Kelly Peplow | One News - Part 32

Kelly Peplow

Notifiki

Simon Schembri jinħatar Surġent tal-Pulizija

L-Uffiċjal tal-Pulizija Simon Schembri nħatar fil-kariga ta’ surgent it-Tnejn waqt ċerimonja mmexxija mill-Kummissarju tal-Pulizija Lawrence Cutajar u l-Ministru Michael Farrugia.

Il-Ministru qal li ċ-ċerimonja tal-lum hi pass ieħor ’il quddiem fejn Simon Schembri ġie maħtur fil-kariga ta’ surġent. Schmebri ingħata din il-kariga minħabba l-ispirazzjoni u l-għaqda li rnexxielu jġib fil-Korp tal-Pulizija. Simon Schembri rnexxielu jwaqqaf ukoll fondazzjoni li tgħin lill-membri tal-korpi dixxiplinati meta jkollhom bżonn l-għajnuna. Kien l-ispirazzjoni wkoll biex il-gvern iħaffef il-miżura mħabbra fil-baġit u jdaħħal skema ta’ assigurazzjoni għall-uffiċjali tal-korpi dixxiplinati kollha, li mistennija titwettaq din is-sena.

Il-Kummissarju Lawrence Cutajar fakkar li ċ-ċerimonja tat-Tnejn kienet waħda importanti għall-Korp tal-Pulizija, għax hi riżultat tax-xogħol li rnexxielu jikseb Simon Schembri wara l-inċident.

Qed jirkupra l-Isptar wara li ħa ammont kbir ta’ droga qabel ma ddaħħal il-ħabs

Raġel li kien qed jinżamm arrestat fil-Faċilità Korrettiva ta’ Kordin jinsab stabbli fl-ITU wara li ttieħed għal osservazzjoni minħabba li kien ħa doża qawwija ta’ droga.

Kelliem għall-Ministeru għall-Intern spjegat ma’ one.com.mt li jidher li r-raġel ħa d-droga qabel ma ttieħed Kordin. Uffiċjali tal-ħabs imbagħad bdew jinnutaw li l-imġieba tiegħu ma kinitx normali, u kien ordnat li dan jittieħed l-isptar għall-osservazzjoni. Minkejja l-ammont ta’ droga li ħa, ir-raġel qed jirkupra l-ITU u jinsab f’qagħda stabbli.

Intant, inkjesta interna għadha għaddejja fil-ħabs biex ikun determinat x’ġara eżatt f’dan il-każ.

Miżuri Ewropej kontra l-kompetizzjoni fit-tassazzjoni kontra l-interessi ta’ Malta

Madwar l-Ewropa qed jiżdied il-qbil dwar miżuri kontra l-kompetizzjoni fil-politika ta’ tassazzjoni bejn l-istati membri tal-UE biex tkun skoraġġuta l-evażjoni tat-taxxa. Dan qalu Alfred Sant meta tkellem dwar l-isfidi li se jkollha Malta fix-xhur u s-snin u ġejjin waqt diskussjoni dwar it-tmexxija taż-żona Ewro f’Dar l-Ewropa fil-Belt Valletta.Aqra aktar

It-393 immigrant li ġew salvati lbieraħ jintbagħtu lura l-Libja

It-393 immigrant li lbieraħ ġew salvati mill-Gwardja tal-Kosta Libjana ntbagħtu lura l-Libja t-Tnejn. Il-midja Taljana rrapportat li 143 minn dawn l-immigranti rritorna Tripli, 144 marru lura Misurata, u 106 intbagħtu al-Khoms.

Il-Viċi Prim Ministru Taljan Luigi Di Maio qal li l-Italja sejħet għall-Gwardja tal-Kosta Libjana biex dawn l-immigranti jkunu salvati minn fuq il-baħar.

Fuq Twitter, il-Ministru għall-Intern Taljan Matteo Salvini qal li grazzi għall-kollaborazzjoni, kuntrabandisti, traffikanti, u l-mafja għandhom jifmhu li n-negozju tagħhom intemm, u li l-portijiet Taljani għadhom magħluqa.

Is-suċċess ta’ Malta huwa grazzi għal poplu ħabrieki u kburi li huwa dehen Malta- Noel Cassar

F’attivita’ politika fiż-Żurrieq, il-kandidat tal-Partit Laburista għall-Parlament Ewropew, Noel Cassar, insista li hu kburi li jifforma parti minn dan il-moviment Progressiv, b’ideal soċjalisti taħt il-gwida ta’ statista kbir, Mexxej u Prim Ministru Joseph Muscat.

