Kelly Peplow – Page 33 – One News

Kelly Peplow

Notifiki

Il-PM f’laqgħa mal-President tal-KE qabel jibda’ s-summit tal-Mexxejja Ewropej dwar Brexit

Il-Prim Ministru Joseph Muscat kellu laqgħa mal-President tal-Kunsill Ewropew, Donald Tusk, sigħat qabel ma’ jingħata bidu għas-Summit tar-rebbiegħa tal-Unjoni Ewropea, li din is-sena se jiffoka fuq possibbiltà ta’ estensjoni ta’ Brexit.

Il-Prim Ministru Muscat kien diġà ddikjara li l-Gvern Malti huwa favur estensjoni għaqlija tal-perjodu tal-ħruġ tar-Renju Unit mill-Unjoni Ewropea, iżda dan irid isir bi ftehim u pjan xieraq. Huwa kien fost is-27 mexxejja ta’ Stati Membri Ewropej li llum mistennija jiddeċidu jekk għandhiex tingħata l-estensjoni fuq Brexit, wara li din tintalab b’mod formali mill-Prim Ministru Ingliż, Theresa May.Aqra aktar

Il-faċċata tal-Big Ben tinkixef wara li kienet irrestawrata mill-ġdid

L-arloġġ magħruf bħala il-Big Ben f’Londra ġie rrestawrat għall-kulur oriġinali tiegħu, blu, wara aktar minn sena ta’ xogħlijiet ta’ restawr. Il-Ħamis, residenti u turisti li kienu fl-inħawi tal-famuża pjazza tal-Parlament f’Westminster, raw għall-ewwel darba l-faċċata restawrata ta’ dan l-ikona.

Il-kulur tad-deheb u dak kaħlani huma eku tad-disinn oriġinali tal-monument, li jmur lura għal qabel l-1930. F’din is-sena, il-faċċata tal-arloġġ kienet miżbugħa kollha sewda. Aqra aktar

Malta fost l-aqwa pajjiżi għal btala fir-rebbiegħa din is-sena

Malta ssemmiet ma’ 18-il pajjiż ieħor madwar id-dinja li huma l-aħjar post għal btala fir-Rebbiegħa. Dan skont studju li għamlet il-kamra tal-aħbarijiet internazzjonali, CNN, fejn tat deskrizzjoni tal-aqwa 19-il pajjiż fid-dinja fejn wieħed jista’ jżur waqt btala f’dawn iż-żmienijiet.

Is-CNN qalu li l-btajjel tar-Rebbiegħa m’għadhomx sinonimi biss mal-avventuri fil-kampanja, iżda saru opportunità biex it-turisti jżuru postijiet pittoreski li ma jirrikjedux ħafna finanzjarjament.

L-istess artiklu qal ukoll li d-19-il pajjiż li kienu mistħarrġa kienu l-aqwa pajjiżi jew postijiet biex wieħed iżur fir-Rebbiegħa, li s’issa ftit kienu kkunsidrati bħala post tajjeb għal btala bejn Marzu u Ġunju.Aqra aktar

Erba’ moskej fil-mira ta’ attakk b’mannara f’Birmingham

Il-Pulizija Ingliża qed tinvestiga attakki li saru fuq erba’ moskej f’Birmingham, l-Ingilterra. Jidher li l-attakki seħħew tul il-lejl li għadda, u dalgħodu nstabu bil-ħġieġ imkisser.

Jidher ukoll li l-Pulizija għandha informazzjoni li raġel waħdu kisser il-ħġieġ tal-binjiet għall-ħabta tas-2:30am, ħin tal-post, b’mannara.

Minuti biss wara, il-Pulizija rċivew rapport ta’ attakk simili fuq moskea oħra fl-inħawi.It-tfittxija għall-aggressur għadha għaddejja.

Il-PM fi Brussell għal summit dwar l-estensjoni ta’ Brexit

Il-Mexxejja Ewropej mistennija jiddeċiedu jekk Brexit jiġix estiż sat-30 ta’ Ġunju li ġej. Dan waqt is-Summit tar-rebbiegħa tal-Unjoni Ewropea, li din is-sena se jiffoka fuq it-talba tal-Prim Ministru Ingliż Theresa May biex id-data ta’ Brexit, li oriġinarjament kellha tkun id-29 ta’ Marzu, tkun posposta.

Il-Prim Ministru Joseph Muscat se jkun preżenti għal dan is-Summit, li ssejjaħ mill-President tal-Kunsill Ewropew Donald Tusk. Aktar kmieni l-Gvern Malti iddikjara li jaqbel mal-estesjoni ta’ Brexit, diment li dan isir bi ftehim u pjan ċar. Aqra aktar

L-użu ta’ armi militari se jsir illegali fi New Zealand

Armi awtomatiċi ta’ kull tip, anke bħall-arma li ntużat fl-attakk terroristiku fi New Zealand jiem ilu, se jsiru illegali f’dan il-pajjiż. Il-Prim Minsitru Jacinda Ardern ħabbret dan inqas minn ġimgħa wara li 50 persuna nqatlu f’żewġ moskej mill-Awstraljan Brenton Tarrant.

Tarrant issa qed jaffaċċja akkużi ta’ qtil volontarju u li jħaddan sentimenti kontra ġens partikolari. Issa mistenni jerġa’ jidher quddiem il-Qorti ta’ New Zealand fil-5 ta’ April li ġej.

