Leanne Abela Grech | One News

Leanne Abela Grech

Notifiki

Ħrejjef impittrin, iżda mhux kif imdorrijin narawhom

Wiret l-imħabba tal-arti mingħand missieru, tant li fir-rakkont tiegħu, Joseph Bugeja, qalilna fi tfulitu ma kienx jilgħab bil-karozzi, iżda dejjem kien ikollu xi pinzell jew il-kuluri f’idu jpitter dak li kien jiġih f’moħħu.

Baqa’ jipperfezjona t-talent tiegħu billi attenda diversi lezzjonijiet tal-arti u llum qed jesebixxi xogħlu għall-pubbliku.

Qalilna li l-ispirazzjoni tiegħu tiġi mill-istorja sinjura ta’ pajjiżna, tant li l-ewwel wirja tiegħu kienet dwar il-folklor u l-kreaturi tal-biża’ li jissemmew fir-rakkonti Maltin.

Għat-tieni esebizzjoni tiegħu, li qed titella bħalissa, Joseph iddeċieda li jpitter karattri fi ħreffej kif oriġinaljament kienu maħsuba u mhux l-istejjer sbieħ kif imdorrijin narawhom.

“Is-suġġett propjament huwa kif bdew il-fairytales, l-oriġini oskura tagħhom. Għax ħafna nies jaħsbu li huma ġew ivvintati għat-tfal, fil-faft għandhom eluf ta’ snin”

Huwa qal li beda bir-riċerka dwar l-oriġini tal-ħrejjef u minn hemm fassal tlettax-il kwadru ta’ arti magħmula mill-acrylics u ż-żebgħa taż-żejt, iżda anke uża xi oġġetti oħra biex l-istampi jkollhom effett 3D.

“L-ewwel ma trid tibda bir-riċerka, jiġifieri qabel ma nibda l-artworks nagħmel riċerka sew nara: kotba, websites liema jaqlbu jew ma jaqblux; jekk ma jaqblux nara għalfejn ma jaqblux għaliex jiġu kull tip ta’ nies jaraw il-wirja. L-ewwel nies trid turihom li qed tgħid huwa l-verità.”

Il-wirja se tibqa’ miftuħa sal-Ġimgħa 19 ta’ Lulju u tinsab f’Casino Notabile, ir-Rabat.

Se jipproponi koperazzjoni dwar riċerka biex jiġu żviluppati anitbijotiċi ġodda

Għaxar ministri għas-saħħa Ewropej li huma firmatarji tal-Valletta Declaration qed jiltaqgħu f’Malta biex jikkollaboraw flimien fuq diversi temi foshotm l-aċċess u x-xiri tal-mediċini.

Fil-ftuħ tal-laqgħa, id-Deputat Prim Ministru u Ministru għas-Saħħa, Chris Fearne qal li matul dawn l-aħħar sentejn saru bosta avvanzi kbar fi ħdan dan il-grupp ta’ pajjiżi li jinkludu lil Malta, Portugall, Spanja, l-Italja, Ċipru, l-Islovenja, il-Kroazja, ir-Rumanija u l-Irlanda.

Il-ministru qal li  l-akbar sfida li qed jiltaqa’ magħha kull pajjiż hi l-prezz tal-mediċini/

“Sa issa ħafna minn-negozjati bejn pajjiżi individwali u l-kumpaniji l-kbar tal-industrija ma kinux ikunu fair. L-industrija kien ikollha l-informazzjoni kollha u l-pajjiżi kollha ma jkollhomx. U allura waħda mill-inizjattivi li qegħdin nieħdu hu propju din li bejnietna naqsmu aktar informazzjoni biex meta mmorru ninnegozzjaw, inkunu qed ninegozzjaw f’pożizzjoni ta’ saħħa”

Il-Ministru Fearne żied jgħid li jekk jintleħaq ftehim bejn il-pajjiżi li flimkien jirrappreżentaw 160 miljun ruħ se jkollhom aktar saħħa waqt li jkunu qed isiru n-negozjati dwar il-prezz tal-mediċini.

“Aħna dħalna fil-proċess mal-Industrija, nibdew ninegozjaw magħhom anke minn kmieni, li jfisser li fis-snin li ġejjin nistennew li numru ta’ mediċini illi llum qed nixtruhom bl-għali bil-mod il-mod jibdew jonqsu fil-prezzijiet li fl-aħħar mill-aħħar iwassal għal prezzijiet aħjar u mediċini iżjed aċċessibli għall-pazjenti tagħna”

Fil-laqgħa tal-Ġmgħa, il-Minsitru għas-Saħħa se jressaq ‘il quddiem mudell li jipproponi mezzi ta’ koperazzjoni dwar riċerka biex jiġu żviluppati antibijotiċi ġodda.

 

Hawnhekk tista’ ssegwi l-intervista sħiħa:

https://www.politico.eu/pro/chris-fearne-maltese-health-minister-q-and-a/?utm_source=POLITICO.EU&utm_campaign=ff27df850e-EMAIL_CAMPAIGN_2019_07_10_09_18&utm_medium=email&utm_term=0_10959edeb5-ff27df850e-190082153

Inawgurat l-ewwel salon ta’ sbuħija fid-Dar tal-Anzjani tal-Imtarfa

Illum ġie inawgurat salon fid-Dar tal- Anzjani tal-Imtarfa. B’investiment ta’ €14,000 dan huwa l-ewwel tax-xorti tiegħu bl-iskop li tiġi offruta kura ħolistika lill-anzjani. L-anzjani kollha, anke dawk li mhumiex residenti fid-dar tal-Imtarfa u li jirċievu servizz ta’ kura residenzjali mid-Dipartiment tal-Anzjanitá Attiva u l-Kura fil-Komunitá se jkunu jistgħu jagħmlu użu minn dan is-servizz f’għeluq sninhom bi trattament speċjali għall-okkazzjoni. B’kollox 2,500 anzjan jista’ jagħmel użu minn dan is-servizz ġdid li beda jingħata mil-lum. Id-Dipartiment se jipprovdi transport biex iwassal lill-anzjani li joqogħdu fi djar oħra.

Aqra aktar

Jitwarrab l-Abbozz ta’ liġi kontroversjali li qajjem furur f’Hong Kong

Waqt konferenza stampa indirizzata llum mill-Kap ta’ Hong Kong, Carrie Lam, qalet li l-abbozz kontroversjali li kien jippermetti estradazzjoni lejn iċ-Ċina u li qajjem furur f’dawn l-aħħar ġimgħat f’Hong Kong, huwa mitmum. Hija qalet li x-xogħol li sar mill-Gvern dwar dan l-abbozz kien falliment totali, iżda naqset milli tgħid li ġie rtirat kompletament bħalma qed jitolbu d-demostranti. F’nofs Ġunju li għadda, Lam kienet kostretta li tissospendi l-abbozz b’mod indefenittiv wara li eluf ta’ nies inġabru fit-toroq ta’ Hong Kong jipprotestaw. Aqra aktar

Send this to a friend