Nigel Vella | One News

Nigel Vella

Nigel Vella huwa Uffiċjal tal-Komunikazzjoni fl-Uffiċċju tal-Prim Ministru. Gradwat mill-Università ta’ Malta fl-Istorja u ilu attiv fil-politika minn mindu kellu 16–il sena. Ħadem f’bosta Għaqdiet bħall-FŻL u l-għaqda tal-istudenti PULSE. Kitbitu se tmur lil’ hinn mill-politika li zgur ser tkun it-tema li tiddomina l-blog tiegħu, iżda permezz tal-kliem sempliċi jridu jitwasslu opinjonijiet oħra fuq materji oħra. Li hu zgur huwa li mhux se jkun hemm tidwir mal-lewża u logħob bil-bżalu.

Notifiki

Ronnie

Kull min bħali, huwa attivist tal-Partit Laburista, bilfors jaf lir-Ronnie Pellegrini.

Ronnie ma kienx persuni tal-kameras, kien persuna tax-xogħol, tas-sagrifiċċju, tal-impenn, tad-determinazzjoni, punt ta’ riferiment u leali.

Qed nitkellem hekk fuqu mhux għax ħalliena, iżda għax huwa dak li nemmen, dak li esperjenżajt u bħali hemm ħafna.Aqra aktar

Vizzju misħut

Fi Pjazza ta’ Karl Stagno Navarra nkixxfet ħadma oħra tal-media tal-Partit Nazzjonalista, u ċertament ħadma tal-Partit Nazzjonalista.

Il-video ta’ dawk li suppost huma ħaddiema tal-Bank Ċentrali jkantaw ‘Viva l-Labour!’ ma kienu xejn għajr l-aġenti tal-Partit Laburista jifirħu wara t-tħabbira tar-rizultat elettorali tal-2017 u dawk li dehru jiżfnu ma kienu xejn għajr żgħażagħ jifirħu f’diskoteka fi Spanja.

Bħas-soltu wara xi ħaġa hekk kien hemm il-Psewdo-ġurnalist Joe Mikallef.Aqra aktar

Beżżiegħ mhux iljun

Dan Godfrey Leone Ganado mhu xejn għajr beżżiegħ, kodard u minnu joħroġ biss ħdura. Inkun goff kemm inkun goff, lanqas biss inqareb xiber wieħed lejn il-mibegħda li għandu ġo fih għall-familja tal-Partit Laburista, għal kull min hu Laburist u Laburista u għal min ma jaqbilx miegħu.

Dan Godfrey huwa beżżiegħ mhux iljun skont kunjomu.

Mil-liema Università, jew waqt liema quddiesa semma’ jew tgħallem jattakka lil tifla, innoċenti, li tkellmet dwar dak li għaddew minnu ommha u missierha stess? Hawn xi tifla ta’ dak l-età u anke akbar, li d-dinja tagħhom ma ddurx mal-ġenituri?

Il-problema għal dan Ganado, hija li din it-tifla hija t-tifla tal-Prim Ministru Joseph Muscat. Kif tista’ tgħajjar tifla, żatat, sempliċiment għax hija bint il-Prim Ministru, meta kienet qed tirrakonta dak li għaddiet minnu hi kawża ta’ gidba li ffabbrikew nies tal-istess pezza ta’ Ganado?Aqra aktar

Konfoffa

Se ngħidha mill-ewwel biex tkun ċara, m’għandi l-ebda interess u ma rridx nidħol fl-affarijiet personali u familjari tal-Kap tal-Oppożizzjoni, dak jarahom hu flimkien mal-familja tiegħu.

Iżda rrid nagħmel referenza għal dak li qal ilbieraħ il-Kap tal-Oppożizzjoni Adrian Delia fuq ir-radju tal-Partit Nazzjonalista, għax it-taħdida ma’ ġurnalista tan-NET li kellu kienet waħda surreali.

Kienet surreali mhux biss għax għamel 85% tad-diskors tiegħu jattaka lill-Gvern fuq il-Kultura, li llum hawn qbil ġenerali fil-pajjiż kemm fl-aħħar qed jingħata importanza lil dan is-settur, mhux għax fetaħ attakk fuq l-ekonomija li llum hawn qbil mhux biss fil-pajjiż, iżda anke barra minn Malta, li pajjiżna huwa minn ta’ quddiem f’dan ir-rigward, iżda surreali għax spiċċa biex waħħal f’Joseph Muscat, il-Gvern u l-Partit Laburista għall-attakki li huma ġejjin mill-Partit Nazzjonalista stess.Aqra aktar

M’hemmx warda bla xewk għal Adrian Delia

Il-Malti jgħid li m’hemmx warda li hija bla xewk, ifisser li kull ħaġa jista’ jkollha l-aspett mhux daqshekk pożittiv tagħha, minkejja li l-opportuntà taf tidher li hija sabiħa, sabiħa bħal warda.