Hu spjega li l-pajjiż miexi b’ekonomija b’saħħitha li qatt ma’ kien hawn bħalha, tkabbir bla preċedent. Dan jidher ċar mill-aġenziji internazzjonali ta’ kreditu meta matul l-aħħar snin taw li pajjiżna ċertifikati pożittivi u żiedu r-ratings ta’ pajjiżna wkoll. Anke l-ġimgħa l-oħra l-Fond Monetarju Internazzjonali, IMF, ħareġ cċertifikat pożittiv ieħor fuq pajjiżna.Aqra aktar

May tipprova tikkonvinċi lill-MPs tagħha jappoġġjaw l-abbozz Brexit

Il-Prim Ministru Ingliż Theresa May se tipprova tikkonvinċi lil dawk il-Membri Parlamentari mill-Partit Konservattiv u tad-DUP biex jappoġġjaw il-ftehim tagħha dwar Brexit billi tipprova ssolvi l-kwistjonijiet tal-fruntieri Irnaldiżi.

Jidher li anke s’issa, l-akbar sfida għal May qed ikunu l-Membri Parlamentari li ilhom mill-2016 jappoġġjaw il-ħruġ tar-Renju Unit mill-Unjoni Ewropea.Aqra aktar

Peter, il-kelb tad-Dwana jaqbad passiġġier iġorr aktar minn €26,000 mhux iddikjarati

L-Uffiċjali tad-Dwana qabdu passiġġiet iġorr aktar minn €26,000 waqt tftittxija fis-sala tat-tluq mill-Iskwadra ta’ Kontra l-Ħasil tal-Flus u t-Taqsia tal-Klieb, fuq titjira lejn Tunis.
Fi stqarrija, id-Dwana Maltija qalet li Peter, wieħed mill-klieb tagħha, innota li wieħed mill-passiġġieri jista’ jkun kien qed iġorr ammont sostanzjali ta’ flus kontanti. Il-Libjan kien mistoqsi kemm kien qed iġorr flus fuqu, u għall-ewwel wieġeb li kellu €9,000.
Wara tfittxija fuqu, €11,000 ġew elevati mill-bagalji tiegħu u €15,000 kienu moħbija fil-ħwejjeġ ta’ taħt tiegħu. Il-Pulizija ġew mgħarrfa dwar dan u l-passiġġier spiċċa arrestat għal aktar investigazzjonijiet, u mistenni jitressaq il-Qorti aktar tard it-Tnejn.

Id-Dwana fakkret li għalkemm passiġġier għandu dritt jivvjaġġa b’kemm ammont ta’ flus jixtieq, wieħed huwa obbligat bil-liġi jiddikjara dan jekk l-ammont jaqbeż l-€10,000 flus kontanti.

Sea-Watch issalva 47 immigrant

Fi stqarrija, l-għaqda mhux governattiva Sea-Watch qalet li tul il-jum tas-Sibt il-bastiment Sea-Watch 3 salva sebgħa u erbgħin immigrant li kienu fil-periklu fuq dgħajsa fit-tramuntana ta’ Zuwara, fil-Libya. Fl-istess waqt żiedu jgħidu li inqas minn erbgħa u għoxrin siegħa qabel, l-awtoritajiet Taljani salvaw tliet immigranti oħra, li sostnew li kienu mal-mija u għoxrin immigrant abbord, u li għaldaqstant hu maħsub li l-bqija tal-immigranti mietu jew intilfu.

Fl-istqarrija tagħhom Sea Watch saħqu għall-bżonn ta’ iktar operazzjonijiet ta’ salvataġġ, u appoġġ ikbar mill-mexxejja Ewropej.

“Theresa May għandha tkun medjatur fil-Parlament Ingliż dwar Brexit”- John Major

Skont l-eks Prim Ministru Ingliż John Major, Theresa May għandha tkun il-medjatur biex tkisser il-apatija li ħakmet il-Parlament Ingliż dwar Brexit. Huwa qal dan għaliex jemmen li l-Membri Parlamentari Ingliżi għandhomm jingħataw vot fuq kull għażla dwar Brexit, inkluż il-mod li bih jaħsbu li huwa l-aħajr li jimxu ‘l quddiem.

Theresa May qalet li tikkunsidra dan kollu f’ġieħ l-interess nazzjonali, u biex issir taf ir-rieda tal-Parlament Ingliż. Jidher iżda, li hemm Membri Parlamentari, bħal Suella Braverman, li assolutament ma jridux li dan isir.

Send this to a friend