Nicole Buttigieg | One News - Part 4

Nicole Buttigieg

Notifiki

Jason Azzopardi jsejjaħ lil Delia u sħabu “sriep”

Id-deputat Nazzjonalista Jason Azzopardi sejjaħ lill-Kap Nazzjonalista Adrian Delia u lill-klikka tiegħu fil-Partit Nazzjonalista bħala sriep merċenarji li ħatfu Partit għal skop maħmuġ.

F’kontroversja oħra bejn il-fazzjoni Delia u l-fazzjoni Busuttil, il-blogger Manuel Delia żvela messaġġi minn grupp tal-whatsapp tal-moviment nisa Partit Nazzjonalista, li fih l-amministrazzjoni nazzjonalista ħeġġithom ixerrdu storja ta’ One News dwar l-eks Kap Nazzjonalista Simon Busuttil.

Aqra aktar

Partitarji ta’ Delia b’żewġ petizzjonijiet biex iwieġbu għall-fazzjoni ta’ Busuttil

Partitarji tal-Kap Nazzjonalista Adrian Delia preżentaw żewġ petizzjonijiet sabiex Adrian Delia jibqa fil-kariga tal-Partit Nazzjonalista. Huma ġabru petizzjoni b’530 firma mill-kunsilliera u petizzjoni oħra b’4330 firma mit-tesserati Nazzjonalisti. Adrian Delia qabbad lill-Kunsillier tar-rabat Karl Muscat u l-preżentatrici u Kunsilliera Louise Tedesco biex jippreżentawha.Aqra aktar

Eks kandidat tal-PN jgħid li Delia għandu jitlaq

Adrian Delia m’għandux il-kwalitajiet la biex imexxi l-Partit Nazzjonalista u wisq aktar biex imexxi lill-pajjiżna. Hekk iddikjara l-eks kandidat nazzjonalista Kevin Cassar, li huwa miżżewweġ lil oħt id-deputat nazzjonalista Beppe Fenech Adami. Cassar qal li Delia ma jistax iwaħħal fil-fazzjoni tal-eks Kap Simon Busuttil, imma l-ħtija hija kollha tiegħu minħabba t-tmexxija ħazina tiegħu.

F’artiklu fuq The Times of Malta taħt it-titlu, Why Delia must go – and why he won’t, il-kirurgu Kevin Cassar, qal li Delia għandu allegazzjonijiet serji fil-konfront tiegħu fosthom li daħħal flus f’kont bankarju f’Jersey ġejjien mill-prostituzzjoni. Qal li dan id-dell ikrah fuq Delia kisser il-valuri, il-prinċipji u l-integrità li kien ilu jaħdem għalihom l-Partit Nazzjonalista.Aqra aktar

Bosta urtati bil-kummenti ta’ Simon Busuttil dwar il-Prim Ministru

Fl-aħħar sigħat kienu bosta l li esprimew id-dispjaċir tagħhom għall-kummenti li għadda l-ex Kap Nazzjonalista Simon Busuttil li feraħ bid-deni, għax Malti bħalu kien qed jissemma’ għal waħda mill-karigi. Malli ħarġet l-aħbar, l-eks Kap Nazzjonalista Simon Busuttil ħareġ jogħrok idejh.

B’reazzjoni kienu bosta l-Maltin minn kull sfera tas-soċjetà li wrew id-diżgust tagħhom mal-kummenti ta’ Busuttil. Uħud fakkru lil Simon Busuttil kif hu ma ntagħżilx għall-pożizzjoni ta’ Direttur fi ħdan l-Uffiċċju ta’ Appoġġ Ewropew fil-Qasam tal-Ażil, bl-applikazzjoni tiegħu ġiet irrifjutata.Aqra aktar

“Għamilt li qaltli hi”- Michael Emmanuel dwar il-qtil ta’ Maria Lourdes Agius

Għamilt dak li qaltli hi.

Hekk stqarr fl-interogazzjoni, Michael Emmanuel mill-kosta tal-Avorju li jinsab għaddej ġuri mixli li fega lis-sieħba tiegħu Maria Lourdes Agius, f’Settembru tas-sena li għaddiet f’Raħal Ġdid.

Fil-ġuri quddiem l-Imħallef Consuelo Scerri Herrera xehed l-ispettur James Grech u ta dettalji ta’ x’qallu l-akkuzat fl-Interogazzjoni. Xehed li fil-bidu, Emmanuel beda jgħid li ma jafx kif inqatlet Maria Lourdes, u li ma kellux xi jgħid. Irrakkonta episodju meta fi Frar tas-sena li għaddiet l-akkużat mar id-dar u sab lil omm ta’ sebat itfal tiġġieled ma’ ommha.Aqra aktar

Jintbagħtu lura l-Albanija wara li ammettew li ffalsifikaw karta tal-identità biex jidħlu l-Irlanda

Żewġ żgħażagħ Albaniżi tressqu l-Qorti akkużati li ppruvaw jitilqu lejn l-Irlanda b’karta tal-identità falza. Leishi Andoil ta’ 26 sena u Ermal Mekshi ta’ 29 sena ammettew l-akkużi kontrihom. Il-Maġistrat Joe Mifsud qal li hemm bżonn aktar koperazzjoni hekk kif falsifikazzjoni ta’ dokumenti huwa reat serju ħafna li jaffettwa l-Unjoni Ewropea kollha. Huma ġew ikkundanati sitt xhur ħabs.

Il-Maġistrat Joe Mifsud informa lill-Uffiċjal Ewlieni tal-Immigrazzjoni biex l-Albanizi jintbagħtu lura lejn l-Albanija b’mod immedjat.

Muscat: Se nkompli naqdi dmiri ta’ Prim Ministru b’aktar enerġija

“Se nkompli naqdi dmiri ta’ Prim Ministru b’aktar enerġija u entużjażmu.”

Hekk iddikjara l-Prim Ministru Joseph Muscat meta mistoqsi mill-ġurnalisti dwar il-ġejjini tiegħu l-għada li ġew deċiżi l-ogħla karigi tal-istituzzjonjiet Ewopej. Dr Muscat kien viċin ħafna li jsir President tal-Kunsill Ewropew hekk kif wara jumejn fejn ma kienx hemm qbil dwar min se jieħu t-tmexxija tal-Unjoni Ewropea, kien hemm żewħ ftehimiet li tressqu għall-għażla.Aqra aktar

Send this to a friend