Kelly Peplow | One News - Part 39

Kelly Peplow

Notifiki

Mara tinstab bla ħajja fi triq ewlenija f’Londra

Mara ta’ 30 sena tħalliet bla ħajja wara li qalgħet daqqiet ta’ sikkina fin-Nofsinhar ta’ Londra. Il-Pulizija ssejħu b’urġenza fi Triq John Ruskin, fl-inħawi magħrufa bħala Camberwell fil-Kapitali Ingliża, għall-ħabta tal-04:30 tat-Tlieta filgħodu. Il-mara nstabet mejta fuq il-post b’diversi feriti fuq ġisimha, riżultat ta’ diversi daqqiet ta’ sikkina.

Dan huwa l-ewwel omiċidju fl-Ingilterra din is-sena, u persuna qed tinżamm arrestata b’rabta ma’ dan il-każ.

Rapporti fil-midja Ingliża qed jgħidu li l-qraba tal-vittma għadhom ma ġewx infurmati b’dan kollu.

L-attakk b’sikkina fuq tliet persuni f’Manchester qed jitqies bħala reat terroristiku mill-Pulizija

L-attakk b’sikkina li sar f’Manchester, l-Ingilterra tul il-lejl tat-Tnejn qed jiġi trattat bħala attakk terroristiku mill-Pulizija. Tliet persuni, inkluż uffiċjal tal-Pulizija, sfaw midruba fl-istazzjon tal-ferrovija magħuf bħala Victoria waqt ċelebrazzjonijiet ta’ lejet l-Ewwel tas-Sena fil-belt Ingiliża.Aqra aktar

L-ewro tagħlaq 20 sena

L-ewro. Il-munita uffiċjali ta’ 19 minn 28 Stat Membru tal-Unjoni Ewropea, magħrufa bħala ż-żona ewro. L-ewro hija t-tieni l-akbar munita fid-dinja llum il-ġurnata, wara d-dollaru Amerikan. Munita li fl-1 ta’ Jannar tagħlaq 20 sena mit-tnedija tagħha.

Huwa stmat li 343 miljun ċittadin Ewropew uża l-ewro kuljum tul l-2018.Aqra aktar

Filmat: Is-sena 2019 se tkun aħjar minn ta’ qabilha- JM

Is-sena l-ġdida se tkun aħjar mis-sena li ġiet fi tmiemha. Aħjar għall- familji. Aħjar għan-negozji. Aħjar għal pajjiżna. Kien b’dan is-sentiment li l-Prim Ministru Joseph Muscat sellem is-sena 2018 u ta merħba lis-sena 2019. Sena li Malta se tilqa’ b’ekonomija miexja b’saħħitha u b’suq tax-xogħol kompetittiv għall-aħħar. Dan, qal il-Prim Ministru, huwa l-ispirtu li għamel lil Malta l-aqwa fl-Ewropa, u li jista’ jagħmilha l-għira tad-dinja.

Fakkar kif anke tul din is-sena, il-Gvern ħoloq aktar xogħol u kompla jnaqqas il-faqar, iżda sostna li fadal nies li għandhom bżonn aktar għajnuna biex ilaħħqu mal-ħajja.Aqra aktar

Id-Dwana taqbad passiġġier b’aktar minn €16,600 flus mhux iddikjarati mill-Ajruport

L-Uffiċjali tad-Dwana mill-Iskwadra tal-Infurzar u ta’ konra l-Ħasil tal-Flus qabdu passiġġier li kien qed jgħaddi mill-Ajruport Internazzjonali ta’ Malta b’ammont ta’ flus kontanti mhux iddikjarati.

Ir-raġel, li huwa Taljan-Amerikan, kien għadu kif daħal Malta fuq titjira mill-Istati Uniti meta grazzi għall-iscanner il-ġdida tad-Dwana Maltija nqabad b’€16,000 u $114 ippakkjati f’diversi pakketti.

Il-passiġġier ingħatawlu €10,000 lura, bil-bqija tal-flus mistennija jkunu ppreżentati fil-Qorti. Il-passiġġier qed jinżamm arrestat mill-Pulizija mill-Iskwadra tar-Reati Ekonomiċi u mistenni jitressaq il-Qorti fil-jiem li ġejjin.

Tweġġax lilek innifsek jew lil dawk li jħobbuk; tixrobx u ssuq illejla

Illejla b’mod partikolari, bosta jaraw fejn se jmorru jiċċelebraw it-tmiem ta’ sena oħra u l-bidu ta’ kapitlu ġdid tal-ħajja. Illejla bosta jisimgħu il-frażi “suq bilmod” jew “tixrobx u ssuq” qabel ma nitilqu ‘l barra mid-dar biex ingawdu dan il-lejl emozzjonali mal-għeżież tagħna.

Veru, malli nisimgħu dawn il-frażijiet, jew neqilbu għajnejna, jew ma nagħtuhomx widen. Kull sewwieq għandu d-dmir ikun jaf li l-limitu legali għal-livell ta’ alkoħol massimu fid-demm waqt is-sewqan f’Malta huwa ta’ 0.08g. Iżda bosta sewwieqa jaħsbu li jekk ma tixrobx aktar minn dan il-limitu, allura ma jkunux f’periklu.Aqra aktar

Il-PL jsellem il-memorja ta’ Herbet Messina Ferrante

Il-Partit Laburista sellem il-memorja ta’ Herbert Messina Ferrante. Id-dentist Messina Ferrante ta kontribut f’għadd ta’ oqsma għal deċenji sħaħ u kien xhieda ta’ kif ċittadin ghandu jkun attiv b’risq il-komunità li jgħix fiha.

L-eks Kunsillier Nazzjonalista miet kmieni t-Tnejn filgħodu fl-età ta’ 80 sena. Aqra aktar

Illejla l-messaġġ tas-sena l-ġdida mill-Prim Ministru

Ilejla l-Prim Ministru Joseph Muscat se jwassal il-messaġġ tradizzjonali li jimmarka t-tmiem tas-sena u l-bidu ta’ sena ġdida. Il-messaġġ tal-Prim Ministru Muscat illejla se jkun qed jixandar fuq l-istazzjon Nazzjonali,TVM, fid-20.50, u se jkun qed jimmarka l-bidu tas-sena 2019.

Il-Prim Ministru Joseph Muscat mistenni jwassal messaġġ b’saħħtu, viżjonarju li jħares lejn l-10 snin li ġejjin u t-triq li jrid ikompli miexi fuqha pajjiżna biex jibqa’ javvanża ‘l quddiem, kif ukoll messaġġ b’saħħtu ta’ għaqda li ġej mingħand Gvern magħqud u li qed jagħmel id-differenza fil-ħajja tan-nies.

Il-messaġġ tal-Prim Ministru se jerġa’ jixxandar għada fuq TVM f’11:45.

L-istazzjonijiet ONE wkoll se jkunu qed jxandru l-messaġġ tal-Prim Ministru, kemm fuq ONE, illejla fid-21:00, u għada fid-8.45, fin-12.35 u fis-19.00, u kif ukoll ONE Radio għada fit-8.15, il-11.30, it-15.15 u d-20.45.

Il-messaġġ se jkun ukoll disponibbli fuq il-mezzi soċjali.

Send this to a friend