Nicole Buttigieg | One News - Part 8

Nicole Buttigieg

Notifiki

Festa familja fl-Esplora

Waqt li eluf ta’ tfal jinsabu għaddejjin bil-btajjel tal-Għid, iċ-ċentru Nazzjonali tax-Xjenza Interattiva l-Esplora nieda numru ta’ attivitajiet għall-familja kollha f’din il-ġimgħa ta’ btajjel għat-tfal.Aqra aktar

Casa b’ħajr lill-eks Kapijiet, imma mhux lil Delia

Il-kandidat Nazzjonalista għall-elezzjoni tal-Parlament Ewropew, David Casa, injora għalkollox lill-Kap Nazzjonalista Adrian Delia.

F’filmat li tella’ fuq Facebook wara li tefa’ n-nomina tiegħu għall-elezzjoni tal-Parlament Ewropew, David Casa kien kostrett jirringrazzja lit-tliet kapijiet preċidenti tal-Partit Nazzjonalista – Eddie Fenech Adami, Lawrence Gonzi u Simon Busuttil.

Iżda naqas milli jsemmi, u ma kellu l-ebda kliem ta’ ringrazzjament, għall-Kap Nazzjonalista Adrian Delia. Fuq Facebook, Casa reġa’ ta ħajr lil Fenech Adami, Gonzi u Busuttil. Iżda għal darb’oħra naqas milli jagħmel kull referenza għall-Kap Nazzjonalista Adrian Delia. Aktar minn hekk, David Casa faħħar il-ħidma ta’ Fenech Adami, Gonzi u Busuttil. Kiteb li se jwiegħed li se jkompli jonora l-legat tagħhom fil-ħidma tiegħu. Iżda hawn ukoll naqas milli jirrikonoxxi l-ħidma ta’ Adrian Delia. Aqra aktar

Għaddej ġmielu x-xogħol ta’ rinovar fl-Isptar Monte Karmeli

B’investiment ta’ €30 miljun għaddej ġmielu x-xogħol ta’ rinovar u tisbieħ fl-Isptar Monte Karmeli. Xogħol bżonnjuz ħafna hekk kif f’25 sena ma sarx investiment, u Monte Karmeli tħalla fi stat ta’ abbandun u disastruż, li ma jagħtix dinjità lill-pazjenti.

Il-Kap Eżekuttiv ta’ Monte Karmeli, Stephen Sultana tkellem dwar dan l-investiment li ser isir fuq mhedda ta’ ħames snin fl-isptar kollu. Bħalissa għaddej ix-xogħol fuq is-sala li kienet tintuza għal-Physio Ward. Sala li se tilqa fiha pazjenti, sabiex jittranġaw is-swali l-oħra.Aqra aktar

L-Imqabba, Għawdex, il-Port il-Kbir, u l-Fosos tal-Floriana protagonisti fil-Festival Internazzjonali tal-logħob tan-nar 2019

Il-Ministru Konrad Mizzi nieda t-18-il edizzjoni tal-Festival Internazzjonali tal-logħob tan-Nar. Il-Festival jibda fl-24 ta’ April fl-Imqabba. Il-Festival se jmur ukoll fil-Gżira Għawdxija, fejn se jittella’ spettaklu fix-Xagħra fis-27 t’April.

Fit-30 ta’ April, l-ispettaklu tan-nar ikun fuq il-Port il-Kbir. L-ispettaklu se jkun kollu is-sinkronizat mal-muzika, kif spjega l-Head of Events tal-MTA Lionel Gerada. Is-Sibt 4 ta’ Mejju se jkun hemm spettaklu ta’ logħob tan-nar tal-art mekkaniżżat fuq il-Fosos tal-Floriana bis-sehem ta’ tmien kamar tan-nar lokali.Aqra aktar

FILMAT: Iċċedi t-tieqa ta’ Għar Ħanex fil-Qrendi

Bejn il-lejl tal-Ġimgħa u s-Sibt intradam għalkollox Għar Ħanex li jinsab mal-kosta tal-Qrendi, bejn Wied iz-Zurrieq u Għar Lapsi. Dan wara li ċeda blat kbir minn ma’ l-irdumijiet li hemm mal-kosta tal-Qrendi. Dan it-tiġrif iffurmata tieqa fil-blat.

Iżda din it-tieqa għebet f’ħakka t’għajn wara li ġarrafha r-riħ qawwi li ħakem il-gżejjer Maltin matul il-lejl tal-Ġimgħa u Sibt. It-tiġrif tat-tieqa jidher li seħħ kmieni fl-għodwa tas-Sibt u ħoloq toqba fil-blat.Aqra aktar

Fond ta’ €2 Miljun minn GO għal kumpaniji ġodda

ll-kumpanija GO nediet fond ta’ €2 miljun biex tgħin kumpaniji żgħar li għadhom fil-bidu tagħhom biex jibdew joperaw fil-qasam tat-teknoloġija fosthom dak tal-intelliġenza artifiċjali.

Il-fond se jservi ta’ għajnuna għal dawn il-kumpaniji li għadhom qegħdin jidentifikaw modi biex jimplimentaw proġetti diġitali marbuta ma’ teknoloġiji ġodda.

Barra għajnuna finanzjarja, il-kumpanija se toffri l-esperjenza teknika li għandha kif ukoll post minn fejn dawn il-kumpaniji żgħar ikunu jistgħu joperaw f’uffiċini f’Birkirkara.

Il-Kap Eżekuttiv tal-Kumpanija GO Nikhil Patil qal li l-kumpanija kienet qed issegwi mill-qrib numru ta’ ideat u beda diskussjonijiet dwar uħud mill-proġetti ta’ interess. Qal li Malta toffri għadd ta’ servizzi lill-kumpaniji żgħar izda jħabbtu wiċċhom ma’ problema biex isibu sorsi lokali ta’ finanzjament u investiment.

Is-Segretarju Parlamentari Silvio Schembri qal li huw essenzjali li s-settur prival isir protagonis biex jiġibed talent barrani waqt li jgħin biex ikabbar u jsaħħaħ it-talent lokali.

Send this to a friend