Kelly Peplow – Page 3 – One News

Kelly Peplow

Notifiki

L-istorja ta’ Malta f’sensiela televiżiva

Storja Animalta hija l-aktar proġett riċenti ta’ Heritage Malta li se tqanqal iktar lit-telespettaturi biex jitgħallmu iktar dwar l-istorja u l-wirt kulturali tal-gżejjer Maltin.

Din se titwassal fid-djar tagħna permezz ta’ seba’ episodji qosra ta’ madwar nofs siegħa l-wieħed, b’narrattiva dwar karattru partikolari, grupp ta’ persuni, jew perjodu. Din is-sensiela se tiffoka fuq sitt ġrajjiet li jkopru 7,000 sena ta’ storja. Aqra aktar

ARA: Tibda titlaqqa’ l-laqgħa Ministerjali dwar l-immigrazzjoni f’Malta

Ħames Ministri Ewropej responsabbli mill-qasam tal-immigrazzjoni bdew jiltaqgħu f’Malta biex jiddiskutu s-sitwazzjoni tal-immigrazzjoni lejn l-Ewropa.

Il-laqgħa li qiegħda ssir fil-Forti San’Anġlu qegħdin jattendu għaliha l-Ministri tal-Intern ta’ Malta, Italja, Franza u tal-Ġermanja u l-Finlandja li għandha l-Presidenza tal-Unjoni Ewropea. Għal-laqgħa qed jattendi wkoll il-Kummissarju Ewropew għall-Migrazzjoni Dimitris Avramopoulos li f’laqgħa li kellu mal-President ta’ Malta George Vella faħħar l-impenn ta’ Malta li qed issostni l-valuri Ewropej tar-responsabbiltà u s-solidarjetà dwar l-isfidi tal-immigrazzjoni fiċ-ċentru tal-Mediterran.

Aqra aktar

Maratona ta’ 24 siegħa b’risq l-Ispecial Olympics

Is-Sibt ingħata bidu għall-ewwel maratona ta’ erbgħa u għoxrin siegħa tal-waterpolo b’risq Special Olympics Malta. Attività sabiħa li fiha tinvolvi lill-parteċipanti tal-ispecial olympics.

Anna Calleja, direttur ta’ Special Olympics spjegat l-entuzjazmu ta-parteċipanti.

Aqra aktar

Justin Trudeau b’dispjaċir dwar il-famuż ritratt ta’ rtokk ta’ karnaġġjon skur

Il-Prim Ministru Kanadiż Justin Trudeau skuża ruħu pubblikament wara li ħareġ ritratt antik tiegħu liebes irtokk ta’ karnaġġjon skur f’festin.

Jidher li r-ritratt ittieħed f’festin privat tal-iskola li kien jattendi l-Prim Ministru fl-2001, kważi 20 sena ilu. Ir-rivista Time ippubblikat ir-ritratt fl-aħħar sigħat, b’Trudeu jiskuża ruħu minnufih u jgħid li ‘missu kien jaf aħjar minn hekk’.Aqra aktar

Kważi 30 mejta f’żewġ attakki fl-Afganistan

Attakk suwiċida fl-Afganistan ħalla minn tal-anqas 24 persuna bla ħajja. L-attakk jidher li seħħ waqt ralli tal-elezzjoni li bħalissa għaddejja bil-pajjiż, ftit ‘il barra mill-kapitali, Kabul. Splużjoni oħra fiċ-ċentru ta’ Kabul ħalliet tliet persuni mejta.

It-Talibani refgħu ir-responsabbiltà għal dawn iż-żewġ attakki, li fi kliemhom kienu parti minn kampanja ta’ attakki li kellhom ippjanati għal waqt l-allegat diskussjonijiet ta’ paċi ma’ pajjiżi oħra.
Aktar kmieni dan ix-xahar, il-President Amerikan Donald Trump qal li negozjati ma’ dan il-grupp huma ‘mejta’.

Il-prezz internazzjonali taż-żejt jogħla bi 15%

Il-prezz internazzjonali taż-żejt issa għola bi 15%, l-ogħla żieda f’madwar tletin sena. Iż-żieda fil-prezz taż-żejt saret kawża ta’ żewġ attakki fuq faċilitajiet ta’ wieħed mill-akbar produtturi taż-żejt fl-Arabja Sawdija. Dawn l-attakki qatgħu daqs 5% tad-domanda globali.

Aġenziji tal-aħbarijiet internazzjonali qed jirrapportaw li ż-żieda kienet mistennija tlaħħaq l-għoxrin fil-mija, iżda deċiżjoni mill-Istati Uniti li jintużaw riżervi minn tagħha taż-żejt żammet il-prezzijiet relattivament baxxi.
L-Istati Uniti qed iżommu lill-Iran responsabbli tal-attakki tas-Sibt fuq l-Arabja Sawdija, liema attakki mistennija jkomplu jheddu l-faċilitajiet tal-enerġija f’dan ir-reġjun

Matteo Renzi mistenni jitlaq mill-Partit Demokratiku Taljan

L-eks Prim Ministru Taljan Matteo Renzi mistenni jħabbar ir-riżenja tiegħu mill-Partit Demokratiku Taljan, wieħed mill-partiti fil-Gvern, biex iwaqqaf partit ġdid.  Intervista fuq il-ġurnal Taljan Il Giornale spjegat li dan il-partit ġdid se jitwaqqaf fil-Parlament Taljan biss, hekk kiff fis-Senat mhux permess li jitwaqqfu partiti ġodda la darba jkun beda jitlaqqa’ l-Parlament.

Jidher li Renzi informa lill-Prim Ministru Giuseppe Conte bid-deċiżjoni tiegħu it-Tnejn li għadda, iżda għamilha ċara li se jibqa’ leali lejn il-Moviment taċ-Cinque Stelle.

Id-deċiżjoni ta’ Renzi mistennija toħloq tensjoni fil-Partit Demokratiku u ddgħajjef il-koalizzjoni fil-Gvern. Apparti Renzi, numru ta’ Senaturi Taljani wkoll mistennija jirriżenjaw.

Send this to a friend