Kelly Peplow | One News - Part 37

Kelly Peplow

Notifiki

Id-Dwana taqbad kważi 8 miljun sigarett fil-Freeport

Wara ħidma konġunta bejn diversi Taqsimiet tad-Dwana, ġie interċettat kontejner bi kważi 8 miljun sigarett tal-kuntrabandu fil-Port Ħieles. Irriżulta li s-sigaretti huma kollha kontrafatti, wara li rappreżentanti legali f’Malta ta’ kumpanija li hija proprjetarja ta’ diversi marki reġistrati, ikkonfermaw l-illegalità ta’ din il-konsenja.Aqra aktar

“Il-vot dwar Brexit ma jistax jistenna”- Corbyn iħeġġeġ lil Theresa May ittemm il-vaganzi tal-Parlament Ingliż

Il-Mexxej tal-Partit Laburista Ingliż, Jeremy Corbyn, qed iħeġġeġ lill-Prim Ministru Ingliż Theresa May biex ittemm il-vaganzi tal-Milied tal-Parlament, sabiex il-Membri Parlamentari jkunu jistgħu jieħdu vot dwar Brexit.

Il-Membri Parlamentari Ingliżi mistennija lura fil-House of Commons fis-7 ta’ Jannar li ġej, u l-Prim Ministru May qalet li l-vot dwar il-ftehim tal-ħruġ tar-Renju Unit mill-Unjoni Ewropea se jittieħed il-ġimgħa ta’ wara. Corbyn kien pront joġġezzjona għal dan, u qal li l-vot għandu jittieħed mill-aktar fis possibbli.

Intant, sors minn Downing Street qal mal-midja Ingliża li l-kumment ta’ Jeremy Corbyn qed jitqies bħala wieħed “redikolu”.

Il-Pulizija ssib numru ta’ patrijiet marbuta u midruba wara attakk fuq knisja fi Vjenna

Minn tal-anqas 15-il persuna ndarbu wara li grupp ta’ persuni daħlu f’monasteru fi Vjenna, l-Awstrija, u serqu xi oġġetti prezzjużi.

L-atakk seħħ fuq il-Knisja ta’ Marija Immakulata fi Vjenna għall-ħabta tas-13:30 l-Ħamis. Jidher li dan dam għaddej sigħat sħaħ qabel mal-Pulizija ntervjenu fil-każ u sabu lil numru ta’ patrijiet marbuta ma’ siġġijiet u midruba.

Dawn ittieħdu l-isptar għall-kura, filwaqt li l-Pulizija għadha għaddejja bl-investigazzjonijiet b’rabta ma’ dan il-każ. Għadu mhux magħruf jekk hemmx xi persuni arrestati.

Mixli li stupra lill-eks martu lejlet il-Milied

Libjan li tressaq il-Qorti b’akkuża li stupra lill-eks martu, li tiġi wkoll omm uliedu, ma ngħatax il-ħelsien mill-arrest u kellu mposti fuqu ordnijiet stretti mill-Qorti. Il-każ allegatament seħħ f’appartament f’Tas-Sliema lejlet il-Milied.

Fil-Qorti xehed l-Ispettur John Spiteri, li qal li meta l-Pulizija tkellmet mal-akkużat fuq ir-rapport tal-mara, mar wara l-bieb ta’ darha u beda’ jipprova jċemplilha. Fil-Qorti ntqal ukoll li l-akkużat prova jkellem lil xi persuni li mistennija jixhdu fil-każ, u kien qed jippjana biex jitlaq minn Malta.Aqra aktar

Jagħlqu r-ristorant b’rispett ta’ Nolan Farrugia

L-istabbiliment tal-ikel fejn kien jaħdem Nolan Farrugia, il-ġuvni ta’ 21 sena li tilef ħajtu traġikament f’inċident bil-mutur il-Ħamis filgħodu, għalaq għal jum b’rispett lejn il-vittma u l-qraba tiegħu.

F’messaġġ fuq il-paġna soċjali tagħhom, ir-risortant qal li ħsibijietu huma mal-qraba tal-vittma f’dan iż-żmien diffiċli.

Flimkien mat-tmexxija tar-risortant, xi ħbieb ta’ Farrugia wkoll esprimew dieqa għal din it-traġedja.

Tfajla ta’ dixxendenza Maltija tmut qabel btala tal-Milied mal-maħbub tagħha fl-Awstralja

Casey Mallia ta’ 19-il sena ta’ dixxendenza Maltija u li kienet tgħix f’Sydney, l-Awstralja, tilfet ħajjitha traġikament f’inċident tat-traffiku fl-Awstralja, propju meta kienet fi triqitha lejn btala tal-Milied mal-maħbub tagħha, ukoll ta’ dixxendenza Maltija.

