Nicole Buttigieg – Page 4 – One News

Nicole Buttigieg

Notifiki

Logħba ġdida fl-Esplora dwar il-konservazzjoni tal-ilma

Hydro u Leak. Żewġ aħwa opposti.

Leak dejjem iħalli l-vit tal-ilma miftuħ u jaħli l-ilma, u Hydro dejjem jiġri wara ħuħ sabiex jara li ħuħ mhux jaħli l-ilma.

L-istorja ta’ Hydro u Leak, hija logħba virtwali li tista tintlab mit-tfal li jzuru l-Esplora. Logħba li tirraprezenta dak li minjaf kemm jiġri ta’ kuljum fid-djar tagħna.

Il-logħba hydroleak inħolqot minn Alex Fiot – li jinsab fit-tieni sena tal-kors dwar software development fl-MCAST. Fiot ħoloq din il-logħob għal kompetizzjoni li ġiet organzata mill-Esplora.

Fiot qal: “In-nies ħafna drabi ikollhom ħafna ħin id-dar. Jikkonservaw l-ilma peress li naħlu ħafna ilma d-dar uhekk l-importanti li ngħalmu lin-nies.”

Fiot rebaħ il-kompetizzjoni u l-logħoba tiegħu ġiet installata fl-esplora u se tkun tista tintlgħab mit-tfal.

Ic-chairman ezekuttiv tal-Esplora Jeffrey Pullicino Orlando qal li b’din il-logħob iktar tfal se jitgħallmu kif għandhom jikkonservaw l-ilma. Huwa qal: “Kull min iżur l-Esplora jista jippartecipa f’din il-logħoba. Fuq suġġett importanti konservazzjoni tal-ilma.”

Din il-kompetizzjoni ġiet organizzata mill-Esplora flimkien mal-HSBC.

Ġlieda oħra bejn il-fazzjoni Delia u l-fazzjoni Busuttil

Diżgwid ieħor fil-Partit Nazzjonalista, reġa kixef il-qasma kbira li hemm fil-Partit Nazzjonalista bejn il-fazzjoni Delia u l-fazzjoni Busuttil.

Kien il-kunsillier ta’ Birkirkara Justin Schembri li ħoloq kwistjoni oħra fil-Partit Nazzjonalista li rrabjat lil fazzjoni tal-eks Kap Simon Busuttil.

Il-Ġimgħa fuq Facebook, Justin Schembri kiteb li jaqbel mal-politika tal-Ministru Taljan, Matteo Salvani. Politika estremista.

Il-kumment, ġab rabja kbira mill-fazzjoni Busuttil li riedu jiddistngwu ruħhom minn dak li kiteb Schembri.

Schembri huwa esponent qrib l-Kap Nazzjonalista Adrian Delia, u fil-ġurnata li vvutaw dwar il-futur tiegħu l-kunsilliera Nazzjonalisti, Justin Schembri tela’ fuq il-palk jitkellem favur Delia.

Fid-dawl ta’ dan kollu, l-fazzjoni Busuttil ħatfet l-okkazzjoni u mal-ewwel kitbet kontrih u attakkatu. Anki għaliex dak li kiteb xejn ma jagħmel ġieħ.

Id-deputat Nazzjonalista Karl Gouder meta ra l-opinjoni ta’ Schembri sejjaħlu bħala miġnun, filwaqt li iddisasoċċja ruħu mill-kumment ta’ Schembri.  

Kiteb ukoll d-deputat Nazzjonalista Beppe Fenech Adami u tefa’ ritratt ta’ missieru, Eddie Fenech Adami u qal li dawn huwa l-valur li jħaddan.

Intant, il-Kap Nazzjonalista Adrian Delia ma ħariġx jikkundana dak li kiteb Justin Schembri.

 

L-aħħar tħejjijiet għall-kunċert ta’ Joseph Calleja

Tnejn mill-ikbar artisti internazzjonali tal-mużika klassika – l-ambaxxatur Malti għall-Kultura, it-Tenur Joseph Calleja u t-Tenur Andrea Bocelli se jerġgħu jagħtu spettaklu u divertiment mużikali f’pajjiżna b’tiżwiqa ta’ mużika klassika u popolari.

Sentejn wara, Calleja u Bocelli reġgħu għażlu lil Malta, sabiex ikantaw flimkien f’pajjiżna u jsaħħru l-udjenza Maltija u barranija li s-Sibt mistennija tattendi bi ħġarha għall-kunċert tagħhom.

Ma’ Calleja u Bocelli se tingħaqad l-Orkestra Filarmonika Nazzjonali.

Iċ-Chairman Eżekuttiv tal-Orkestra Filarmonika Nazzjonali Sigmund Mifsud qal li qegħidn iħarsu ‘l quddiem għal dan il-kunċert annwali, għax flimkien mad-duo Calleja Bocelli se joffru spettaklu mill-isbaħ.

“In-nies jiġġenu għalih dan il-kuncert. L-atmosfera hija maġika u tappella ħafna.”

Fuq il-fosos tal-Floriana għaddejjin l-aħħar preparamenti għal dan il-kunċert.

Kunċert li ser jittella’ bl-għajnuna tal-Awtorita Maltija għat-turizmu. Iċ-Chairman tal-Awtorità Gavin Gulia qal li dan il-kunċert jingħaqad ma’ sensiela ta’ avvenimenti mużikali oħra li qegħdin jiġu organizzati f’pajjiżna u jattiraw eluf ta’ turisti.

“Kellna hafna events dan is-sajf. Dan il-kuncert kullana oħra ma’ events li qed iseħħu f’pajjiżna. Jiġġenera turiżmu u anki turisti li jkun pajjizna imorru jarawh.”

Mad-duo Calleja u Bocceli se jingħaqdu wkoll artisti lokali fosthom il-kantanta Ira Losco, fl-ewwel debut tagħha mat-tenur Malti.

L-istennija ta’ dan l-ispettaklu issa hija għal nhar is-Sibt fuq il-Fosos tal-Furjana bil-pubbliku li ma akkwistax biljett jista’ jgawdi l-ispettaklu minn parti maħsuba apposta fuq in-naħa ta’ wara tal-Fosos u jitpaxxa bl-atmosferma maġika li se joħolqu ż-żewġ tenuri ta’ fama dinjija.

Send this to a friend