Felix Agius – One News

Felix Agius

Felix Agius twieled fil-21 ta’ Marzu, 1948. Studja fl-Iskola Primarja ta’ Ħaż-Żabbar, imbagħad kompla l-edukazzjoni sekondarja u terzjarja fil-Liċeo tal-Ħamrun. Aktar tard kiseb diploma fil-Ġurnalizmu mill-International Institute of Journalism ta’ Berlin. Agius beda l-karriera fil-ġurnalizmu madwar 50 sena ilu, meta ngħaqad mal-ġurnal tal-Partit Laburista ‘Iż-Żmien’ li kien jinħadem u jkun stampat fil-Freedom Press. Wara huwa ingħaqad mal-Union Press bħala sub-editor mal-ġurnal bl-Ingliż ‘Malta News’. Għamel xi żmien fid-Dipartiment tal-iSports qabel fl-1981 inħatar editor tal-ġurnal ‘l-Orizzont’. Dam f’din il-kariga aktar minn 11-il sena, għax fis-sena 1993 huwa ingħaqad mal-gazzetta ‘KullĦadd’, (ukoll tal-Partit Laburista) bħala Editur Eżekuttiv, liema kariga dam jokkupaha sakemm irtira mix-xogħol disa’ snin ilu.

Notifiki

Ngħixu s-suċċess bil-fatti f’idejna

Il-Milied qiegħed joqrob ġmielu.  Dawk dilettanti tal-presepji għaddejjin bl-aħħar tħejjijiet tagħhom biex jikkuntentaw mill-aħjar li jistgħu lil dawk li ta’ kull sena l-gost tagħhom iżuru l-presepji.  Mhux biss.  Diġa bdejna naraw, ‘l hemm u ‘l hawn, xi Father Christmas imdendel mal-gallerija.  U t-toroq tal-Belt diġà nxtegħlu.Aqra aktar

Ma jirriflettux it-tagħlim tal-Knisja

Jiżbalja min jaħseb li ċerti affarijiet ma nerġgħu narawhom qatt iżjed. Min jaf kemm hawn min jaħseb li l-affarijiet redikoli b’riżultat tal-piki fil-festa, huma xi haġa tal-imgħoddi.  Imma mhux hekk hu.

Propju din f’Tas-Sliema u f’San Ġiljan, spikkaw banners li ttellgħu minn xi partitarji tal-festa tal-Madonna tal-Karmnu fil-Balluta,u partitarji tal-festa ta’ San Girgor f’Tas-Sliema. Wieħed minn dawn il-banners kien jghid: ‘Il-vara tagħna hija l-isbaħ waħda, waqt li tagħkom hija l-ikreh waħda fid-dinja’.

Jista’ jkun li l-kliem m’huwiex eżatt, imma ma nistax nifhem kif f’dawn iż-żminijiet għad hawn min jasal biex joqgħod jitgħajjar bil-‘kruha’ ta’ xi statwa.  Għamlu tajjeb iċ-ċaħdiet uffiċjali, imma jkun aħjar jekk nedukaw lill-partitarji.

Aħbar agħar. L-għaqda li ssejjah lilha nnifsha Soċjetà Maltija se tagħmel dimostrazzjoni fil-Belt bħala reazzjoni għall-Gay Pride u matulha se jingħad ir-ruzarju. Irriklamat din l-attivita’ bħala ‘rosary rally ta’ riparazzjoni lil Alla għall-Malta Gay Parade 2018 u l-aġenda tal-LGBT’.

Aħbar li fakkritni fir-rallies li kienu jsiru fis-snin sittin li kienu jsiru bħala riparazzjoni lil Alla f’kull lokal fejn il-Partit Laburista, li allura kien ikkundannat mill-Knisja, kien jagħmel mass meeting.  Niftakar f’wieħed partikolari, f’belt twelidi, Haż-Żabbar, meta kienu saħansitra ħarġu l-vara tal-Madonna tal-Grazzja.

Jien kont naħseb li dawn l-affarijiet qatt mhu se narahom iżjed.  Imma nħoss li l-Knisja għandha r-responsabbilta’ li mhux biss iżżomm ‘il bogħod minn dawn l-attivitajiet, imma għandha tagħmel minn kollox u tinsisti mal-organizzaturi biex dawn l-istess attivitajiet ma jsirux.

Żgur li dawn l-attivitajiet ma jirriflettux it-tagħlim tal-Knisja Kattolika tal-lum, bit-tmexxija tal-Papa Franġisku.

 

David Casa għandu jitlob skuża

F’dawn l-aħħar jiem, wara li sirna nafu li bħala konsulenti tiegħu, l-Ewro-Parlamentari David Casa qed jimpjega lil zijuh u lir-raġel ta’ oħtu, l-istess David Casa, biex jiddefendi ruħu, qiegħed kważi ta’ kuljum jinsisti li lilu ħadd mhu se jwaqqfu milli jkompli jagħmel xogħolu għal pajjiżna.  Fl-interess ta’ pajjiżna.

