Leanne Abela Grech – Page 2 – One News

Leanne Abela Grech

Notifiki

Sabu kenn wara li ġew abbandunati

Inbiħ, tferfir tad-denb u qbiż, hekk konna milqugħa meta dħalna fis-santwarju tal-annimali abbandunati li jinsab f’Birżebbuġa. Is-santwarju jilqa’ fih klieb li jkunu tħallew abbandunati, iżda hawn jerġgħu jsibu l-imħabba mingħand għadd ta’ voluntiera, li l-ħin liberu tagħhom iqattugħ jieħdu ħsieb dawn il-klieb. Minkejja li l-klieb ikunu għaddew minn trauma, xorta waħda tiżboq l-imħabba f’għajnejhom.

Rosalind Agius, li tmexxi s-santwarju, qalet li l-popolazzjoni dejjem tkun bejn wieħed u ieħor ta’ 80 kelb. Dan għaliex meta kelb isib familja li taddottah, minfloku jidħlu klieb oħra li jkun tħalla għall-rieħu fit-triq.

“Xi ħaġa li għandhom komuni dawn il-klieb kollha huwa li għaddew minn abbandun. Xi darba dawn il-klieb kollha kellhom familja li suppost kienet tħobbhom, però din il-familja ddeċidiet illi tarmijhom: Issa jew direttament fit-toroq jew ġabithom hawnhekk jew inkella ġew b’metodu ieħor, ikkonfiskati, ġifieri kienu f’post ħażin, ġew irrapurtati li żammuhom ħażin u jiġu hawnhekk”

Riċenti, is-santwarju laqa’ fih sitt iklieb mit-23 li ġew ikkonfiskati kmieni dan ix-xahar minn dar fil-Ħamrun. Agius spjegatilna kif waħda mill-klieb, waqt li kienet qed twelled, indunaw li kellha mard fl-intern u li kellhom jeħduha għall-operazzjoni immedjatament. Il-ħamest iklieb l-oħra kellhom infezzjonijiet fil-ġilda.

“It-tbatija li jgħaddu minnha hija enormi l-annimali. Triq tkun ġewwa santwarju, trid tkun voluntier biex tara x’kapaċi għadna nagħmlu fuq l-annimali; x’abbuż u x’moħqrija għad hawn”

Agius sostniet li daqs kemm ikollhom stejjer tal-biki ikollhom stejjer ta’ ferħ. Il-proċess għall-adozzjoni ta’ kelb huwa wieħed faċli, iżda, kull min se jadotta għandu jkun tassew ippreparat għal dak li jkun dieħel għalih.

“Aħna dejjem nipprovaw nadattaw il-kelb tajjeb ma’ dik il-familja, però minn naħa tal-familja trid tkun ċerta għal xiex se tidħol. Kelb jista’ jgħixlek anke 14, 15-il sena, ġifieri jekk mintix perparat għax-xogħol li ħa jagħtik il-kelb, tidħolx għalih. Minn naħa l-oħra kelb kapaċi jagħtik imħabba kbira”

Bħalissa dan is-santwarju għaddej b’kampanja ta’ neutering biex persuni li ma jaffordjawx isewwu u jagħmlu ċ-ċippa lil klieb tagħhom, jistgħu jikkuntattjaw lis-santwarju biex jibgħatulhom vawċer id-dar li jissarraf f’dawn is-servizzi. It-tiswija tal-klieb mhux biss tnaqqas il-possibilità ta’ abbandun imma wkoll tajba għal saħħet l-annimal.

Iżda fuq kollox, Rosalind kellha dan il-messaġġ għas-segwaċi kollha tagħna.

“Jekk tħobbhom l-annimali, tabbandunahomx”

Il-baħar – sors ta’ enerġija bla limitu


Minn proġett pilota inħolqot sistema aktar effiċjenti għal sors ta’ enerġija mill-baħar. Qed nirreferu għall-proġett li ħadmu fuqu studenti u letturi mill-Istitut għall-Inġinerija u t-Trasport fil-Kulleġġ Malti għax-xjenza, t-tekonoloġija u l-arti, l-MCAST bil-kollaborazzjoni tal-Kunsill Malti għax-xjenza u t-teknoloġija l-MCST, li taw 250,000 ewro f’fondi biex jibda l-proġett.Aqra aktar

Bdew jiltaqgħu l-mexxejja tal-G7 fi Franza

Mis-Sibt wara nofsinhar bdew jiltaqgħu seba’ mexxeja li jagħmlu parti mill-G7 għal Summit li qed isir fi Franza mifrux fuq jumejn. Uħud mid-diskussjonijiet se jkunu dwar kif l-ekonomija globali qed tbatti, il-kunflitti fil-Lvant Nofsani u n-nirien fil-foresta tal-Amażonja. Hemm xettiċiżmu dwar jekk tinstabx soluzzjoni għal waħda mit-temi diskussi.

Mal-wasla tiegħu, il-President Amerikan, Donald Trump, iltaqa’ mal-President Franċiz Emmanuel Macron. Trump deher ottimist, tant li huwa konvint li l-mexxejja se jwettqu aktar minn dak mistenni. Iżda, Il-President Franċiż, waqt il-laqgħa tiegħu ma’ Trump ma deherx daqstant konvint.

Qabel is-Summit, Macron semma kif huwa jrid jindirizza n-nirien li ħakmu l-foresta Amażonja, iżda, l-kwistjoni tal-ekonomija globali deheret l-aktar kwistjoni urġenti.

L-armata Brażiljana ordnata tgħin fit-tifi tan-nar fl-Amażonja

Il-President tal-Brażil, Jair Bolsonaro, ħareġ digriet li bih ordna lil forzi armati tal-Brażil biex jassistu fl-operazzjoni għat-tifi tan-nar li ħakmu l-foresta tal-Amażonja. L-Amażonja, hija l-akbar foresta tropikali fid-dinja u magħrufa bħala l-pulmun tad-dinja, għaliex fiha taħzen il-karbonju u b’hekk tnaqqas ir-ritmu tat-tisħin globali.Aqra aktar

Send this to a friend