Nicole Buttigieg | One News - Part 7

Nicole Buttigieg

Notifiki

Karol Aquilina jgħid li Pierre Portelli jinsab iddisprat

Ftit minuti wara li l-Kap Nazzjonalista Adrian Delia telaq mid-Dar Ċentrali, ħareġ Id-deputat nazzjonalista Karol Aquilina li mar fuq il-ġurnalisti u qalilhom li jrid jagħmel stqarrija.
Aquilina stenna lil Adrian Delia jitlaq sabiex ikun jista’ jiftaħ attakk fuq Pierre Portelli li ftit sigħat qabel il-laqgħa tal-grupp parlamentari, dan tal-aħħar wieġbu għall-attakk li fetaħ kontrih fuq Facebook dwar ħbiberija ta’ negozjant li kien fil-mira tal-fazzjoni ta’ Busuttil.

Aqra aktar

Portelli b’akkużi lejn Jason Azzopardi u Mark Anthony Sammut

Id-deputat Nazzjonalista Jason Azzopardi u l-eks President tal-Eżekuttiv tal-Partit Nazzjonalista Mark Anthony Sammut kienu l-ewwel zewġ persuni li Pierre Portelli pponta subgħajh lejhom u akkużahom li qegħdin jagħmlu ħsara lill-Partit Nazzjonalista u lill-Kap Adrian Delia.

F’intervista esklussiva ma’ ONE News ta’ 40 minuta, Pierre Portelli qal li Jason Azzopardi, bħala d-deputat ma jistax jaqbad u jispara u jikteb kontra l-Partit Nazzjonalista fuq il-Facebook.

Aqra aktar

AĠĠORNAT: Hawn grupp ta’ nies fil-PN li akkost ta’ kollox iridu jagħtu bid-daqqiet ta’ sikkina

L-ex Kap tal-Midja tal-Partit Nazzjonalista Pierre Portelli akkuża lil deputati mill-fazzjoni tal-ex kap nazzjonalsita Simon Busuttil li akkost ta’ kollox ma jridux li l-partit Nazzjonalista jimxi ’l quddiem u fl-aħħar sentejn ħlew l-enerġija tagħhom jagħtu l-gambetti u d-daqqiet ta’ sikkina.

Portelli qal dan f’intervista li ta lil ONE NEWS għall-ħabta tas-siegħa ta’ dalgħodu wara li ħareġ mill-bini ta’ NET television.

“Il-PN jinsab f’sitwazzjoni fejn hawn grupp ta’ nies li ma jriduhx jimxi ‘l quddiem. U wasal iż-żmien li dawn in-nies jgħidu jien ma nistax nibqa sejjer hekk.”

“Ikollok grupp ta’ nies li akkost ta’ kollox irid jagħtuk il-gambetti u d-daqqiet ta’ sikkina”

Qal li l-grupp parlamentari huwa maqsum fi tliet fazzjonijiet. Bl-iktar waħda li tagħmel ħsara tkun il-fazzjoni tal-eks kap Simon Busuttil.

“Il-grupp parlamentari naqsmu fit-tlieta. Għandek dawk li jappoġġjaw lill-kap, dawk li assolutament li ma jappoġġjawx lill-kap u dawk li jpoġġu lilhom nfushom fin-nofs”

Qal li d-deputati fil-fazzjoni ta’ Busuttil ma ħaqqhom ikunu fl-ebda partit politiku.

Huwa kien mistoqsi “David Casa, Karol Aquilna ħarġu irrabjat mill-laqgħa?” Portelli wieġeb “ija mhux hekk … ma jistax ikun li ssemmilhom xi ħaġa u jitilfu r-raġuni.”

“Ma jistax ikun li l-PN jinħakem minn grupp ta’ nies li kif isemmilhom xi ħaġa jitilfu r-raġuni. Hekk rajt illejla.”

“Wara l-laqgħa tal-lejla fejn rajt nies u smajt u rajt moviment ta’ nies li fl-opinjoni tiegħi ma jixraqilhomx ikunu fl-ebda partit.”

“Huwa akkużahom li fil-laqgħat interni tal-partit jillikjaw dak li jkun qed jiġi diskuss.”

“Ma nistax jien nibqa hawnhekk meta ħdejja fl-eżekuttiv qiegħed jibgħat u jittextja ta x’qegħdin ngħidu fl-ezekuttiv. Kif jista jkun?”