U x’inhu jagħmel fl-interess ta’ pajjiżna?  Qiegħed jipprova kontinwament ipinġi lill-Gvern Malti f’dawl ikrah biex forsi jagħmel ftit ħoss, issa aktar minn qatt qabel, għax fi ftit xhur oħra, se jkollna l-elezzjoni għall-Parlament Ewropew u ċertament li David Casa ma jridx jitlef postu, għax minnbarra li qiegħed ipappiha tajjeb hu, qegħdin ipappuha tajjeb ukoll dawk li huma qrib tiegħu.Aqra aktar

Iż-żejjed kollu żejjed

Jien bdejt il-karriera tiegħi fil-ġurnalizmu 50 sena ilu.  Kien hemm każijiet ta’ omiċidju li qatt ma ssolvew. Mhux wieħed jew tnejn. Mhux il-każ li noqgħod insemmihom wieħed, wieħed.  Biżżejjed insemmi l-każ tal-qtil b’ittra bomba ta’ Karin Grech.  U għaliex qiegħed insemmi dan il-każ?  Qed insemmih għax l-ex-Kap tal-Partit Nazzjonalista, Eddie Fenech Adami, kien wegħdna li meta jkun Prim Ministru, il-każ kien se jkun solvut. Kif kien wegħdna wkoll li se jkun solvut il-qtil ta’ Raymond Caruana. Eddie Fenech Adami dam Prim Ministru snin twal mhux ħażin.  U ż-żewg każijiet qatt ma kienu solvuti.

 

Kienu żewġ każijiet li kellhom rabta politika.  L-ittra li qatlet li Karin Grech, kienet indirizzata lill-missierha, Edwin, li kien ġie lura f’pajjiżna waqt l-istrajk tat-tobba fi żmien il-Gvern Laburista. Raymond Caruana inqatel waqt attività fil-każin tal-Partit Nazzjonalista fil-Gudja.

 

Kien hemm kummenti dwar il-mod kif kienu qeghdin jitmexxew l-investigazzjonijiet min-naħa tal-pulizija.  Imma ma jidhirlix li kien hemm qlajjiet.  Aktar u aktar mill-familjari. Jiġifieri mill-familjari ta’ Karin Grech u Raymond Caruana. Anzi, tal-inqas sa fejn naf jien, fiż-żewġ każijiet, il-familjari, ikkoperaw kemm setgħu mal-pulizija.

 

Mhux l-istess jista’ jingħad dwar il-qtil brutali,  ikkundannat minn kulħadd, tal-blogger Daphne Caruana Galizia li ħadd ma jista’ jgħid li hemm xi rabta politika.

 

Fil-każ tal-qtil ta’ Daphne Caruana Galizia, skont binha Mathew, il-laptop, li seta’ jagħti ħjiel dwar il-mandant, ‘sparixxa’.  Fil-verità, irriżulta li kien fil-pussess ta’ oħtha.  Se ngħidha ċara u tonda.  Jien naqbel ma’ dak li jingħad fit-toroq.  Ma nemminx li Matthew ma kienx jaf li l-laptop kien fil-pussess ta’ zitu. Ma nemminx li Matthew ma kienx jaf li l-laptop kien fil-pussess ta’ oħt ommu.

 

Agħar minn hekk, Mathew Caruana Galizia issa qed jivvinta dwar l-istħarrig tal-pulizija.  Gideb meta qal li kien hemm uffiċjali tal-pulizija li ma telgħux jixhdu – SKONT HU – BI SKOP. Il-gideb u l-invenzjonijiet żgur li ma jgħinux lill-pulizija u, ngħid jien, lill-ġudikatura.

 

Il-Malti jgħid: Iż-żejjed kollu żejjed

 

Ġid li qed jasal għand kulħadd

Ħafna mill-aħbarijiet li nisimgħu, jintesew mil-lum għal għada.  Imma dan ma jgħoddx għal kulħadd.  Għax ikun hawn min li ċerti aħbarijiet jagħmlulu differenza kbira f’ħajtu. Eżempji nista’ nagħti bil-bosta, imma se nillimita ruħi għal dak li rajna jew smajna f’dawn l-aħħar ġimgħat.

 

L-ewwel eżempju:  Investiment ta’ tmien miljun ewro f’laboratorji ġodda fl-iskejjel sekondarji kollha ta’ Malta u Għawdex. Mhix ċajta.  Meta l-istudenti ta’ dawn l-iskejjel jerġgħu lura fil-ftuħ tas-sena skolastika li jmiss, se jsibu laboratorju ġdid. Permezz ta’ dawn il-laboratorji, l-istudenti se jkunu jistgħu iħejju ruħhom aħjar għall-ġejjieni tagħhom għax se jingħataw l-opportunità li jmissu b’idejhom dak li se tkun qied tistenna mingħandhom l-industrija. Se jħejju l-istudenti biex ikunu jistgħu jagħmlu l-aħjar għażla meta jiġu biex jidħlu fid-dinja tax-xogħol.

