Kelly Peplow – Page 34 – One News

Kelly Peplow

Notifiki

ARA: Pressjoni kbira bejn il-Captain u l-Coach

L-amministrazzjoni tal-Partit Nazzjonalista, l-aktar is-Segretarju Ġenerali Clyde Puli u l-Kap tal-Midja tal-Partit Pierre Portelli spiċċaw fil-mira ta’ kritika qawwija mill-għeruq tal-partit fil-bidu tal-kampanja elettorali li l-PN nieda fil-lejl ta’ bejn il-Ħadd u t-Tnejn li għadda.

Artiklu li deher fil-gazzetta Kullħadd spjega kif l-attakki kontra Puli u Portelli qegħdin isiru fid-Dar Ċentrali u gruppi magħluqa fuq il-midja soċjali. Puli u Portelli spiċċaw jiddefendu l-istrateġija tal-Partit Nazzjonalista għall-elezzjonijiet tal-Parlament Ewropew, minħabba li huma l-perċimes fit-tfassil tal-kampanja elettorali. Dan filwaqt li d-Deputat Kap għall-Affarijiet tal-Partit Robert Arrigo ma kellux għażla oħra ħlief li joħroġ għonqu biex jiddefendi, u min-naħa l-oħra biex jikkalma l-irjus tal-għeruq u tat-tesserati tal-Partit li mhux qed jaqblu mal-istrateġija tal-Partit li minnhom Arrigo jrid ikompli jiġbor il-flusAqra aktar

Is-surplus ta’ Malta- pajjiżi oħra lanqas joħolmu li jaraw

Is-surplus fil-finanzi pubbliċi ma nissilx biss sens ta’ sodisfazzjon mill-familji li qed igawdu minn bosta skemi mħabbra mill-Gvern iżda wkoll mir-rappreżentati tal-imsieħba soċjali u persuni fil-qasam tan-negozju.

F’Business Breakfast imtella’ mill-Partit Laburista l-għada li l-Eurostat ħabbar li Malta għamlet surplus ta’ €250 miljun, iċ-Chairman tal-Grupp Chemimart Reginald Fava qal dan ir-riżultat qed jagħti stampa brillanti ta’ pajjiżna barra minn xtutna.Aqra aktar

Il-Partit Laburista jniżżel l-età ta’ tesserament

Il-Konferenza Ġenerali tal-Partit Laburista approvat emendi biex l-età tat-tesserament tinżel minn 16-il sena għal 14-il sena. Il-Partit Laburista spjega kif tul l-aħħar sentejn, il-Forum Żgħażagħ Laburisti ra żieda ta’ żgħażagħ li għandhom inqas minn sittax li urew ix-xewqa li jissieħbu u jagħtu l-kontribut tagħhom fl-istess Partit.

Dan wara li l-Forum Żgħażagħ Laburisti ħabbar il-Kampanja Ġenerazzjoni Sittax sentejn ilu.  Kampanja li kienu parti minnha numru ta’ żgħażagħ li llum il-ġurnata hemm minnhom li huma kandidati tal-Partit Laburista għall-Kunsilli Lokali.Aqra aktar

Biex inkissru l-isterjotipi marbuta ma’ sehem in-nisa fis-settur Marittimu

“Irridu bidla fis-settur marittimu. Irridu nkissru l-isterjotipi marbuta ma’ dan is-settur biex verament ngħarfu l-potenzjal qawwi li għandhom in-nisa biex jikkonbtribwixxu għat-tkabbir tal-ekonomija blu”.

