Kyle Mifsud | One News - Part 7

Kyle Mifsud

Notifiki

Iwaħħlu f’xulxin għall-inkwiet intern fil-PN

Il-qasma kbira li kompliet toħnoq it-tmexxija tal-Kap Nazzjonalista Adrian Delia issa saħansitra wasslet lil dawk l-aktar qrib tiegħu sabiex ifittxu impjiegi alternattivi oħra għal wara Mejju.

Fl-istess ħin, dawk li ġejjin mill-fazzjonijiet opposti u li minn dejjem opponew b’qawwa liema bħalha t-tmexxija ta’ Delia qed iħejju  biex wara dan l-appuntament elettorali li jmiss jkomplu jħarxu l-attakk fil-konfront tal-Kap u n-nies tiegħu.

Dan qalitu l-gazzetta MaltaToday fejn fil-faċċata ta’ quddiem spjegat kif il-laqgħa ta’ bejn Kristy Debono uHerman Schiavone ma’ persuna kkritikata mill-istss partit kompliet twessa’ l-qasma fi ħdan il-Partit Nazzjonalista b’deputati jwaħħlu f’xulxin għall-ġlied intern fl-istess partit. Aqra aktar

Inawgurat il-bandli fi Ġnien l-Għannejja Żwieten fiż-Żejtun

Il-Kunsill Lokali taż-Żejtun inawgurat bandli ġdid fi ġnien l-għannejja Żwieten fiż-Żejtun. Dan il-proġett li sewa mad-€95,000 bidel bandli antik u mitluf f’żona moderna u sigura li se tkun tuista’ tibda titgawda mill-komunità Żejtunija.

Is-sindku taż-Żejtun Doris Abela spjegat kif dan il-bandli ġie ffinanzjat pemezz ta’ fondi tal-Kunsill Lokali u fondi mid-Dipartiment tal-Gvernijiet Lokali. “Dan il-bandli huwa t-tieni wieħed li se nkunu qegħdin ninawguraw f’dawn is-sitt xhur. Wieħed kien Ġnien il-Qawsalla fi Triq il-Labour, fejn sar xogħol mill-ħaddiema tal-Kunsill, imbagħad bdejn x-xogħol fejn qegħdin illum, Ġnien l-Għannejja Żwieten”, spjegat is-Sindku.Aqra aktar

Persuna bi ġrieħi gravi wara ħabta f’Ħaż-Żabbar

Persuna ta’ 43 sena qed issofri minn ġrieħi gravi wara li kienet involuta f’ħabta bejn żewġ karozi f’Ħaż-Żabbar. L-inċident seħħ għall-ħabta tat-20:30 tas-Sibt filgħaxija fi Triq il-Kunvent kantuniera ma Triq Santa Tereża f’Ħaż-Żabbar.

Immedjatament fuq il-post issejjaħ tim mediku mill-isptar Mater Dei li ħa lill-persuna ta’ 43 sena li kien qe disuq Skoda Citigo l-isptar ejn ftit wara ġie ċċertifikat li qed isofri minn ġrieħi ta’ natura gravi. Ix-xufier tal-karozza l-oħra, Renault Clio u li għandu 54 sena ttieħed ċ-ċentru tas-saħħa ta’ Raħal Ġdid fejn ġie ċċertifikat li qed isofri minn ġrieħi ħfief.

L-investigazzjonijiet qed jitmexxew mill-Pulizija tad-distrett.

AĠĠORNAT: Tfajla ta’ 23 sena tmut wara inċident bil-mutur f’Raħal Ġdid

Tfajla Ġermaniża ta’ 23 sena tilfet ħajjitha wara li kienet involuta f’inċident bil-mutur f’Raħal Ġdid. L-inċident seħħ għall-ħabta tal-10:45 pm tas-Sibt fi Vjal Santa Luċija Raħal Ġdid.

Minn informazzjoni li kiseb dan l-istazzjon jidher li ġuvni li kien qed isuq il-mutur tat-tip Yamaha tilef il-kontroll tiegħu minħabba xi żrar u ġebel li kien hemm fit-triq, bil-konsegwenza li l-ġuvni u tfajla li kienet passiġġiera miegħu waqgħu minn fuqu. F’dak il-ħin, trakk li kien qed jinstaq minn Taljan ta’ 43 laqat lit-tfajla, bil-konsegwenza li nqabdet taħtu.

Immedjatament fuq il-post issejjaħ tim mediku mill-isptar Mater Dei iżda sfortunatament it-tfajla ġiet ċċertifikata mejta fuq il-post. Hu mifhum li t-tfajla u l-ġuvni kienu ilhom għal dawn l-aħħar xhur joħorġu flimkien.

Dwar dan il-każ inħatret inkjesta maġisterjali mmexxija mill-Maġistrat tal-Għassa Aaron Bugeja bl-investigazzjonijiet qed jitmexxew mill-Pulizija tad-Distrett ta’ Raħal Ġdid .

Ritratti: Trischia Falzon

Il-Gvern ser jerġa’ jagħti €11.5 miljun ewro f’ċekkijiet lura lill-ħaddiema kollha.

Il-Gvern se jrodd mal-ħdax-il miljun u ħames mitt elf ewro f’ċekkijiet lil kull ħaddiem li jaqla’ anqas minn €60,000 fis-sena.

Dan ħabbru l-Ministru għall-Finanzi Edward Scicluna f’konferenza tal-aħbarijiet li matulha spjega kif għat-tieni sena konsekuttiva, il-Gvern se jerġa’ jibgħat ċekk lil kull min jaħdem, sew jekk full-time u sew jekk part-time.

Aqra aktar

Minkejja d-diżabilità qed jistudja biex isir kok bħal ħuh u nannuh

Skont iz-zokk il-fergħa, u dan il-qawl ma jistax japplikah aħjar Rocco Gauci, student tal-Alternative Learning Programme li minkejja d-diżabbilta fiżika xorta qed jimmira li jsegwi l-passi ta’ qrabatu.

Iltqajna mal-istudent waqt waħda mis-sessjonijiet fil-kċina ta’ din l-iskola f’Raħal Ġdid u spjegalna kif permezz tat-tisjir huwa qed ikollu l-opportunità li jesperimenta b’dak li jħobb l-aktar.

Rocco qal li “In-nannu tiegħi kien kok, ħija kok allura qiegħda fil-familja u nħobb ħafna nsajjar ukoll. Jiena nħobb ħafna l-ħelu u nħobb ħafna ħelu għax il-ħaġa hija artistika, tkun tista’ tilgħab bil-kuluri u tiddisinja.” Aqra aktar

€1.2 miljun għar-restawr ta’ tliet stazzjonijiet tal-ferrovija

L-istazzjonijiet tal-ferrovija ta’ Birkirkara, Ħ’Attard u l-Ħamrun se jkunu qed jiġu rrestawrati għall-glorja oriġinali tagħhom fi proġett b’ valur ta’ €1.2 miljun.

Il-proġetti jinkludu rinovazzjoni tal-binjiet tal-istazzjonijiet tal-ferrovija antiki tal-Ħamrun u Ħ’Attard sabiex jiġu ppreservati u jsiru attrazzjoni, kif ukoll ir-rinovazzjoni tal-istazzjon ta’ Birkirkara li se jsir mużew għal memorabilia restawrata mil-ferrovija, kif ukoll replica tal-istrutturi tal-ferroviji ta’ Malta.Aqra aktar

Send this to a friend