Kelly Peplow | One News - Part 38

Kelly Peplow

Notifiki

“Mhux bi ħsiebni nsib komrpomess għax-xewqa li nibni ħajt mal-fruntieri Messikani”- Donald Trump

Il-President Amerikan Donald Trump irrifjuta li jsib kompromess għax-xewqa tiegħu li jibni ħajt fuq il-fruntieri Messikani. Huwa qal li m’għandu ebda ħsieb li jnaqqas il-fondi li huwa kien qed jitlob, u rrepeta t-theddida li jiddikjara emerġenza Nazzjonali jekk il-fond ta’ aktar minn ħames biljun Dollaru Amerikan ma jkunx allokat.

Intant, b’rabta ma’ dan, iċ-Chief of Staff il-ġdid tiegħu Mick Mulvaney qal li x-shutdown tal-Gvern mistenni jieħu aktar fit-tul. Dan minkejja li d-Demokratiċi Amerikani qed jirrifjutaw li jappoġġjaw l-allokazzjoni ta’ dawn il-flus għal kawża daqshekk “immorali”.

Il-Gvern se jagħti protezzjoni u serħan tal-moħħ dwar il-muniti virtwali bħall-bitcoin

Ikun aħjar li l-Kap tal-Oppożizzjoni Adrian Delia ma jattakkax il-qasam tal-Blockchain, li Malta bi kburija kienet l-ewwel pajjiż fid-dinja li lleġislat favurih biex jinħoloq aktar xogħol, u jkun inċentivat aktar tkabbir ekonomiku.

Dan qalu s-Segretarjat Parlamentari għas-Servizzi Finanzjarji, Ekonomija Diġitali, u Innovazzjoni b’reazzjoni għal dak allegat minn Adrian Delia f’intervent fuq ir-radju l-Ħadd filgħodu.

Is-Segretarjat Parlamentari qal dan b’referenza għal allegazzjoni ta’ Adrian Delia l-Ħadd filgħpodu dwar il-bitcoin. Fi stqarrija kien iċċarat ukoll li s-Segretarjat qed jieħu l-passi kollha meħtieġa f’dan il-qasam, fosthom anke permezz tal-Pulizija. Intqal ukoll, kif kontra tal-ħafna insinwazzjonijiet li prova jgħid il-Kap tal-Oppożizzjoni, dan il-Gvern se jkun qed jagħti aktar protezzjoni u serħan tal-moħħ anke għall-muniti virtwali bħal ma hi l-bitcoin. Apparti dan, ftit tal-ġimgħat ilu ġiet imnedija kampanja mis-Cyber Security Steering Committee sabiex il-pubbliku jkun infurmat b’attivitajiet frudulenti.Aqra aktar

Żewġ suldati Ingliżi jindarbu serjament f’attakk mill-ISIS

Żewġ suldati Ingliżi ndarbu serjament waqt attakk mill-hekk imsejjaħ Stat Iżlamiku fis-Sirja.

Skont rapporti fil-midja Ingliża, il-Forzi Speċjali Ingliżi ilhom dan l-aħħar żmien b’operazzjoni fis-Sirja, iżda l-Ministeru għad-Difiża Ingliż ma kkonfermax dan.

Jidher li ż-żewġ suldati weġġgħu f’attakk mill-ajru viċin ir-raħal ta’ Deir al-Zour, u kienu evakwati mill-inħawi mil-Forzi Amerikani kmieni s-Sibt filgħodu.

Il-Gvern iwieġeb għall-kummenti tad-DPM Taljan dwar il-bastiment SeaWatch 3

Il-bastiment SeaWatch 3 wettaq l-operazzjoni ta’ salvataġġ ta’ immigranti ‘l barra mir-reġjun ta’ tfittxija u salvataġġ ta’ Malta. Dan ikkonfermah il-Gvern Malti fi stqarrija tard il-Ġimgħa filgħaxija, fi tweġiba għal diversi kummenti pubbliċi li għamel id-Deputat Prim Ministru Taljan, Luigi Di Maio.

