Kelly Peplow – Page 36 – One News

Kelly Peplow

Notifiki

Imut l-eks President tal-Peru

L-eks President tal-Peru Alan Garcia neħħa ħajtu b’idejh hekk kif il-Pulizija ħarġet mandat għall-arrest tiegħu fuq akkużi ta’ tixħim. Mewtu kienet ikkonfermata mill-President attwali tal-pajjiż, Martin Vizcarra.

Hu mifhum li Garcia kien se jkun akkużat li xxaħħam minn kumpanija Brażiljana tal-kostruzzjoni, iżda dejjem ċaħad dawn l-allegazzjonijiet.

Huwa serva bħala President tal-Peru bejn l-elfejn u sitta u l-elfejn u ħdax.

29 imutu wara li nqalbet xarabank fil-Portugall

Minn tal-anqas 29 persuna tilfu ħajjithom wara li xufier ta’ xarabank tilef il-kontroll tal-vettura u nqaleb biha f’Madeira, il-Portugall.

It-turisti fuq ix-xarabank kienu kollha Ġermaniżi. Sebgħa u għoxrin persuna oħra qed jingħataw il-kura għall-ġrieħi li ġarrbu kawża tal-inċident.

Jidher li s-sewwieq tilef il-kontroll fi triq ewlenija fil-Gżira Portugiża, inqaleb bix-xarabank, u din tkaxkret mat-triq sakemm laqtet bejt ta’ dar privata.

Abbord ix-xarabank dak il-ħin kien hemm mal-55 persuna, inkluż is-sewwieq u gwida tat-turisti.

Ritratt: The Guardian

Disney toffri €5 miljun għall-bini mill-ġdid ta’ Notre Dame

Il-kumpanija Disney se tagħti ħames miljun ewro f’donazzjoni biex il-katidral Notre Dame jinbena mill-ġdid wara li nħakem min-nirien fl-aħħar jiem.

Kawża ta’ dan, parti sostanzjali tal-katidral storiku, li nbena fil-Kapitali Franċiża aktar minn tmien mitt sena ilu, inqerdet għalkollox, fosthom l-istruttura fil-quċċata tal-binja.

Fi stqarrija, il-kumpanija qalet li Notre Dame huwa simbolu mondjali ta’ tama, u ddefinixxa l-qalba ta’ Pariġi u r-ruħ ta’ Franza għal sekli sħaħ. Hawnhekk, l-akbar kumpanija tal-films fid-dinja kkommettiet ruħha li fil-jiem li ġejjin tgħaddi ħames miljun ewro lill-Gvern Franċiż, li saħansitra qabel ma ntfew in-nirien infernali mill-pumpiera fetaħ fond għar-rinovar mill-ġdid tal-katidral.

Il-kumpanija Disney għandha rabta sentimentali mal-katidral, hekk kif kien is-suġġett ewlieni fil-film The Hunchback of Notre Dame fid-disgħinijiet.

Imutu numru kbir ta’ turisti wara li nqalbet xarabank fil-Portugal

Minn tal-anqas 29 persuna tilfu ħajjithom wara li xufier ta’ xarabank tilef il-kontroll tal-vettura u nqaleb biha f’Madeira, il-Portugall.

It-turisti fuq ix-xarabank kienu kollha Ġermaniżi. Sebgħa u għoxrin persuna oħra qed jingħataw il-kura għall-ġrieħi li ġarrbu kawża tal-inċident.

Jidher li s-sewwieq tilef il-kontroll fi triq ewlenija fil-Gżira Portugiża, inqaleb bix-xarabank, u din tkaxkret mat-triq sakemm laqtet bejt ta’ dar privata.

Abbord ix-xarabank dak il-ħin kien hemm mal-55 persuna, inkluż is-sewwieq u gwida tat-turisti.

 

ARA: Għaxar snin biex Notre Dame jerġa’ jinbena mill-ġdid

Wara disa’ sigħat ta’ ġlieda kontinwa, il-pumpiera Franċiżi temmew l-operazzjoni tat-tifi tan-nar li ħakem il-katidral Notre Dame. Hu mifhum li n-nirien ħadu fil-ħin tal-għeluq tal-Katidral, waqt li l-aħħar ftit turisti kienu qed joħorġu minnu. Għalkemm il-kawża tan-nirien għadha mhux magħrufa, l-awtoritajiet Franċiżi qed jeskludu li dan seta’ kien xi attentat terroristiku fuq is-sit ta’ Wirt Dinji tal-UNESCO.
Aqra aktar

Persuna fil-periklu tal-mewt wara li spiċċat f’diffikultà fil-baħar

Persuna li għadha ma ġietx identifikata mill-Pulizija tinsab fil-periklu tal-mewt wara li ttellet mill-baħar viċin Exiles f’Tas-Sliema. Il-persuna ntlemħet f’wiċċ il-baħar fit-2:45pm tal-Ħadd, u l-Pulizija u tim mediku mill-Isptar Mater Dei marru mal-ewwel fuq il-post biex jagħtu l-ewwel għajnuna lill-vittma.

