Edward Montebello – Page 4 – One News

Edward Montebello

Notifiki

AĠĠORNAT: Ir-Renju Unit ħareġ mill-Unjoni Ewropea … Brexit seħħ tassew

Ir-Renju Unit formalment ħareġ mill-Unjoni Ewropea wara 47 sena msieħeb fiha.

Fil-ħdax ta’ bil-lejl, ħin Ingliż, tassew seħħ Brexit.

Il-Prim Ministru Ingliż Boris Johnson laqqa’ l-Kabinett f’Sunderland u imbagħad indirizza lin-nazzjon siegħa qabel ma’ uffiċjalment seħħ Brexit.

Il-Big Ben baqa’ silenzjuż fil-ħin ta’ Brexit, iżda fi Brussell, il-qalba fejn hemm l-istituzzjonijiet Ewropej tniżżlu l-bnadar tar-Renju Unit.

Għalkemm ir-Renju Unit issa qatta’ l-karti minn mal-Unjoni Ewropea, ċertu affarijiet baqgħu l-istess hekk kif l-aħħar ftehim dwar Brexit iffissa perjodu tranżitorju sa tmiem din is-sena.

Fost l-oħrajn, dawk li se jivvjaġġaw mir-Renju Unit lejn l-Ewropa mistennija xorta jagħmlu dan b’mod normali.

Intant, dawk favur Brexit iċċelebraw it-tluq tar-Renju Unit mill-Unjoni Ewropea billi għamlu festin barra l-Parlament. Filwaqt li fl-Iskozja għamlu vġili u xegħlu x-xemgħat.

 

 

Catherine Fenech tinħatar Segretarju tal-Eżekuttiv Nazzjonali tal-PL


Catherine Fenech ġiet maħtura bħala s-Segretarju tal-Eżekuttiv Nazzjonali tal-Partit Laburista. Dan wara li l-Eżekuttiv tal-Partit Laburista qabel unanimament dwar din id-deċiżjoni. Catherine Fenech hija t-tieni persuna li se tokkupa din il-kariga u se tkun qed tieħu post Lydia Abela, mart il-Prim Ministru fejn għal għaxar snin sħaħ, serviet bħala l-ewwel Segretarju tal-Eżekuttiv Nazzjonali wara li nħolqot din il-kariga bl-emendi statutorji li kienu saru. Aqra aktar

Identity Malta tispjega d-drittijiet taċ-ċittadini mir-Renju Unit hekk kif BREXIT se jseħħ

Fi stqarrija Identity Malta spjegat l-istatus residenzjali ta’ ċittadini mir-Renju Unit f’pajjiżna, hekk kif iseħħ BREXIT fi ftit tas-sigħat oħra.

Dwar dan il-Gvern Malti ippubblika avviż legali li jirregola liċ-ċittadini tar-Renju Unit f’pajjiżna, f’konformità mal-aħħar ftehim li ntlaħaq bejn l-Unjoni Ewropea u l-Gvern Ingliż dwar BREXIT.

Aqra aktar

Send this to a friend