Qal li dawn jaġixxu bħat-tfal. Filwaqt li akkuża l-fazzjoni ta’ Simon Busuttil b’kattiverja u qal li huma msieken.

“Jibqghu jaħsbu li t-triq tagħhom hija l-aħjar u b’ċerta kativerja ngħid jien”

“Dawn in-nies ma jistgħux jirrealizaw li ma jistgħux jaġixxu bħat-tfal, jisparaw u jieħdu l-limelight”

“Ma naqbilx maghom imma msieken insejħilhom. Dan kulħadd jgħidilhom ħalluh jaħdem lill-kap”

Pierre Portelli għamel dawn l-akkużi għax lill-esponenti tal-fazzjoni ta’ Busuttil jafhom sew.

“Dawn in-nies li akkost ta’ kollox ma jridux lil Adrian Delia , jien ħdimt magħhom fil-PN għal snin twal”

Pierre Portelli ddefenda lill-Kap Nazzjonalista Adrian Delia u minkejja li wassal lill-Partit Nazzjonalista għall-ikbar żewġ telfiet elettorali, jemmen li Delia m’għandux jirrizenja.

“Il-Kap kif tkellem fl-eżekuttiv se jibqa’ għandu mandat mit-tesserati”

“Vot ta’ fiduċja għandu jitolbu Dr Delia? Għandu l-fiduċja tat-tesserati ma kienx hemm talbiet ta’ vot illum”

Portelli qal li l-fazzjoni ta’ Simon Busuttil riedet ras xi ħadd, u tahom rasu.

“Riedu li xi ħadd joffri rasu, issa suppost għandhom persuna inqas li ddejjaqhom. Nispera li issa jaħdmu mal-kap.”

“Jekk iridu jiddikjaraw ir-riżenja tiegħi bħal rebħa, jieħdu pjaċir jgħidu li hija rebħa.”

L-id il-leminja ta’ Delia qal li l-fazzjoni tal-eks kap iridu issa jaħdmu ma’ Delia jew inkella jirriżenjaw.

“X’ħa jagħmlu dawn in-nies jekk wara ghad a adrian delia jibqa hemmhekk ? Jien ma nafx xi jridu jaghmlu. Jista jaghmlu kif għamilt jien. Jistghu jirrizenjaw ? Jekk iridu”

Portelli ma jistax jifhem kif il-fazzjoni ta’ Busuttil, tgħid li ma tridx lil Delia kap iżda imbagħad ma tgħidx lil min trid Kap.

“Ir-realta’ tibqa ma jistax jibqghu ma jimpurtahomx mis-sitwazzjoni tal-PN. Iridu li jkun hemm vacancy għal leader meta lanqas huma ma jafu lil min iridu. Mela l-PN jaffordja sitt xhur ohra, kif mind you dawn in-nies daħħluna f’din is-sitwazzjoni”

Innota li kull t-tentattiv li sar biex il-Partit Nazzjonalista jingħaqad, falla.

“Ma riedx nemmen dak li ġara fil-kampanja tal-leader u sena wara. Pruvajna nagħtu l-id tal-ħbiberija imma jigdmuhielek”

Pierre Portelli fakkar lill-fazzjoni ta’ Busuttil li fid-Dar Ċentrali daħlu lil Marlene u lil Godfrey Farrugia, iżda dawn ma jridux jaċċetta lil Delia li ġie elett b’mod demokratiku mit-tesserati tal-partit.

“Aħna hawn daħħalna lil Godfrey u Marlene ta u ma riedux naċċettaw lil kap. Imma dan mhux ġenn!”

ARA: Ittra lill-ogħla esponenti Nazzjonalisti tikkonferma li l-Kumitat Mosti tilef il-fiduċja fit-tmexxija tal-PN

Il-Partit Nazzjonalista nqabad f’gidba kbira oħra meta l-Ħamis filgħaxija ħareġ stqarrrija b’reazzjoni għal storja ta’ ONE News li fiha qal li l-kumitat Sezzjonali tal-Mosta ma approva l-ebda mozzjoni ta’ sfiduċja fit-tmexxija tal-Partit Nazzjonalista.

Madankollu lanqas laħqu għaddew tnax-il siegħa li sorsi fil-Partit Nazzjonalista żvelaw magħna ittra uffiċjali li bagħat il-kumitat sezzjonali Mosti lill-ogħla tmexxija tal-Partit Nazzjonalista li fiha ddikjara li impossibbli li jibqgħu siekta.Aqra aktar

Send this to a friend