Leanne Abela Grech – Page 5 – One News

Leanne Abela Grech

Notifiki

Il-Festi mxandra fuq l-istazzjon ONE

Wara nuqqas ta’ diversi snin, l-istazzjon ONE reġa’ beda jxandar u jwassal il-festi madwar il-lokalitajiet Maltin u Għawdxin lit-telespettaturi bil-programm Mill-Festa li jixxandar il-Ħadd filgħaxija.

Il-programm se jxandar ukoll festi li jsiru matul il-ġimgħa.Aqra aktar

Twissijiet għal temperaturi għoljin fil-Punent tal-Ewropa

Ħafna mill-pajjiżi tal-Punent tal-Ewropa qed jerġgħu jaffaċjaw temperaturi għoljin, it-tieni mewġa ta’ sħana laħqet il-qofol matul il-jum tal-ħamis. Bosta twissijiet dwar it-temperaturi sħan inħarġu f’diversi pajjiżi. Fi Franza nħarġet twissija fejn it-temperatura f’Pariġi laħqet rekord ta’ 40.6 grad fejn saħħansitra tista’ tilħaq sat-43 grad. Aqra aktar

Jirreżenja l-Gvernatur ta’ Puerto Rico wara li jiġu żvelati numru ta’ messaġġi mibgħuta minnu

Jirreżenja l-Gvernatur ta’ Puerto Rico, Ricardo Rossellò. Ir-riżenja saret jien wara li massa ta’ dimostranti niżlu fit-toroq jipprotestaw. Minkejja li nhar il-Ħadd li għadda insista li hu se jibqa’ fil-kariga, Rossellò ħareġ stqarrija televiżiva l-Erbgħa filgħaxija fejn qal li r-riżenja tiegħu se tiġi effetiva l-Ġimgħa 2 ta’ Awwissu.

Aqra aktar

Ħrejjef impittrin, iżda mhux kif imdorrijin narawhom

Wiret l-imħabba tal-arti mingħand missieru, tant li fir-rakkont tiegħu, Joseph Bugeja, qalilna fi tfulitu ma kienx jilgħab bil-karozzi, iżda dejjem kien ikollu xi pinzell jew il-kuluri f’idu jpitter dak li kien jiġih f’moħħu.

Baqa’ jipperfezjona t-talent tiegħu billi attenda diversi lezzjonijiet tal-arti u llum qed jesebixxi xogħlu għall-pubbliku.

Qalilna li l-ispirazzjoni tiegħu tiġi mill-istorja sinjura ta’ pajjiżna, tant li l-ewwel wirja tiegħu kienet dwar il-folklor u l-kreaturi tal-biża’ li jissemmew fir-rakkonti Maltin.

Għat-tieni esebizzjoni tiegħu, li qed titella bħalissa, Joseph iddeċieda li jpitter karattri fi ħreffej kif oriġinaljament kienu maħsuba u mhux l-istejjer sbieħ kif imdorrijin narawhom.

“Is-suġġett propjament huwa kif bdew il-fairytales, l-oriġini oskura tagħhom. Għax ħafna nies jaħsbu li huma ġew ivvintati għat-tfal, fil-faft għandhom eluf ta’ snin”

Huwa qal li beda bir-riċerka dwar l-oriġini tal-ħrejjef u minn hemm fassal tlettax-il kwadru ta’ arti magħmula mill-acrylics u ż-żebgħa taż-żejt, iżda anke uża xi oġġetti oħra biex l-istampi jkollhom effett 3D.

“L-ewwel ma trid tibda bir-riċerka, jiġifieri qabel ma nibda l-artworks nagħmel riċerka sew nara: kotba, websites liema jaqlbu jew ma jaqblux; jekk ma jaqblux nara għalfejn ma jaqblux għaliex jiġu kull tip ta’ nies jaraw il-wirja. L-ewwel nies trid turihom li qed tgħid huwa l-verità.”

Il-wirja se tibqa’ miftuħa sal-Ġimgħa 19 ta’ Lulju u tinsab f’Casino Notabile, ir-Rabat.

Se jipproponi koperazzjoni dwar riċerka biex jiġu żviluppati anitbijotiċi ġodda

Għaxar ministri għas-saħħa Ewropej li huma firmatarji tal-Valletta Declaration qed jiltaqgħu f’Malta biex jikkollaboraw flimien fuq diversi temi foshotm l-aċċess u x-xiri tal-mediċini.

Fil-ftuħ tal-laqgħa, id-Deputat Prim Ministru u Ministru għas-Saħħa, Chris Fearne qal li matul dawn l-aħħar sentejn saru bosta avvanzi kbar fi ħdan dan il-grupp ta’ pajjiżi li jinkludu lil Malta, Portugall, Spanja, l-Italja, Ċipru, l-Islovenja, il-Kroazja, ir-Rumanija u l-Irlanda.

Il-ministru qal li  l-akbar sfida li qed jiltaqa’ magħha kull pajjiż hi l-prezz tal-mediċini/

“Sa issa ħafna minn-negozjati bejn pajjiżi individwali u l-kumpaniji l-kbar tal-industrija ma kinux ikunu fair. L-industrija kien ikollha l-informazzjoni kollha u l-pajjiżi kollha ma jkollhomx. U allura waħda mill-inizjattivi li qegħdin nieħdu hu propju din li bejnietna naqsmu aktar informazzjoni biex meta mmorru ninnegozzjaw, inkunu qed ninegozzjaw f’pożizzjoni ta’ saħħa”

Il-Ministru Fearne żied jgħid li jekk jintleħaq ftehim bejn il-pajjiżi li flimkien jirrappreżentaw 160 miljun ruħ se jkollhom aktar saħħa waqt li jkunu qed isiru n-negozjati dwar il-prezz tal-mediċini.

“Aħna dħalna fil-proċess mal-Industrija, nibdew ninegozjaw magħhom anke minn kmieni, li jfisser li fis-snin li ġejjin nistennew li numru ta’ mediċini illi llum qed nixtruhom bl-għali bil-mod il-mod jibdew jonqsu fil-prezzijiet li fl-aħħar mill-aħħar iwassal għal prezzijiet aħjar u mediċini iżjed aċċessibli għall-pazjenti tagħna”

Fil-laqgħa tal-Ġmgħa, il-Minsitru għas-Saħħa se jressaq ‘il quddiem mudell li jipproponi mezzi ta’ koperazzjoni dwar riċerka biex jiġu żviluppati antibijotiċi ġodda.

 

Hawnhekk tista’ ssegwi l-intervista sħiħa:

https://www.politico.eu/pro/chris-fearne-maltese-health-minister-q-and-a/?utm_source=POLITICO.EU&utm_campaign=ff27df850e-EMAIL_CAMPAIGN_2019_07_10_09_18&utm_medium=email&utm_term=0_10959edeb5-ff27df850e-190082153

Send this to a friend