Kelly Peplow – Page 31 – One News

Kelly Peplow

Notifiki

‘Il-PN hu mifni fl-ironija’ – PM

Kemm hi ironika li min iħanbaq fuq is-saltna tad-dritt f’pajjiżna, kontinwament ġej u sejjer il-Qorti minkejja li qatt ma tagħtih raġun. Kliem il-Prim Ministru Joseph Muscat meta fl-aħħar sigħat tal-kampanja elettorali, indirizza lir-residenti Misidjani waqt attività politika.Aqra aktar

Bejn it-8.00 u d-9.30 tal-Ħadd filgħodu l-partiti jkollhom ħjiel ta’ fejn marret l-elezzjoni tal-Parlament Ewropew

Kollox jinsab lest biex il-Ħadd li ġej, mis-sala tal-għadd tal-voti fin-Naxxar, jibda l-għadd tal-voti tal-elezzjoni tal-Parlament Ewropew tas-Sibt li ġej. Din se tkun l-ewwel elezzjoni fl-istorja ta’ Malta fejn il-proċess tal-għadd tal-voti se jsir b’mod elettroniku, tant, li bejn it-8:00 u d-9:30 tal-Ħadd filgħodu, il-partiti jkollhom ħjiel ta’ fejn marret l-elezzjoni.
Aqra aktar

Se tkun tista’ tara aktar minn 24,000 siegħa ta’ filmati storiċi minn postijiet pubbliċi

L-Istazzjon Nazzjonali qiegħed jinvesti €4.8 miljun biex filmati antiki jkunu ppreżervati u jsiru disponibbli għall-pubbliku. Dan il-proġett, li qed jissejjaħ Tisħiħ tal-Esperjenza ta’ Turiżmu Kulturali, permezz tad-Diġitalizzazzjoni, mistenni jitlesta fis-sentejn li ġejjin, u huwa possibbli grazzi għal għajnuna mill-Fond Ewropew għall-Iżvilupp Reġjonali.Aqra aktar

Il-Gvern se jinvesti €20 miljun biex isaqqaf parti mill-mini ta’ Santa Venera

B’investiment ta’ kważi €20 miljun, il-Gvern se jsaqqaf żona ta’ aktar minn 13,300 metru kwadru fuq il-mini ta’ Santa Venera biex joħloq spazju miftuħ għar-residenti tal-inħawi. Il-proġett, li twiegħed mill-Partit Laburista fl-2017, se jgħaqqad it-tessut urban u l-ħajja tal-komunità Vendriża, wara li snin ilu, dawn infirdu minħabba l-proġett ta’ Triq Reġjonali.Aqra aktar

Il-Prim Ministru jinawgura t-Triq taċ-Ċawsli b’investiment ta’ €4 miljun

Il-Prim Ministru Joseph Muscat inawgura Triq l-Aħħar Ħbit mit-Torok, magħrufa aħjar bħala t-Triq taċ-Ċawsli b’nefqa ta’ madwar €4 miljun. Din it-triq twila madwar kilometru li tgħaqqad liż-Żejtun ma’ Ħaż-Żabbar inbniet mill-qiegħ fi żmien sena u tinkludi wkoll korsija għar-roti u passaġġ pavimentat għall-mixi. Dawn jinfirdu biss mill-korsiji tal-karozzi b’ringiela siġar taċ-ċawsli u korsija għar-roti separata u elevata.Aqra aktar

Malta għandha l-aqwa klima għall-kumpaniji tal-Blockchain li jridu bażi ġdida

Il-kumpanija ZBX, li tispeċċjalizza fis-settur tal-Blockchain, fetħet il-bażi ewlenija tagħha f’Malta. Dan huwa wieħed minn ħames uffiċini li l-kumpanija għandha madwar id-dinja. Il-Kap Eżekuttiv tal-kumpanija, Dave Pulis, spjega li bħalissa ZBX tinsab fil-proċess li tikseb liċenzja biex topera wkoll fis-settur tal-cryptocurrency. Qal li l-kumpanija investiet €3 miljun grazzi għaċ-ċertezza legali u l-garanziji li joffri l-qafas regolatorju tal-Blockchain li nieda l-Gvern.Aqra aktar

“M’għandi l-ebda problema li Delia jappella mis-sentenza” – il-PM

Il-Prim Ministru Joseph Muscat qal li m’għandu ebda problema u anzi jaċċetta li l-Kap Nazzjonalista Adrian Delia jappella mis-sentenza tal-Qorti Kostituzzjonali li ma laqgħetx it-talba tiegħu li jingħata r-rapport sħiħ tal-inkjesta Egrant.

F’attività politika f’Ħal Luqa, il-Prim Ministru Muscat qal li l-Gvern m’għandu ebda problema li Adrian Delia jagħmel dan. “Inserraħlu rasu lill-Kap tal-Oppożizzjoni, li l-għan tiegħi hu li r-rapport ikun ippubblikat mill-aktar fis”, qal Joseph Muscat. Aqra aktar

Kunsilli Lokali fiċ-ċans li jibbenefikaw minn skema għall-installazzjoni ta’ għodod li jsaqqu żoni naturali fil-lokalitajiet

Id-Direttorat għall-Gvern Lokali, Strategija u Implimentazzjoni tal-Politika nieda skema ta’ finanzjament għal għodod ta’ irrigazzjoni fil-komunitajiet Maltin, jiġifieri għodod li jintużaw fit-tisqija ta’ żoni miftuħa fil-lokalitajiet. Id-Direttorat alloka miljun ewro f’fondi għal din l-iskema, li hija parti mir-riforma fil-Gvern Lokali.

Dan fost l-oħrajn biex jitkattru aktar spazji miftuħa, u biex il-Kunsilli Lokali jikkontribwixxu għall-arja aktar safja għall-benefiċċju u l-benesseri taċ-ċittadini.

Is-sistema ta’ irrigazzjoni ttejjeb b’mod sinjifikanti t-tkabbir tal-pjanti, arbuxelli u fjuri. Dawn jikbru aktar malajr u b’mod aktar ekoloġiku minħabba li jingħataw ammonti żgħar ta’ ilma fuq perjodu twil.
Permezz ta’ skemi ta’ dan it-tip l-Gvern qed iħeġġeġ lil-lokalitajiet biex ikunu aktar sostenibbli permezz ta’ inizjattivi li huma ta’ benefiċċju kbir għall-komunitajiet u ċ-ċittadini tagħna.

F’konferenza tal-aħbarijiet mill-Ministru Owen Bonnici u s-Segretarju Parlamentari Silvio Parnis intqal li l-Gvern se jaċċerta li jifhem aħjar il-bżonnijiet taċ-ċittadini u jimpenja ruħu biex jgħin kemm jista’ lis-soċjetà bi skemi bħal dawn.

Send this to a friend