Kelly Peplow | One News - Part 36

Kelly Peplow

Notifiki

Ifeġġ sottomarin tal-Ewwel Gwerra f’wiċċ il-baħar ‘il barra minn Calais

Fdalijiet ta’ sottomarin Ġermaniż li kien jintuża fl-Ewwel Gwerra Dinjija telgħu f’wiċċ il-baħar ftit ‘il barra mill-kosta Franċiża, viċin Calais.

Jidher li s-sottomarin huwa tat-tip UC-61 li kien għereq f’dawn l-inħawi b’attakk mill-ajru f’Lulju tal-1917. Dan malajr qed isir attrazzjoni turistika popolari minkejja li s-sindku tal-post qed iwissi li s-sit kapaċi jkun perikoluż.

“Il-viżibilità tas-sit jiddependi ħafna mill-baħar u mill-elementi naturali, allura hemm ċans kbir li jekk jagħmel xi ftit tal-maltemp, is-sit jerġa’ jinżel aktar fil-fond tal-baħar”, qal is-Sindku ta’ Calais, Wissant Bernard Bracq.

“Jista’ jkun li t-tfajla qalet li kienet stuprata minn kuġinuha għax kienet tgħir”

Hekk kif kompla l-ewwel ġuri għal din is-sena, fil-Qorti ntqal kif jista’ jkun li l-għira kienet ir-raġuni għalfejn it-tfajla li llum għandha 16-il sena, qalet li kienet stuprata minn kuġinuha għal għaxar snin sħaħ. Fost argumenti oħra li qajjem l-avukat difensur, kien hemm dak li t-tfajla kellha ossessjoni fuq kuġinuha, u għalhekk, għamlet li għamlet.

Min-naħa l-oħra, il-prosekuzzjoni qed issaħħaħ l-argumenti tagħha fuq il-konsistenza tat-tfajla, u l-fatt li ammettiet li kienet hi li f’okkażjoni minnhom għamlet avvanzi sesswali fuq kuġinuha. Dan tal-aħħar qiegħed kontinwament jiċħad l-akkużi ta’ stupru.Aqra aktar

Malta pajjiż stabbli qed ilesti għall-futur

Id-Deputat Mexxej għall-Affarijiet tal-Partit Laburista, Chris Cardona, qal lill-Korp Diplomatiku li Malta toffri stabbiltà politika, filwaqt li l-Gvern qed jinvesti biex iħejji lil-pajjiż għal futur. Huwa qal li Malta għandha rata ta’ tkabbir ekonomiku li tiżboq dik ta’ ħafna pajjiżi Ewropej, u l-inqas rata ta’ qgħad.Aqra aktar

Se tkun tista’ tikkampja Kemmuna mis-sajf li ġej

Il-Ministeru għall-Ambjent se jibda xogħlijiet f’Kemmuna fiż-żona magħrufa Tal-Ful, biex sas-sajf li ġej din tkun tista’ tintuża għall-ikkampjar. Dan qed isir bħala parti mill-implimentazzjoni tal-pjan dwar Kemmuna u l-gżejjer tal-madwar, skont kif ippjanat mill-Awtorità dwar l-Ambjent u r-Riżorsi, l-ERA.

F’dan is-sit, li se jiġi operat u mmaniġġjat minn Ambjent Malta, fil-ġimgħat li ġejjin se jibdew ix-xogħlijiet meħtieġa biex issir ir-riabilitazzjoni meħtieġa li se tinkludi fost l-oħrajn tindif u livellar tal-art, installazzjoni ta’ kontenituri għar-rimi tal-iskart, kif ukoll se jitħawlu siġar indiġeni biex is-sit ikun jista’ jaqdi l-funzjonijiet meħtieġa bl-inqas impatt ambjentali possibbli. Hu stmat li x-xogħlijiet f’dan is-sit għandhom jitlestew sa Mejju ta’ din is-sena. F’dan il-post biss l-ikkampjar se jkun permessibbli fuq Kemmuna.Aqra aktar

Sentenza tal-Qorti l-konferma li Jason Azzopardi għandu jerfa’ r-responsabbiltà politika

F’sentenza tal-Qorti dalgħodu, f’kawża ta’ libell li d-deputat nazzjonalista Jason Azzopardi għamel kontra l-Ministru Owen Bonnici, kien hemm konferma ta’ dak li ilu jgħid il-Partit Laburista. Huwa Jason Azzopardi l-politiku li kellu jerfa’ r-responsabbiltà għall-iskandlu tal-art tal- Löwenbräu li fost oħrajn ġab il-kundanna tal-Awditur Ġenerali.

Fi stqarrija, il-Partit Laburista fakkar kif Jason Azzopardi kien mar il-Qorti wara konferenzi tal-aħbarijiet fuq is-suġġett mill-Partit Laburista. Iżda, mix-xhieda li semgħet u d-dokumenti li rat il-Qorti kkonkludiet li kellu raġun il-Partit Laburista li jsejjaħ lil Jason Azzopardi biex iwieġeb għad-deċiżjonijiet skandalużu f’dan il-każ.Aqra aktar

Il-Gvern Ingliż lest jagħti aktar appoġġ lill-ħaddiema biex dawn ikunu favur l-abbozz Brexit

Il-Gvern Ingliż qed jikkunsidra li jagħti aktar protezzjoni lill-ħaddiema u lill-ambjent biex jirbaħ l-appoġġ ta’ dawn iż-żewġ oqsma fil-proċess Brexit. Dan kien propost mill-Membru Parlamentari Laburista John Mann, li huwa magħruf li jappoġġja għall-aħħar il-ħruġ tar-Renju Unit mill-Unjoni Ewropea.Aqra aktar

ARA: Tibda t-tieni fażi tal-proġett tat-triq Taċ-Ċawsli

Tlestiet l-ewwel fażi tal-proġett tat-Triq taċ-Ċawsli bejn Ħaż-Żabbar u ż-Żejtun u bdiet it-tieni fażi li tinkludi l-bini ta’ korsija ġdida għar-roti u passaġġ għall-mixi maġenb il-karreġġjata ġdida għall-karozzi li tlestiet ix-xahar li għadda.