Qalet dan il-Ministru għall-Affarijiet Ewropej u l-Ugwaljanza Helena Dalli fl-indirizz tagħha lil numru ta’ studenti, professjonisti, u baħħara nisa minn madwar id-dinja waqt konferenza fl-Istitut tal-Liġi Marittima fl-Università ta’ Malta. Aqra aktar

“Beppe Fenech Adami għandu ħafna x’jispjega lill-Membri tal-Korpi Dixxiplinati”- il-PL

Hu ironiku kif Beppe Fenech Adami indirizza konferenza tal-aħbarijiet biex jattakka promozzjonijiet li saru fl-Armata sitt snin ilu.  Fi stqarrija, il-Partit Laburista qal li kien ikun aħjar kieku Beppe Fenech Adami skuża ruħu talli ma daħħalx id-dritt ta’ sħubija f’Unions lill-korpi dixxiplinati kollha meta kien defacto Ministru tal-Intern.

Kien ikun aħjar li kieku Beppe Fenech Adami spjega  għala meta kien defacto Ministru tal-Intern, ma ħallasx l-over-time dovut lill-pulizija u kellu jkun dan il-Gvern biex jagħmel ġustizja mal-Pulizija Kien ikun aħjar li kieku Beppe Fenech Adami jispjega x’għamel hu meta kien  responsabbli mill-Armata  u kellu akkumulati 288 ilment fuq promozzjonijiet. Aqra aktar

Il-Gvern bi ftehim ma’ Shanghai Electric Power għal riċerka dwar l-enerġija u l-ilma

Il-Gvern Malti ffirma ftehim ma’ Shanghai Electric Power, biex ikabbar il-koperazzjoni bejn Malta u ċ-Ċina f’dik li hi riċerka fis-setturi tal-ilma u l-enerġija. Il-ftehim kien iffirmat waqt żjara li għamel il-Ministru Joe Mizzi fiċ-Ċina, fejn matulha ltaqa’ ma’ Wang Huaming, il-General Manager ta’ Shanghai Electric Power.Aqra aktar

ARA: ‘Lady Oscar’ b’avventura fuq il-palk f’Malta

Familjari l-isem, le? U din is-sena se tirritorna fuq il-palk grazzi għal inizjattiva mill-Iskola Sekondarja tal-Kulleġġ Sant’ Injazju, Tal-Ħandaq. L-istorja tal-Warda ta’ Versailles se tingħad lill-udjenza permezz ta’ musical bil-Malti li nkiteb minn żewġ għalliema f’din l-iskola.

B’kitba ta’ Roger Tirazona, u mużika u lirika ta’ Cliff Casha, l-istorja tal-Warda ta’ Versailles se tieħu lill-udjenza lura fi Franza lejn l-aħħar tas-seklu 18. Hija storja bbażata fuq il-manga Ġappuniż ta’ Riyoko Ikeda li jġib l-istess isem. Dan il-manga kien inqaleb f’anime għat-televiżjoni lejn l-aħħar tas-snin 70, u ħafna għadhom jiftakru fl-avventuri ta’ Lady Oscar li kienu jistennew b’ħerqa kbira fuq stazzjonijiet Taljani. Aqra aktar

DIRETT: Il-PL b’Business Breakfast bit-tema ‘Ġid li jasal għand kulħadd’

Sena wara l-oħra surplus il-finanzi, u dan sar għaliex il-gvern ma qabadx it-triq tal-awsterita. Dan il-gvern irnexxielu joħloq is-surplus mingħajr ma jgħolli t-taxxi jew jaqta l-pensjonijiet bħal ma għamlu pajjiżi oħra. Din kienet ir-reazzjoni tal-Prim ministru Joseph Muscat waqt business breakfast li l-Partit Laburista organizza bħala parti mill-Konferenza Ġenerali Annwali ta’ din is sena.

Fid-diskors tiegħu il-Prim Ministru qal li dan kollu se joħloq possibbiltà kbira fis-suq tax-xogħol u għamel gwadann makro ekonomiku. Il-Prim Ministru spjega li huwa wiret deficit eċċessiv, li rnexxielu jibdel f surplus. Statistika li fi kliem il-Prim Ministru titkellem waħedha.

