Kelly Peplow | One News - Part 18

Kelly Peplow

Notifiki

Il-Kummissjoni Ewropea ħalliet lill-PN iżolat

Fir-rapport tagħha dwar programmi ta’ ċittadinanza b’investiment fl-Unjoni Ewropea u programmi oħra simili, il-Kummissjoni Ewropea reġgħet ħalliet lill-Partit Nazzjonalista iżolat.

Il-Partit Laburista nnota li minkejja d-diversi suġġerimenti li saru mill-Kummissjoni Ewropea, din imkien m’għamlet bħal Adrian Delia u qalet li programmi simili m’għandhomx jeżistu. Minflok, saru sensiela ta’ rakkomandazzjonijiet li l-Gvern Malti diġa’ ddikjara li jaqbel magħhom.

Il-Partit Nazzjonalista ta’ Adrian Delia jrid ireġġa’ l-arloġġ lura billi jimmina programm li qed ikun ta’ benefiċju ekonomiku għall-pajjiżna. Hija ħasra li għal darb oħra l-PN qed jagħżel li minflok jieħu n-naħa ta’ Malta u l-investient qed jieħu l-attitudni partiġjana li issa ndrat u li għandha l-interess li xekkel il-ġid kbir li qed ikun attirat lejn pajjiżna.

Malta b’vuċi fl-akbar avveniment dwar il-blockchain fil-Korea t’Isfel

Is-Segretarju Parlamentari Silvio Schembri indirizza l-ftuħ tal-Blockchain Governance World Summit f’Seoul fil-Korea t’Isfel. Dan huwa l-akbar avveniment li jiffoka fuq it-tema tal-blockchain tal-Korea t’Isfel, li ġabar rappreżentanti minn madwar id-dinja sabiex jiddiskutu u jiddefinixxu l-importanza tal-irregolar tat-teknoloġija blockchain fuq livell globali.Aqra aktar

Passi dixxiplinarji kontra student li deher f’filmat jattakka edukatur verbalment u juża kliem ta’ natura sesswali

Il-Ministeru għall-Edukazzjoni rrefera għal filmat li ġie ppubblikat illum fuq il-midja soċjali li juri student jattakka verbalment bi kliem oxxen u ta’ natura sesswali lill-edukatur.

Fi stqarrija l-Ministeru spjega li dan il-filmat inġibed fl-2017 u meta l-awtoritajiet tal-iskola saru jafu b’dan l-incident ittieħdu l-passi dixxiplinarji fil-konfront tal-istudent fejn ġie sospiż, u ma baqax jattendi f’din l-iskola u ġie dirett lejn programm edukattiv tal-appoġġ. Fl-istess ħin sar rapport mill-iskola lill-pulizija minnufih.

Il-Ministeru u l-Awtoritajiet fl-iskejjel dejjem kellhom politika waħda f’dawn it-tip ta’ ċirkostanzi: Tolleranza Zero.

Il-Ministeru temm jisħaq li għandu jkun hemm kultura ta’ rispett fl-edukazzjoni, bejn studenti u edukaturi, bejn ġenituri u edukaturi u bejn dawk kollha li jaħdmu fl-edukazzjoni.

Il-Gvern jiċħad allegazzjonijiet tat-Times dwar il-proġett tal-Corinthia

Il-Gvern ċaħad allegazzjoni li għamlet The Times li d-diskussjonijiet mal-Corinthia se jerġgħu jinfetħu wara li nħarġet twissija. Il-gazzetta qalet li l-Gvern reġa’ beda diskussjoni mal-Grupp Corinthia biex jinbidlu xi termini u negozjati dwar il-proġett tal-peniżula tal-bajja ta’ San Ġorġ, wara li allegatament inħarġet twissija li l-proġett jikser regoli Ewropej.

Fi stqarrija l-Gvern xejjen għal kollox din l-allegazzjoni u saħaq li din hija fabbrikazzjoni.Aqra aktar

It-tħejjijiet ta’ Malta f’każ ta’ Brexit mingħajr ftehim jinsabu fi stadju avvanzat- JM

Il-Prim Ministru Jospeh Muscat ħabbar il-pjan konkret tal-Gvern u t-tħejjijiet li għamlet Malta fl-aħħar xhur b’rabta mal-ħruġ tar-Renju Unit mill-Unojni Ewropea fid-29 ta’ Marzu li ġej. F’konferenza tal-aħbarijiet f’Kastilja Dr Muscat qal li hemm probabbiltaà kbira li r-Renju Unit joħroġ mill-Unjoni Ewropea bla ftehim.

Qal li fl-aħħar xhur Malta ħejjiet pjan għal din l-eventwalità u  li Malta qed tagħmel dan bi swied il-qalb għax qed titlef wieħed mill-aqwa msieħba Ewropej.Aqra aktar

Il-kumpanija Sony se titlaq mir-Renju Unit minħabba Brexit

Il-kumpanija diġitali Sony mistennija tirriloka l-kwartieri ġenerali Ewropej tagħha fl-Olanda biex tilqa’ għal kull eventwalità ta’ Brexit. Il-kumpanija qalet li r-rilokazzjoni se tevita li jkun hemm diffikultajiet relatati ma’ dħul u ħruġ ta’ prodotti mill-kumpanija, iżda l-impjegati se jkunu jistgħu jibqgħu stazzjonati l-Ingilterra għal ċertu operazzjonijiet.

Sony hija biss waħda minn diversi kumpaniji kbar li għażlu bażi oħra barra mir-Renju Unit biex jevitaw impatt negattiv dwar Brexit.

Ir-Renju Unit se jitlaq mill-Unjoni Ewropea fid-29 ta’ Marzu li ġej, iżda ż-żewġ naħat għad iridu jilħqu ftehim xieraq ta’ kif se jsir dan.

“Kull persuna li taħdem fl-industrija tal-films, ħsiebha hu li xi darba tirbaħ Oscar”- Mario Azzopardi

Aktar kmieni t-Tlieta ħarġu n-nomini finali għall-Oscars ta’ din is-sena, u jidher li l-ġlieda għall-unur tal-Aqwa Film hi bejn il-films Green Book u Roma b’dan tal-aħħar jikiser ir-rekord għall-ewwel film ta’ Netflix li qatt kien innominat għall-Aqwa Film.

Il-film Bohemian Rhapsody rnexxielu jikseb nominazzjoni f’ħames kategoriji fosthom l-aqwa film tas-sena.

Iżda l-kritiku tal-films, Mario Azzopardi, qal li din is-sena ftit li xejn kien hemm sorpriżi fin-nominazzjonijiet finali, fosthom żewġ films black and white li jinsabu nnominati għall-aqwa ċinematografija.Aqra aktar

L-abort mhux fuq l-aġenda ta’ Gvern Laburista- il-Ministru Michael Falzon

Il-Ministru Michael Falzon ċħad kategorikament li l-abort jinsab fuq l-aġenda tal-gvern Laburista. Waqt li kien qed jagħlaq id-diskussjoni fit-tieni qari tal-Abbozz ta’ Liġi li jemenda Diversi Liġijiet dwar il-Ħarsien Soċjali, il-Ministru Falzon rrefera għal dak li qal id-deputati parlamentari nazzjonalista Claudio Grech li qal li d-drittijiet tat-tarbija fil-ġuf huma taħt attakk u dak li qal Robert Cutajar li appella biex il-gvern ma jressaqx il-liġi dwar l-abort.Aqra aktar

Send this to a friend