Infrastruttura Malta qalet li fl-aħħar xhur il-karreġġjata li kienet twassal lejn iż-Żejtun ingħalqet u reġgħet inbniet fuq pedamenti ġodda. Ix-xogħol kien jinkludi t-tneħħija ta’ radam u floku saret struttura b’saħħitha magħmulha minn kważi 1,800 blokka tal-franka u 3,000 tunnellata konkos. Spegjat li f’Diċembru li għadda, il-karreġġjata ġdida ta’ żewġ korsiji ngħatat l-ewwel kisjiet ta’ asfalt.

Din il-karreġġjata nfetħet fid-direzzjoni miż-Żejtun lejn Ħaż-Żabbar, waqt li n-naħa l-oħra tat-triq ingħalqet biex tinbidel f’korsija għar-roti fiż-żewġ direzzjonijiet u passaġġ pavimentat għall-mixi. It-triq kollha se tinfetaħ fiż-żewġ direzzjonijiet qabel is-sajf, malli titlesta  din il-fażi tal-proġett li qed issir b’investiment totali ta’ aktar minn €4 miljun. Fl-istess waqt se tiġi installata wkoll sistema ġdida ta’ dwal.

Il-Kap Eżekuttiv ta’ Infrastruttura Malta Fredrick Azzopardi spjega li biex jitnaqqas ir-riskju tal-għargħar, saret sistema ġdida ta’ żewġ kilometri u nofs għall-ġbir tal-ilma tax-xita li tqabbdet ma’ ġibjun fil-post. Fil-ġenb inbena wkoll ħajt tas-sejjieħ biex jifred it-triq mill-għelieqi li hemm biswitha. Biex tissaħħaħ id-distribuzzjoni tas-servizzi, tpoġġew aktar minn tliet kilometri ta’ pajpijiet ġodda għas-servizzi tal-ilma, dawl u telekomunikazzjoni, kif ukoll katusi ġodda għad-drenaġġ.

Intant, il-pajsaġġ fejn issa hemm is-siġar taċ-ċawsli se jibqa’ hemm biex jifred il-karreġġjata tal-karozzi mill-parti tat-triq li se tkun apposta għar-roti u l-mixi. Dan filwaqt li se jitħawlu 21 siġra oħra taċ-ċawsli.

Il-Gvern Malti jistieden lill-Gvern Taljan jieqaf jirrepeti allegazzjonijiet mhux sostanzjati

Il-Gvern Malti wieġeb allegazzjonijiet tad-Deputat Prim Ministru Taljan, Matteo Salivini, li Stati Membri tal-Unjoni Ewropea naqsu milli jipparteċipaw f’rilokazzjonijiet tal-immigranti. Fi stqarrija, il-Gvern fakkar lil Salvini li Malta kkordinat l-ewwel operazzjoni ta’ rilokazzjoni bejn numru ta’ Stati Membri Ewropej fil-każ tal-bastiment Lifeline. L-istess bastiment li minnu, l-Italja offriet li tieħu 50 immigrant minn Malta.Aqra aktar

Trump jaqbad u joħroġ minn laqgħa wara li ma kisibx l-appoġġ li xtaq

Il-President Amerikan Donald Trump ħareġ minn laqgħa mal-mexxejja Demokratiċi fid-19-il jum tax-shutdown tal-Gvern Amerikan. Jidher li Trumo waqqaf id-diskussjonijiet wara li Nancy Pelosi u Chuck Schumer baqgħu jinsistu li mhux se jagħtu appoġġ finanzjarju lill-famuż ħajt li jrid jibni bejn l-Istati Uniti u l-Messiku.

Għal Trump, din il-laqgħa kienet għalhekk ‘ħela ta’ ħin’, u saħansitar ħareġ jattakkawhom anke fuq Twitter, fejn nissel biss il-kliem ‘bye-bye’.

Il-Gvern Malti se jagħti l-għajnuna meħtieġa lil Sea Watch 3 u Prof Albrecht Penck f’każ ta’ emerġenza

Il-Gvern Malti qed isegwi mill-qrib is-sitwazzjoni b’rabta mal-bastiment Sea Watch 3 u Prof Albrecht Penck u se jkun qed jagħti kwalunkwe għajnuna meħtieġa f’każ ta’ emerġenza, skont kif huwa marbut bil-liġi li jagħmel sakemm ma tinstab soluzzjoni. Dan hekk kif Malta, għal darb’oħra, se tkun qed terfa’ responsabbiltajiet li jmorru lil hinn minn dak mitlub minnha f’dik li hija solidarjetà Ewropea.Aqra aktar

Send this to a friend