Il-Gvern żied jgħid li l-operazzjoni ta’ salvataġġ saret aktar viċin tal-Italja minn Malta, u filwaqt li l-NGO talbet lill-Italja tipprovdi port sigur għall-iżblokk tal-immigranti, l-Italja irrifjutat li tagħmel dan, u l-bastiment ma kellux għażla oħra għajr li jsalpa u jikseb refuġju fl-ibħra territorjali Maltin.Aqra aktar

Immultat €4,000 wara li ammetta li daħal Malta b’€10,600 mhux iddikkjarati

Barrani kien immultat aktar minn €4,000 u kellu madwar €6,500 kkonfiskati wara li ma ddikjarax aktar minn €10,000 flus kontanti hu u dieħel Malta.

L-akkużat, Enzo Giovanni Romano, twaqqaf fl-Ajruport Internazzjonali ta’ Malta lejlet l-Ewwel tas-Sena wara li uffiċjali tad-Dwana skoprew bil-flus li kellu fuqu. Huwa kien akkużat li kiser il-liġi dwar i-Regolarizzazzjoni tal-Kontroll tal-Flus u Transazzjonijiet Esterni.Aqra aktar

ARA: Arkeologi Spanjoli jsibu xabla medjevali li x’aktarx intużat fil-gwerra ċivili ta’ Kastilja

Arkeologi fi Spanja għamlu sejba rari ta’ xabla medjevali li nħadmet madwar 700 sena ilu. Is-sejba saret waqt xogħlijiet arkeoloġiċi fuq kastell medjevali fl-inħawi fejn xi darba kien hemm il-belt muniċipali ta’ Castellon.

Ix-xabla hija twila madwar 94ċm u 13-il ċm wiesa’, u nstabet qalb sit stroiku ta’ kastell tas-seklu 13, fi żmien ir-Re Jacques ta’ Aragona.

Studju bikri li sar fuq is-sejba jindika li x-xabla saret apposta biex tintuża f’waħda mill-battalji tal-gwerra magħrufa bħala dik taż-żewġ ġebel, jiġifieri żmien l-ewwel gwerra ċivili ta’ Kastilja.

“Bl-ebda mod m’aħna se nappoġġjaw l-abbozz Brexit”- id-DUP

Bl-ebda mod m’aħna se nappoġġjaw l-abbozz Brexit tal-Prim Ministru Theresa May. Hekk qal il-Partit Unjonist Demokratiku tal-Irlanda, id-DUP, li żied jgħid ukoll li jinsabu inkwetati ferm dwar x’jista jfisser dan il-ftehim għall-Irlanda.

Dan minkejja li fl-aħħar jiem, id-DUP kellu diversi laqgħat mal-Prim Ministru May biex din tal-aħħar tipprova tikkonvinċihom jappoġġjaw il-ftehim tagħha.

Intant, May għadha qed tipprova tikseb assigurazzjoni legali mill-Unjoni Ewropea, iżda qalet li n-negozjati mhux se jerġgħu jinfetħu.

Ir-Renju Unit mistenni jitlaq uffiċjalment mill-Unjoni Ewropea fid-29 ta’ Marzu.

Il-ġenituri m’għandhomx jinkwetaw jekk uliedhom jagħmlu ħin twil fuq il-kompjuter

Hemm ftit li xejn provi li jekk it-tfal iqattgħu ħin twil quddiem il-kompjuter ikunu qed jagħmlu l-ħsara. Riċerka li saret minn kulleġġ fl-Ingilterra li jispeċċjalizza fis-saħħa u s-sigurtà tat-tfal fil-fatt qalet li l-ġenituri m’għandhomx jinkwetaw jekk uliedhom qed jagħmlu ħin twil onlajn.

Anzi, esperti jgħidu li dan għandu l-vantaġġi tiegħu, dejjem jekk il-ħin onlajn jintuża b’mod għaqli. Fil-fatt, it-tobba tat-tfal issa qed jgħidu li aktar milli l-ġenituri jillimtaw il-ħin li wliedhom jagħmlu fuq il-kompjuter, għandhom jassiguraw li dan il-ħin ma jkunx eżatt qabel it-tfal imorru jorqdu.

Madanakollu, il-ħin li t-tfal iqattgħu fuq mezzi teknoloġiċi m’għandux jieħu post ħin li jagħmlu jaqraw, jistudjaw, jew ħin mal-familja.

Send this to a friend