Aktar tard kien ikkonfermat li l-persuna tinsab fil-periklu li titlef ħajjitha. Aqra aktar

Diskors minn kap ta’ partit li spiċċa “borġ ġebel”- il-PL

Il-Partit Laburista ddeskira d-diskors ta’ Adrian Delia dalgħodu bħala riflessjoni ta’ Kap ta’ partit li jinsab mifrud u li jrid jipprova jgħaqqdu billi jkun negattiv u jikkritika kull ma jiġri f’pajjiżna. Fl-istess stqarrija, il-Partit Laburista qal li kif wara kollox qallu wieħed mid-deputati tiegħu, b’din l-attitudni, il-Partit Nazzjonalista “borġ ġebel” kien u “borg ġebel” għadu.

Minflok, u b’kuntrast, il-pajjiż qed jibqa’ jissaħħaħ. U minkejja l-oppożizzjoni distruttiva l-Maltin u l-Għawdxin, flimkien mal-gvern, se jibqgħu jiksbu r-riżultati biex Malta ta’ Għada tkun Suċċess.

Laura Paffenholz hija t-tfajla li mietet il-lejl li għadda wara inċident bil-mutur f’Raħal Ġdid

Laura Katarina Paffenholz, tfajla Ġermaniża ta’ 23 sena, tilfet ħajjitha traġikament wara li kienet involuta f’inċident bil-mutur f’Raħal Ġdid. L-inċident seħħ għall-ħabta tal-10:45pm tas-Sibt fi Vjal Santa Luċija Raħal Ġdid.

Minn informazzjoni li kiseb dan l-istazzjon jidher li s-sieħeb tal-vittma, ġuvni Malti li kien qed isuq il-mutur fid-direzzjoni lejn Ħal Tarxien, tilef il-kontroll f’nofs ta’ triq minħabba xi żrar u ġebel. Dan bil-konsegwenza li l-ġuvni u tfajla li kienet riekba miegħu waqgħu minn fuq il-mutur. F’dak il-ħin, trakk li kien qed jinstaq minn Sqalli ta’ 43 sena ma setax jevitaha u għadda minn fuq it-tfajla, bil-konsegwenza li nqabdet taħtu.Aqra aktar

€3 miljuni għal-laboratorju li se jistudja mediċini tal-kanċer

Il-kumpanija tal-Farmaċewtika Aurobindo se tinvesti tliet miljun ewro biex tibda tagħmel testijiet fuq mediċini minn pajjiżi oħra qabel ma’ dawn joħorġu għall-pazjenti fis-suq Ewropew.

Dan il-proċess jissejjaħ ‘batch releasing’ u huwa t-tielet investiment maġġuri ta’ Aurobindo f’Malta. Dan il-proċess diġà jseħħ f’pajjiżna, iżda Aurobindo se tkun l-ewwel kumpanija li se tiffoka dan l-investiment fuq mediċini ġeneriċi tal-Onkoloġija, jiġifieri tal-kura tal-kanċer.

F’konferenza tal-aħbarijiet, il-Prim Ministru Joseph Muscat qal li Aurobindo hija waħda mill-aqwa eżempji tar-relazzjoni eċċellenti bejn il-Gvern u l-industrija. Dan filwaqt li nnota li l-ħaddiema tal-kumpanija, li grazzi għal dan l-investiment issa se jiżdiedu b’għoxrin oħra, qed isibu ambjent dinamiku fejn jaħdmu.

Aqra aktar

Il-kumpanija Aurobindo b’investiment ta’ €3 miljun biex tmexxi testijiet ta’ mediċini ġeneriċi tal-Onkoloġija

Il-Prim Ministru Joseph Muscat ħabbar li l-kumpanija li timmanifattura mediċini ġeneriċi, l-Aurobindo, se tinvesti tliet miljun ewro biex tibda’ tmexxi testijiet fuq mediċini minn pajjiżi oħra qabel ma’ dawn jiġu rilaxxati fis-suq Ewropew. Dan il-proċess jissejjaħ ‘batch releasing’ u huwa t-tieliet proġett ta’ Aurobindo f’Malta. Dan se jwassal ukoll għal 20 impjieg ġdid f’ambjent tal-ogħla kwalità.

Fost dawn it-testijiet hemm dawk li jiddeterminaw kif tirreaġixxi pillola partikolari fi klima differenti. Il-pilloli li se jiġu ttestjati f’Malta kollha għandhom x’jaqsmu mal-Onkoloġija u l-kura tal-kanċer, li s’issa qatt ma kellhom dan il proċess.

Il-kumpanija Aurobindo qed tfakkar l-għaxar snin tagħha f’Malta, fejn minn kumpanija żgħira li tħaddem biss tliet persuni, pajjiżna ttrasformaha f’waħda mill-aqwa kumpaniji fid-dinja li llum timpjega mal-150 ruħ. Hija meqjusa wkoll fost l-akbar laboratorji fl-Ewropa li tipproduċi mal-10,000 lott fis-sena.

Send this to a friend