Il-PM jinawgura l-OB Unit il-ġdid tal-istazzjon ONE

Il-Prim Ministru u Mexxej tal-Partit Laburista, Joseph Muscat, inawgura uffiċjalment l-OB Unit 4K ġdid tal-istazzjonijiet ONE waqt open day fl-istazzjon li qed tiġi organizzata biex tfakkar il-ħamsa u għoxrin sena tal-istazzjon. L-OB Unit li inawgura l-Prim Ministru huwa l-aħħar investiment li għamlet it-tmexxija tal-istazzjon, bil-għan li ONE dejjem iwassal l-aħjar prodott lis-segwaċi. F’diskors għall-okkażjoni, il-Prim Ministru Muscat qal li kull ħaddiem ta’ dawn l-istazzjonijiet jaħdem hawnhekk għaliex ġenwinament iħobb dan is-settur.

Iċ-Chairman ta’ ONE, Jason Micallef, ippreżenta sett bolol lill-Prim Ministru bħala tifkira. F’dan is-sett, tidher fost oħrajn l-ewwel kamra tal-aħbarijiet ta’ ONE, li l-Prim Ministru kien parti minnha. F’kummenti ma’ ONE News, Micallef qal li l-investiment kien wieħed kruċjali biex l-istazzjon jibqa’ jħares ‘il quddiem.

 Dan huwa l-ewwel OB Unit tax-xorta tiegħu f’Malta, 4K, li se jkun qed jiggarantixi fost l-aqwa, jekk mhuxl-aqwa xandir fil-pajjiż għall-ħames jew għaxar snin li ġejjin. Aħna nemmnu li nassiguraw futur aqwa lil ONE Television.

Fid-dawl li l-Open Day saret ftit ġimgħat biss qabel mal-istazzjonijiet ONE jibdew vjaġġ bieżel għall-elezzjonijiet f’Mejju li ġej, is-Sur Micallef qal li ONE jinsab ippreparat għal dan l-appuntament importanti tal-Partit Laburista.

Jinsab ippreparat ukoll bil-kbir għall-Elezzjonijiet Ġenerali tas-snin li ġejjin. Apparti hekk ONE jibqa’ joħlom li jibqa’ jkollu l-aqwa skedi għall-familji Maltin u Għawdxin kollha.

Min-naħa tiegħu, il-Kap Eżekuttiv tal-Partit Laburista, Randolph Debattista, qal li s-segwaċi ta’ ONE dejjem baqgħu jappoġġjaw l-istazzjon b’mod sħiħ u wrew leatà dejjem. Fl-istess ħin, l-OB Unit li kien inawgurat waqt dan il-jum, u li se jxandar id-diskors tal-Prim Ministru waqt il-Konferenza Ġenerali Annwali tal-Partit Laburista, huwa investiment ieħor biex waqt l-elezzjonijiet ta’ Mejju li ġej, l-istazzjon ikompli jxandar il-messaġġ tal-Partit Laburista bl-aħjar mod.

Mal-ħdax ta’ filgħodu, il-bibien tal-kumpless ONE infetħu għall-pubbliku biex kulħadd jingħaqad mal-istazzjon u jsegwi jum tipiku ta’ ħidma. Huma kellhom iċ-ċans ukoll li jakkwistaw kopja ta’ dokumentarju dwar il-ħamsa u għoxrin sena ta’ ONE.

Kellu jkun jum mimli nostalġija u persuni jiltaqgħu ma’ dawk li normalment iżommulhom kumpanija minn djarhom permezz tat-televiżjoni jew tar-radju.

Tkellimna ma’ xi wħud dwar xi jfisser għalihom li kellhom iċ-ċans iqattgħu jum mal-familja ONE.

Irrid noħroġ biex ma narax il-ONE jiena. Dejjem smajtu.

Dak li qed nara fuq it-television issa qed narah reali u titkellem man-nies li jaħdmu hawn u ma tkunx taf kemm fih xogħol il-programm.

Għidtlu ejja mmorru naraw il-postijiet u nitkellmu man-nies.

Għalfejn ħassejtu li kellkom tiġu għall-Open Day illum? Il-qalb ġabitna hawn. Biex naraw ix-xogħol kollox organizzat. Jintefqu tajjeb il-flus.

Naħseb id-Dipartiment tan-News fejn issir riċerka kien veru nteressanti għax aħna minn hemm qed nieħdu l-informazzjoni mhux biss fuq it-televiżjoni imma anke fuq il-mobile.

Sabiħ kullimkien, rajt l-uffiċċji, rajt l-istudios, kullimkien sabiħ.

Waqt l-Open Day fil-kumpless ONE, kienet inawgurata wkoll biċċa arti li tfakkar il-ħamsa u għoxrin sena xandir, magħmulha mill-artist George Muscat.

 

Ritratti: Gareth Degiorgio

 

‘Delia mdejjaq bis-suċċess’- il-PL

Id-diskors negattiv tal-Kap tal-Oppożizzjoni dalgħodu huwa diskors ta’ bniedem imdejjaq bil-fatt li l-ikbar vittma tas-suċċess li kiseb il-pajjiż huwa l-Partit Nazzjonalista li hu ried jibdel, iżda minflok spiċċa biex bidel lilu.

Dan qalu l-Partit Laburista fi stqarrija b’reazzjoni għad-diskors li ta l-Kap Nazzjonalista Adrian Delia l-Ħadd filgħodu fl-Imsida.

Send this to a friend