Nigel Vella – Page 4 – One News

Nigel Vella

Nigel Vella huwa Uffiċjal tal-Komunikazzjoni fl-Uffiċċju tal-Prim Ministru. Gradwat mill-Università ta’ Malta fl-Istorja u ilu attiv fil-politika minn mindu kellu 16–il sena. Ħadem f’bosta Għaqdiet bħall-FŻL u l-għaqda tal-istudenti PULSE. Kitbitu se tmur lil’ hinn mill-politika li zgur ser tkun it-tema li tiddomina l-blog tiegħu, iżda permezz tal-kliem sempliċi jridu jitwasslu opinjonijiet oħra fuq materji oħra. Li hu zgur huwa li mhux se jkun hemm tidwir mal-lewża u logħob bil-bżalu.

Notifiki

Agħar minn qabel l-2013

Konvint li s-sitwazzjoni li jinsab fiha l-Partit Nazzjonalista hija agħar minn qabel l-2013. Lanqas għandi dubbju. Nistgħu nsemmu ħafna eżempji. Nistgħu nsemmu d-differenza kbira fit-tmexxija, u nistgħu nsemmu wkoll il-mod ta’ kif qed isir il-politika llum. Naqbdu l-episodju tal-bieraħ.Aqra aktar

Taħt iz-zero

Iva, fuq it-temperatura se nitkellem. Ma nafx kemm il-darba smajt lil xi ħadd jgħid “x’bard” jew rajt lil xi ħadd jikteb fuq Facebook li qiegħed ġewwa għall-irdoss din il-ġimgħa, jew propja dawn il-jumejn. It-temperatura vera nieżlet u niezlet sew. Jien ngħid ħallih ħa jagħmel għax issa żmienu. Ix-xitwa hija staġun, u bħal staġuni oħra, titgerbeb biex tħalli postha għar-rebbiegħa u wara għas-sajf u ċ-ċirku dejjem idur. Ix-xitwa ma tinkwetaniex, anzi nħobbha.

Jien li jdejjaqni jew li jimeraviljani għax naħseb kelma aħjar biex tintuża fil-kuntest li se nitkellem dwaru, hija li tibqa’ statiku ma tagħmel xejn, sakemm ma tmurx lura wkoll. X’ħin tibda l-kesħa kulħadd jaħseb għall-gvieret u l-kutri, għal xi daqsxejn heater u għal xi ħaġa sħuna, tagħmel dan biex tilqa’ għall-bard.

Aqra aktar

Jason Azzopardi ried birra u ma setax

Jason Azzopardi kien Ħal Qormi u qabdu l-għatx. Xtaq birra, imma ma setax. Seta’ għadda l-fabbrika tal-Lowenbrau, dik li fiha aktar minn 21,000 metru kwadru, imma din ma baqgħetx hemm b’daqqa ta’ pinna.

Għal mument kien nesa li minflok il-fabbrika li kellha suppost tagħmel il-birra biss, u forsi xi flixkun ilma jew luminata, illum hemm ma nafx kemm hemm il-stabbilment. Ħwienet ta’ ħabib tiegħu u tal-Partit Nazzjonalista, tant li jagħti l-loans lill-Partit biex jibqa’ għaddej u forsi aktar …

Aqra aktar

L-arroganza li qatt ma telqet u donnha se tibqa’ hemm

Ħafna nies jiftakru l-arroganza grassa tal-aħħar Amministrazzjoni Nazzjonalista. Amministrazzjoni Nazzjonalista li ma kinitx biss sfiduċjata fil-Parlament, iżda aktar minn hekk sfiduċjata mill-poplu sħiħ fl-elezzjoni ta’ Marzu 2013, sfiduċjata b’mod qawwi ħafna.

Iżda wħud jinsew dak li ġara wara. Għax jiftakru fl-elezzjoni li semmejt aktar ‘l fuq biss, u mhux dawk li ġew wara.Għalija dawk li ġew wara għandhom sinifikat aktar.Wara Marzu 2013 kien hemm żewġ elezzjonijiet oħra li kienu fl-istess marġini ta’ voti tal-2013. Rizultati li ma jistgħux jittieħdu għalihom waħidhom, iżda għandhom jitpoġġew f’kuntest li n-nies baqgħu jivvutaw kontra l-arroganza, arroganza li minkejja tliet telfiet elettorali wara xulxin, għadha hemm sal-llum.
Aqra aktar

Politika tax-xemgħat (not)

L-2019. Reġa’ nqata d-dawl għal għoxrin darba nfila, (naħseb anke s-700 siegħa ħa naqbżu). Il-Gvern ta’ Simon Busuttil għadu kemm nieda skema ġdida fil-baġit li ppreżenta. Vowċer biex il-poplu jmur jixtri x-xemgħat.

Dik hi l-politika l-ġdida tal-enerġija. Issa lanqas il-ħwejjeġ ma tista’ taħsel bil-lejl jekk ma jkollokx generator.

Flok il-piżelli out of stock, issa hemm is-sulfarini. Qas biex iqabbdu x-xemgħa m’għandhom in-nies. Il-poplu vera qed jiġġieled għand tal-grocer, idejjaq fil-baħħ u d-dlam. Kulħadd jisħet is-siegħa u l-mument.

In-nies tan-naħa ta’ isfel reġgħu bdew jibilgħu d-dħaħen taż-żejt f’imnifsejhom. Il-power station tal-Marsa  b’lembut twil ta’ duħħan iswed miċ-ċumnija tagħha. Ħsejjes u trab iswed fuq il-bjut, l-għetiebi u l-ħwejjeġ minxura.