Dan huwa proverbju li jidħol kexxun fil-każ ta’ Adrian Delia.

Miskin jipprova. Jipprova, imma ma tistax tiġih waħda li hi waħda tajba.Aqra aktar

Malta ċampjins tal-futbol

Ċampjins, iva. Malta ċampjins tal-futbol tat-timijiet li jispiċċaw dejjem l-aħħar u li l-livell dejjem nieżel ‘l isfel. It-tim Nazzjonali tal-futbol tagħna hekk spiċċa. Ngħidha kontra qalbi, għax jien inħobb lill-pajjiżi, inħobb il-futbol u nħobb lit-tim Nazzjonali li jirrapreżenta pajjiż sħiħ.

Imma dak li huwa iswed iridu ngħidulu iswed, u dak li hu abjad, iridu ngħidulu abjad.Aqra aktar

L-allat tal-ipokresija

Is-7pm tal-bieraħ. Sar il-ħin sabiex il-Kap tal-Oppożizzjoni jindirizza Konferenza tal-Aħbarijiet, sabiex ikompli bil-farsa li beda biha fil-Parlament u joqgħod jiftaħ idu quddiem il-kameras u jgħid li l-Gvern ma riedx joqgħod jiddiskuti s-sensiela ġodda ta’ allegazzjonijiet dwar il-kumpanija 17 Black li qabel qalu kienet ta’ John Dalli u issa saret ta’ businessman.

Aqra aktar

Politika tal-ħdura

Mingħajr dubju, Simon Busuttil ma jistax iħares lejn Joseph Muscat bl-istess lenti li jħares lejn ħaddieħor, żgur. Joseph Muscat, kien il-bniedem, li lilu, li kien diġà poġġa nnifsu wara l-iskrivanija ta’ Kastilja jmexxi lill-pajjiż, temmlu l-karriera politika tiegħu. L-ewwel wara telfa massiva fl-elezzjoni ġenerali, ferm akbar minn dik li tah meta kien għadu Viċi-Kap, u t-tieni l-inkjesta Egrant, ikkonfermat li hu riekeb fuq gidba, li kien ‘Frodist tal-verità’. Tant kienet b’saħħitha l-inkjesta Egrant u l-konklużjonijiet tagħha li l-Kap tal-Oppożizzjoni llum, Adrian Delia, anke xprunat mill-fatt, li seta’ ra l-okkażjoni sabiex jeħles minnu, talbu jitlaq mill-Partit Nazzjonalista.Aqra aktar

Hekka mod ġdid!

Nhar il-Ħadd li ġej, Adrian Delia jagħlaq sena lit-tesserati tal-Partit Nazzjonalista tawh il-fiduċja tagħhom biex suppost ‘imexxi’ lill-Partit Nazzjonalista.

Wara sena iżda għadu ma ħax il-fiduċja tal-Grupp Parlamentari li għandu madwaru, tas-soċjetà inġenerali u evidenti wkoll li lanqas lil mara tiegħu għadu ma kkonvinċa minn dak li rajna dan l-aħħar!

Delia, li tajjeb li nfakkru, li kieku kien għal Simon Busuttil, il-predeċessur tiegħu fuq il-karta, għax effettivament huwa s-suċċessur ukoll, ma kienx jikkontesta għat-tieni rawnd wara l-allegazzjonijiet li għamlet Daphne Caruana Galizia fuq racket ta’ prostituzzjoni fir-Renju Unit, kien wiegħed li se jagħmel mod ġdid.

Sena wara kulħadd l-istess kelma u frażi biex inkun eżatt; “Hekka mod ġdid!”Aqra aktar

Chewing Gum

Il-Malti jgħid li ‘min jiekol b’ixqda tnejn fl-aħħar jifga u jibqa’ b’xejn’. L-ambizzjonijiet żejda jwasslu għall-falliment.

Dak li llum huwa kkonfermat li lanqas fuq il-karta m’għadu jmexxi lill-Partit Nazzjonalista, Adrian Delia, sena ilu tkellem fuq mod ġdid u fi triq ġdida. Illum nafu li din it-triq ġdid mhi xejn għajr l-istess sqaq li daħal fih dak li llum għadu jmexxi lill-Partit Nazzjonalista, Simon Busuttil u miegħu l-Old guard Nazzjonalista, li mexxew id-Dinastiji Nazzjonalisti sa miż-żmien 80.Aqra aktar

Send this to a friend