Dawn il-figuri juru l-progress li għaddej minnu l-pajjiż u li għamilna aħna flimkien’ sostna l-Prim Ministru, filwaqt li nnota wkoll li l-pajjiż qed jitlob għall-investiment f’infrastruttura ta’ kull tip, fosthom anke fit-tindif u l-manutenzjoni.

Pajjiżna għażel it-tkabbir tal-ġid. Dan kien is-sentiment li bih il-president tal-partit laburista Daniel Micallef waqt l-istess business breakfast.

Bit-tema ġid li jasal għand kulħadd, il-Partit Laburista tenna l-kburija tiegħu tal-progress li sar fl-aħhar snin u se jżomm ħarsu fuq il-preżent u fuq il-futur. Tema f’waqtha li għażel il-Partit Laburista hekk kif ilbierah tħabbar it-tielet surplus għal-Malta fl-aħħar tliet snin, it-tieni l-akbar fl-Unjoni Ewropea. Surplus li se jinbidel f’investinent u li se jħalli aktar flus fil-but tal-familji.

Il-Ministru Edward Scicluna spjega li l-Gvern irnexxielu jaqta d-deficit mingħajr ma jbati l-ġid. Saħaq ukoll li dan is-suċċess sar grazzi għal-pjanar għaqli ta’ dan il-Gvern.

Il-Ministru spjega wkoll li t-tkabbir ekonomiku baqa’ kostanti f’dawn l-aħhar snin u tefa ċertu responsabbiltà fuq il-Gvern li dan laqa. Biex il-gvern ikun prudenti qed jaħseb biex it-tkabbir ekonomiku jnaqqsu għal 5% biex jinħoloq bilanċ adekwat fil-finanzi tal-pajjiż.

Il-Ministru Scicluna qal ukoll li issa li għandna s-surplus huwa ż-żmien li t-tmexxija tal-pajjiż Iġġemma ammont ta’ flus fi preparazzjoni għall-futur.

Saħaq ukoll li l-ekonomija Maltija hija waħda ddiversifikata u mhux dipendenti fuq skemi partikolari, kif l-Oppożizzjoni tipprova tinsinwa.

L-ekonomija tagħna hija ’employment rich’, li qed tikber b’saħħa kbira u qed tgħin ħafna fl-ikkrear tax-xogħol, tant, li s-settur privat ukoll qed jikber b 77%.

Dwar l-inflazzjoni, il-Ministru qal li din laħqet rekord ta’ kemm naqset. L-inflazzjoni għal Malta mhux mistennija taqbeż it 2% din is-sena, rata meqjusa bħala eċċellenti għall-pajjiż tad-daqs ta’Malta.

Intant kien spjegat ukoll li r-rata ta’ tkabbir ekonomiku qed tikber b’mod li hija kkorrelata mat-tkabbir tal-prodott domestiku gross.

Filwaqt li rrikonoxxa li kull pajjiż isofri l-pjaga tal-faqar, il-Ministru rrikonoxxa wkoll kemm dan il-Partit Laburista fil-gvern naqqas ir-rata tal-faqar f’Malta drastikament. Hawnhekk spjega miżuri soċjali li l Gvern se jkun qed jimplimenta biex jolqot din il-pjaga soċjali u jkompli jeliminaha.

Fl-ahhar mill-aħhar is-sigriet tas-surplus huwa li r-rata ta’ nefqa mill-gvern tkun anqas mid dħul fil-GDP.

Dan, saħaq il-Ministru, jawgura tajjeb għall-ġenerazzjoni futura li mhux se ssib djun iżommuha lura mill-progress. Il-pjan ta’ dan kollu kien hemm, u miżuri li saru minn dan il-gvern laqtu lil kullħadd, fosthom trasport b’xejn għall-iskola, pensjonijiet ogħla, it-tiġdid tar-rifużjoni tat-taxxa, u oħrajn.

Send this to a friend