Rapporti fil-midja awstraljana qalu li t-tfajla nqalbet bil-karozza tal-għamla Toyota Hilux fi Sturt Highway f’News South Wales, sigħat biss wara li hi u l-għarus tagħha bdew dak li kien l-aħħar vjaġġ ta’ ħajjitha f’din id-dinja.

Il-karozza kienet qed tinstab minn Matthew Agius, il-maħbub tal-vittma li għadu qed jissielet għal ħajtu fi sptar ewlieni f’Canberra. Huma telqu bil-vjaġġ tagħhom is-Sibt filgħodu minn Sydney biex jibdew btala fuq dgħajsa fl-Awstralja.

L-inċident traġiku seħħ għall-ħabta tas-06:15am ħin tal-post, bil-pulizija u paramediċi wettqu operazzjoni delikata ferm minħabba li Mallia u Agius kienu maqbuda fil-karozza, u kellhom jittieħdu l-isptar b’ħelikopter.

Casey Mallia tilfet il-battalja mal-mewt il-Ħadd filgħaxija fit-taqsima tal-kura intensiva, filwaqt li Matthew Agius għadu f’qagħda kritika.

Qraba ta’ Mallia li tkellmu mal-midja Awstraljana qalu li t-tfajla kellha qalbha tad-deheb, u kienet dejjem bi tbissima fuq wiċċha grazzi għal Matthew, l-imħabba ta’ ħajjitha.

Spjegaw ukoll kif il-ħolma tat-tfajla kienet li xi darba jkollha xogħol mat-tfal, u kif id-dawl t’għajnejha kienet Bella, in-neputija tagħha ta’ sentejn, li issa, skont oħt il-vittma, se tħoss nuqqas kbir meta tiġi biex tfittex liz-zija tagħha biex tilgħab magħha.

Qrabatha f’Malta sellmulha b’diversi messaġġi fuq il-midja soċjali, fejn fost oħrajn iddeskrivawha bħala “anġlu fil-ġenna”.

“M’hawnx poplu bħalna!”- Jinġabru aktar €7 miljun fl-Istrina 2018

L-akbar maratona ta’ ġbir ta’ fondi f’Malta, l-Istrina, irnexxielha tiġbor €7,135,035 f’donazzjonijiet mill-ġenerożità tal-poplu Malti u Għawdxi.

Il-maratona, li saret propju l-għada tal-Milied, hija l-aktar waħda mistennija f’pajjiżna, u din is-sena kienet l-aħħar edizzjoni li saret taħt il-patroċinju tal-President Marie Louise Coleiro Preca. Bi kburija, il-President Coleiro Preca saħħqet li m’hawnx poplu bħal dak Malti u Għawdxi, li ta’ kull sena jiżboq kull rekord f’din l-istess maratona.

Il-fondi kollha li nġabru se jmorru għall-Fondazzjoni tal-Malta Community Chest Fund.

L-appelli minn diversi personalitajiet u persuni fil-bżonn ma naqsux tul it-12-il siegħa li damet għaddejja l-maratona, fejn l-udjenza gawdiet minn spettaklu minn diversi personalitajiet Maltin, fosthom anke l-Membri Parlamentari miż-żewġ naħat tal-kamra.

F’messaġġ fil-ftuħ, il-Prim Ministru Joseph Muscat tenna l-importanza ta’ kull persuna fil-Gżejjer Maltin biex l-Istrina tal- 2018.

Aktar minn 550 persuna jattendu l-ikla tal-Milied tal-Caritas

Ftit iktar minn 550 persuna attendew għall-ikla li Caritas Malta għamlet f’Jum il-Milied fil-binja tal-Kurja tal-Arċisqof. Din kienet ir-raba’ sena konsekuttiva li Caritas Malta ħadet ħsieb torganizza din l-ikla għal dawk li jinsabu weħidhom jew li m’ghandhomx biżżejjed mezzi jew bla saqaf fuq rashom. Din is-sena l-ikla taħbat fil-ħamsin sena anniversarju ta’ Caritas Malta.Aqra aktar

Jinġabru kważi €700,000 fl-ewwel siegħa tal-Istrina

Fl-ewwel siegħa tal-akbar maratona ta’ ġbir ta’ fondi f’pajjiżna, l-Istrina, inġabru madwar €700,000. L-Istrina ngħatat bidu għall-ħabta ta’ nofsinhar bil-għan li jinġabru fondi għall-Malta Community Chest Fund Foundation.

Aktar tard mistennija jkun hemm spettaklu mill-isbaħ minn diversi personalitajiet Maltin, fosthom wirja ħelwa mill-Membri Parlamentari miż-żewġ naħat tal-kamra.

Send this to a friend