Kimberley Portelli – Page 7 – One News

Kimberley Portelli

Notifiki

James Arthur u Tyga fost bosta artisti internazzjonali għal Summer Daze Malta din is-sena

Għat-tieni sena konsekuttiva, il-gżejjer Maltin se jkun qed jara numru ta’ artisti ta’ fama internazzjonali idoqqu għall-festival, Summer Daze Malta.

Ħabbar dan f’konferenza tal-aħbarijiet il-Ministru għat-Turiżmu Konrad Mizzi fejn spjega kif dan il-kunċert se jkun qed jittella’ bejn il-ħdax u s-sbatax ta’ Awwissu f’diversi żoni fil-gżejjer Maltin.

Il-festival, li qed jiġi organizzat b’kollaborazzjoni ma’ Creamfields u BBC Radio 1 Dance, se jkun qed jara lid-duo The Martinez Brothers fil-ħdax ta’ Awwissu.Aqra aktar

Tenishia jippromwovi l-kultura u l-istorja ta’ pajjiżna b’daqq ta’ mużika fuq is-swar storiċi tal-Forti Sant’Anġlu

Nhar il-Ħadd 16 ta’ Ġunju, id-DJ internazzjonali Malti Tenishia, ser ikun qed itella attività innovattiva fil-qalba tal-Port il-Kbir, sewwa sew fuq is-swar storiċi tal-Forti Sant’Anġlu, fil-Birgu. Din ser tkun qed tippromwovi il-kultura u l-istorja ta’ pajjiżna, permezz tal-mużika elettronika, flimkien ma’ viżwali, li jesebixxu id-diversi karatteristiċi tal-Port il-Kbir.

Aqra aktar

Id-Dipartiment tas-Saħħa bi twissija dwar temperaturi għoljin

Hekk kif it-temperatura qed tkompli togħla, id-Direttorat għall-Promozzjoni tas-Saħħa u l-Prevenzjoni tal-Mard qed iwissi lill-pubbliku dwar l-importanza li jittieħdu l-prekwazzjonijiet biex wieħed jibqa’ b’saħħtu u jevita konsegwenzi koroh li jistgħu jiġu kkawżati bis-sħana. Id-Direttorat qal li wieħed għandu jixrob ħafna ilma matul ix-xhur sħan hekk kif it-temperaturi mistennija jkunu 36 grad celsius.

It-temperaturi għoljin jikkawżaw l-ilma tal-ġisem biex jonqos b’mod rapidu u b’hekk wieħed jaf jinxef minn ġewwa. Dan jaf iwassal ukoll għal għajja kbira u kif ukoll wieħed jaf jintilef minn sensih kawża tas-sħana. Is-sħana tista’ taffettwa lil kulħadd iżda l-aktar li huma vulnerabbli huma persuni ta’ età kbira, trabi u kif ukoll persuni li għandhom problemi fis-saħħa.

Sabiex wieħed jevita l-effetti tal-mewġa tas-sħana hu importanti li; ma joqgħodx fis-sħana b’mod partikolari bejn il-ħinijiet tal-11:00 ta’ filgħodu u l-16:00 ta’ waranofsinhar, jagħlaq il-purtieri tal-kmamar sabiex iżomm il-post b’temperatura tajba, jixrob ħafna ilma b’mod regolari, jevita li jixrob l-alkoħol, il-kafè, it-tè u xorb li għandu ħafna zokkor, jilbes ilbies ħafif, ma jħallix persuni jew annimali f’vettura msakkra fis-sħana, għandu jimxi fid-dell u japplika l-krema ta’ kontra x-xemx u wieħed għandu jfittex għajnuna medika jekk ikollu xi ħsibijiet.

Id-Direttorat wissa wkoll biex dak li jkun għandu jiċċekkja b’mod regolari lill-anzjani fil-famlja, b’mod partikolari jekk jgħixu waħidhom, hekk kif ikunu f’riskju akbar.

Aqra aktar

Send this to a friend