Aqra aktar

Power to the people

L-elezzjonijiet fl-Amerka dejjem jiġbdu l-attenzjoni tad-dinja, mhux biss għax huwa l-aktar pajjiż-stat b’saħħtu fid-dinja, mhux biss għax il-kampanji elettorali huma twal ħafna u allura jkun hemm coverage estensiv (il-kampanja ilha għaddejjha kważi sentejn) iżda għax is-sistema politika Amerikana, bis-separazzjoni tal-poteri, tagħti poteri kbar lill-President tagħha, li huwa effettivament l-iktar bniedem b’saħħtu fid-dinja.

Id-dinja ilbieraħ qamet taħt ‘xokk’għax rat lil Donald Trump isir il-ħamsa u erbgħin President Amerikan fl-istorja, taħt xokk għax semgħet fil-mezzi tax-xandir li darba qagħad jitmejjel b’ġurnalist bi bżonnijiet speċjali, għax kien jaqbad ‘l hemm u ‘l hawn u hawn, għax irid joħroġ l-Istati Uniti min-NATO u għax irid relazzjonijiet aħjar mar-Russja.

Aqra aktar

Power to the people

L-elezzjonijiet fl-Amerka dejjem jiġbdu l-attenzjoni tad-dinja, mhux biss għax huwa l-aktar pajjiż-stat b’saħħtu fid-dinja, mhux biss għax il-kampanji elettorali huma twal ħafna u allura jkun hemm coverage estensiv (il-kampanja ilha għaddejjha kważi sentejn) iżda għax is-sistema politika Amerikana, bis-separazzjoni tal-poteri, tagħti poteri kbar lill-President tagħha, li huwa effettivament l-iktar bniedem b’saħħtu fid-dinja.Aqra aktar

The Untouchables

Pawlu Borg Olivier jagħmilha ta’ gatekeeper. Simon Busuttil għaddej minn Strada Rjali l-Belt dritt dritt, kważi jinjora lill-ġurnalisti, l-iktar tal-ONE. Tweġibiet mimlijin arroganza u attitudni skoretta mal-midja. Flashback. Imsomma, qas kelli għalfejn imur xejn lura, għax ma nbiddel xejn. Dawn għadhom bl-istess attitudni li ħadd ma jista għalihom, li ħadd ma jista’ jmisshom, li jgħidu huma vanġelu, u dak li jgħid ħaddieħor mhux tajjeb. Ftakart fil-film The Untouchables ta’ Robert DeNiro, film fejn grupp ta’ irġiel ħasbu li ħadd ma jista’ għalihom, iżda kif jgħid il-Malti, Ħadd wara Ħadd tasal ta’ kulħadd.

Il-problema imma tfeġġ hawnhekk. Għax ta’ Simon Busuttil, Pawlu Borg Olivier u l-klikka ta’ madwaru ġa waslet, waslet tliet snin ilu, iżda agħar minn DeNiro u sħabu, dawn baqgħu l-istess, baqgħu l-istess minkejja dirsa papali. Baqgħu jaħsbu li ħadd ma jista’ għalihom.

Illum Busuttil pretenda li ħadd ma jmur il-Qorti waqt il-Kawża tas-Siġġijiet, hu biss ried ikun hemm. Hu u dawk l-erbgħa ta’ madwaru, fosthom Jason Azzopardi li sa ftit ilu ma riedx jarah b’nemes lil Simon. Mela araw din, Simon jista’ jkun hemm għax qiegħed fil-kawża, għax il-PN qiegħed fil-kawża, iżda Deputati tal-Partit Laburista ma jistgħux, avolja l-Partit Laburista qiegħed fil-kawża. Ir-raġunar tal-Kap tal-Oppożizzjoni huwa propju ta’ tifel żgħir, li ma jkun irid lil ħadd jilgħab miegħu biex igawdi l-ġugarel waħdu. Il-problema għalih, li l-politika mhux xi logħba, iżda hemm in-nies fin-nofs, aktar minn hekk din il-kawża hija dwar ir-rieda tal-poplu fl-aħħar elezzjoni. Mhux se nidħol fil-mertu tal-każ, iżda b’matematika sempliċi, vantaġġ ta’ 36,000 vot bilfors jagħti numru ta’ siġġijiet, minkejja dan Simon Busuttil għandu dritt jagħmel li jrid.

Aqra aktar

Ċedihomli please

Nhar il-Ħadd Simon qal li ġabar €3miljuni mill-iskema ta’ dejn sigriet li hu flimkien ma’ Ann Fenech varaw f’Ħamis ix-Xirka li għaddiet bil-għan li jġib f’postha l-qagħda finanzjarja tal-biża tal-Partit Nazzjonalista.

Tgħidx kemm faħħarha l-Ann Fenech il-Ħadd li għadda. Miskina, ħadet biċċa xogħol bħal dik. Probabli faħħarha wkoll għax hi ħadet ċedola wkoll, ħarġet xi ħaġa mill-flus li l-kumpanija tagħha qed taqla’ mill-Programm ta’ Ċittadinanza b’investiment, li tgħidx kemm qal kontriha u li llum anke dawk ta’ madwaru qed ibillu subagħom fiha (good luck to them). Il-problema imma, li b’dan l-att erojku ta’ Ann Fenech ma nistgħux inkunu ċerti mija fil-mija u allura jkollna mmorru għall-ispekulazzjoni. Is-skema ta’ dejn sigriet, isimha magħha, ħadd ma jaf xejn ħlief min iħawwad fil-borma.

Aqra aktar

Send this to a friend