 

It-tieni eżempju: Impjant ġdid tan-New Water f’Ras il-Ħobż, Għawdex.  Dan huwa t-tieni impjant wara li kien sar wieħed simili fil-Mellieħa li minnu qegħdin igawdu l-bdiewa tal-inħawi.  U mill-impjant ta’ Għawdex, se jgawdu l-bdiewa Għawdxin kollha għax l-ilma jintuża għat-tisqija tal-frott u l-ħaxix li issa jistgħu jitkabbru s-sena kollha

 

It-tielet eżempju:  Eżempju li wkoll  jolqot lill-Għawdxin. Ftuħ ta’ berġa ġdida fix-Xewkija.  Uffiċċju ġdid tal-Pharmacy of Your Choice.  Miexi x-xogħol fuq ċentru tas-saħħa ġdid fir-Rabat. Ma nahsibx li għandi għalfejn nispjega kif se jgawdu l-Għawdxin kollha minn dawn il-proġetti.

 

Ir-raba’ eċempju: Ftehim bejn il-Gvern u għaqdiet volontarji tal-Knisja, għaqdiet li joffru għajnuna lil numru ta’ nies vulnerabbli. Dawn l-għaqdiet ingħataw eluf ta’ ewro biex ikunu jistgħu jkomplu bil-ħidma siewja li qegħdin iwettqu.

 

Nista’ nibqa’ nġib eżempju wara ieħor.

Imbagħad jiġi Adrian Delia u jistaqsi min qed igawdi mill-ġid li qed jinħoloq fil-pajjiż! Dawn kollha huma eżempji li juru li l-ġid qiegħed jitqassam fost kulħadd.

Se jħalluh imexxi?

Id-dħul tal-kap Nazzjonalista Adrian Delia fil-Parlament, u l-ħatra tiegħu bħala Kap tal-Oppożizzjoni, suppost li jġibu fi tmiemu episodju ġdid fl-istorja tal-Partit Nazzjonalista, u anke fl-istorja ta’ pajjiżna. Suppost għandu jibda episodju ġid ladarba issa Adrian Delia m’għandu xejn xi jfixxklu milli jagħti l-kontribut tiegħu bħala Kap tal-Oppożizzjoni.

Imma għad baqa’ mistoqsija kbira dwar kemm verament igawdi appoġġ Adrian Delia fil-partit tiegħu. Żewġ avvenimenti li graw f’dawn l-aħħar jiem, jixħtu dubju serju dan.

Aqra aktar

Ġlieda li qed tintrebaħ

 

Huwa ovvju li l-ebda problema ma tista’ tkun solvuta jekk l-ewwel u qabel kollox ma tkunx rikonoxxuta l-problema.  Fi ftit kliem, jekk il-problema tinxteħet taħt it-tapit, qisha ma teżistix.

Ħames snin ilu, meta allura pajjiżna kien immexxi minn Lawrence Gonzi, għan-Nazzjonalisti l-problema tal-faqar kienet biss perċezzjoni.  Qishom dawk li kienu jghixu fil-faqar jew f’riskju ta’ faqar ma kinux jeżistu. Bħallikieku kulħadd kien qed jgħix ħajja diċenti, bla bżonnijiet ta’ xejn.

Aqra aktar

Joseph Muscat: bniedem ta’ azzjoni

Ili attiv fil-politika aktar minn 50 sena.  Għal ħafna snin kont dejjem nisma’ lill-Partit Laburista bir-raġun jiftaħar bil-kisbiet ta’ Agatha Barbara fl-istorja politika ta’ pajjiżna meta hi kienet l-ewwel mara li ġiet eletta fil-Parlament, l-ewwel mara li okkupat kariga ministerjali, kif ukoll kienet l-ewwel mara li nħatret bħala President tar-Repubblika.  Min-naħa l-ohra konna nisimgħu l-kritika fil-konfront tal-Partit Nazzjonalista li lanqas biss rappreżentanza femmini fil-Parlament ma kien ikollu.

Maż-żmien, l-affarijiet bdew jinbidlu.  In-nisa bdew isiru aktar attivi, mhux biss fil-Partit Laburista, imma anke fil-Partit Nazzjonalista li allura mhux biss bdew jeleġġu deputati nisa, imma n-nisa bdew anke jingħataw karigi ministerjali.Aqra aktar

Ikomplu jinsulentaw l-intelliġenza tal-poplu

Fl-elezzjoni tal-2013, il-poplu Malti u Għawdxi ta messaġġ ċar lin-Nazzjonalisti. Qalilhom bl-aktar mod ċar: Fit-tmexxija tal-pajjiz ma rridux nies arroganti.  Ma rridux nies li jinsulentaw l-intelliġenza tal-poplu. Jidher iżda li dan il-messaġġ, in-Nazzjonalisti ma ħaduhx, anke jekk erba’ gimgħat biss ilu, il-Partit Nazzjonalista ġarrab l-akbar telfa elettorali fl-istorja politika ta’ pajjiżna.

Aqra aktar

Send this to a friend