Nicole Buttigieg | One News - Part 28

Nicole Buttigieg

Notifiki

Busuttil jgħid li l-qasma fil-PN ħoloqha Delia

Waqt il-laqgħa tal-grupp parlamentari nazzjonalista ta’ nhar it-Tnejn filgħaxija, l-eks Kap Nazzjonalista Simon Busuttil akkuża lil Adrian Delia li l-qasma fil-Partit Nazzjonalista ħoloqha hu stess meta f’Settembru tal-elfejn u sbatax ħa tmun tal-Partit Nazzjonalista.

Aqra aktar

“Kburi u m’għandix minn xiex nistħi fil-każ tal-Fekruna”- Jason Azzopardi

Id-Deputat Nazzjonalista Jason Azzopardi qal li huwa kburi u m’għandux minn xiex jistħi dwar l-esproprjazzjoni tal-art fil-Fekruna lejlet l-elezzjoni ta’ Marzu tal-2013.

Huwa u jixhed quddiem il-Kumitat tal-Kontijiet Pubbliċi dwar l-investigazzjoni li għamel l-uffiċċju tal-Awditur, Azzopardi qal li kieku jerġa’ jkun ministru tal-artijiet, jerġa’ jagħmel l-istess kif għamel fil-każ tal-Fekruna.

Dwar il-kaz tal-Fekruna, l-Awditur Ġenerali kkritika l-proċess li ntuża biex Gvern Nazzjonalista akkwista l-art fil-Fekruna. Dan meta għadda lill-kumpanija Fekruna Ltd, art fis-Swieqi u oħra f’San Ġwann, li ġew stmati ftit aktar minn erba’ miljun ewro, seba’ mitt elf ewro anqas minn kemm ġiet stmata l-art tal-fekruna.

Madankollu, Jason Azzopardi tenna għal darba t-tnejn li huwa kburi b’dak li għamel. Mistoqsi mid-deputat Laburista Robert Abela u s-segretarju parlamentari Julia Farrugia, Jason Azzopardi mingħajr tlaqliq qal li jekk jerġa’ jiġih iċ-ċans, jagħmel l-istess fil-każ tal-fekruna.Kawża tal-għemil ta’ Azzopardi, il-poplu Malti tilef eluf kbar ta’ ewro.

Fix-xhieda tiegħu, Azzopardi beda billi sfida ruiling tal-ispeaker li ngħata t-Tnejn u beda jaqra l-istqarrija minflok il-punti importanti li talbu jagħmel l-ispeaker. B’reazzjoni, id-Deputat Robert Abela innota kif Azzopardi kien qiegħed jisfida lill-ispeaker. Bid-deputat Nazzjonalista Beppe Fenech Adami qabez għal Azzopardi

Tarbija ta’ tmien xhur f’qagħda kritika

Tarbija ta’ tmien xhur tinsab f’qagħda kritika wara li qiegħda issofri minn settiċemija, marda kkaġunata minn mikrobu fid-demm.

It-tifla ddaħħlet, l-Isptar Mater Dei għall-kura l-Ħadd waranofsinhar wara li żviluppawlha ħafna tbabar madwar ġisimha kollu u telgħalha d-deni. It-tifla qiegħda fl-NPICU, it-Taqsima tal-Kura Intensiva tat-Tfal fl-Isptar Mater Dei.

F’konferenza għall-ġurnalisti fil-Ministeru għas-Saħħa, is-Supretendent tas-Saħħa Pubblika, il-Professur Charmaine Gauci u d-Direttur Mediku Walter Busuttuil tawl l-aħħar dettalji dwar il-każjiet rapportati fil-midja ta’ tlett itfal li ddaħħlu l-isptar b’mikrobi differenti.

Fosthom tifel ta’ erba’ snin li miet bil-Meninġite u tarbija oħra tat-twelid. Huma spjegaw li t-tifla li għandha ftit aktar minn għoxrin jum qalbet għall-aħjar wara li l-ġimgħa l-oħra ntlaqtet bil-meninġite.Aqra aktar

Send this to a friend