jkun qed jikkontesta għall-kariga ta’ Deputat Mexxej tal-Partit Laburista wara r-riżenja tal-Ministru Konrad Mizzi mill-istess kariga.

Fl-ewwel reazzjonijiet tiegħu huwa qal li jixtieq li jara li l-Partit Laburista jibqa’ l-aktar partit b’saħħtu fil-pajjiż u jekk jokkupa l-kariga ta’ Deputat Mexxej se jkun qed jaħdem biex jassigura li dan iseħħ.

L-aħħar roħs qabel it-tmiem

Minn nhar is-Sibt se jerġgħu jorħsu t-tariffi tar-roaming qabel fi ftit ġimgħat oħra jkunu qed jispiċċaw għal kollox.

B’hekk f’perjodu fejn ħafna jibdew ifittxu xi btala se jagħmlu jistgħu jserrħu moħħhom li messaġġ jew ftit Facebook minn barra l-pajjiż mhux se jfisser kont m’għola s-smewwiet.

Aqra aktar

Aġġornata: meta mietu 28 Malti f’jum wieħed: iż-Żwieten jiftakru

Nhar is-Sibt, tnejn ta’ Mejju, 1942,  żewġ ajruplani tat-tip Junker JU88  resqu lejn Malta, u għall-ħabta tal-10:45 a.m. tefgħu tmien bombi viċin il-Knisja Parrokkjali taż-Żejtun u fuq diversi djar li kien hemm fi triq li tagħti għal Ħal Tarxien. Ħafna mill-bombi ma ħadux mal-impatt, li dan wassal għal traġedja akbar.

Il-Kunsill Lokali taż-Żejtun illum qed jorganizza kommemorazzjoni ta’ din it-traġedja.

Aqra aktar

Malta bit-tielet l-inqas rata ta’ qgħad fl-UE

L-għada li tħabbar li r-rata ta’ qgħad f’pajjiżna niżlet għal 4,000 sar magħruf ukoll li din hija t-tielet l-inqas rata ta’ qgħad fost il-pajjiżi tal-Unjoni Ewropea.

Fil-fatt, mis-27 membru tal-Unjoni Ewropea huma biss il-Ġermanja u r-Repubblika Ċeka li li għandhom rata inqas minn ta’ Malta.

Aqra aktar

Ftehim storiku għall-persuni b’diżabilità

L-impenn tal-Gvern u xhur ta’ diskussjonijiet waslu biex ikun iffirmat ftehim dwar l-impjiegi tal-persuni b’diżabbiltà.

Dan il-ftehim kien iffirmat bejn il-Korporazzjoni għax-Xogħol u t-Taħriġ, il-Kamra tal-Kummerċ u l-Assoċjazzjoni Maltija ta’ min iħaddem. Il-partijiet involuti ftehmu dwar 13–il punt, fosthom dwar il-multi li jkunu imposti għal min ma jonorax l-obbligu ta’ 2% ta’ impjiegi għall-persuna b’diżabilità.

Aqra aktar

Aġenzija tad-droga jidħlu fil-każ tal-mewt ta’ Prince

Il-Pulizija Amerikana li bħalissa għaddejja bl-investigazzjonijiet tal-mewt tal-kantant Prince, talbet l-għajnuna mill-Amministrazzjoni tal-Infurzar tad-Droga. Dan wara li nstabu għadd ta’ mediċini kontra l-uġiegħ fil-pussess tal-kantant. Uffiċċjali tal-pulizija għadhom iridu jikkonfermaw xi rwol dawn seta’ kellhom fil-mewt tal-leġġenda mużikali.

Aqra aktar

Send this to a friend