Dylan Paul Farrell | One News - Part 7

Dylan Paul Farrell

Notifiki

Il-familja ta’ Shamima Begum lesti jieħdu azzjoni legali kontra l-Gvern l-Ingliż

Il-familja ta’ Shamima Begum, it-tfajla ta’ 19-il sena li ta’ 15-il sena marret is-Sirja biex tingħaqad mal-Istat Iżlamiku, lesti jieħdu azzjoni legali.

Dan hekk kif il-Gvern Ingliż mistenni jneħħilha ċ-ċittadinanza Ingliża.

Fl-aħħar jiem Begum kienet fl-aħbarijiet, hekk kif talbet biex titħalla tmur lura l-Ingilterra biex hemm trabbi lil binha ta’ ftit jiem.

Però f’intervisti ma’ aġenziji internazzjonali tal-aħbarijiet, inkluż il-BBC, hi ftit li xejn uriet rimors għall-azzjonijiet bla skruplu tal-Istat Iżlamiku, inkluż l-attakk f’Manchester.

Jidher li l-pjan tar-Renju Unit li jneħħilha ċ-ċittadinanza hu għaldaqstant immotivat minn kwistjonijiet ta’ sigurtà, u bir-raġunament li Begum għandha dixxendenzi mill-Bangladesh, u tista’ tapplika għal dik iċ-ċittadinanza.

2,000 suldat ieħor mal-fruntiera bejn l-Istati Uniti u l-Messiku

L-Istati Uniti mistennija jibatu mal-elfejn suldat ieħor fil-fruntiera tagħhom mal-Messiku. B’hekk in-numru ta’ uffiċjali mal-fruntiera bejn iż-żewġ pajjiżi se titla’ għal madwar 4,300.

Il-Pentagon qalu li s-suldati se jgħinu lill-aġenti għassa mal-fruntiera, jissorveljaw il-fruntiera, u jwaħħlu kilometri sħaħ ta’ razor wire – ilqugħ bix-xfafar tal-ħadid – bħala deterrent biex ma jkunx hemm min jaqsam il-fruntiera illegalment.

Dan il-pass wasal wara nuqqas ta’ qbil dwar il-bini ta’ ħajt bejn l-Istati Uniti u l-Messiku, li wassal għall-itwal shutdown fl-istorja tal-Gvern Amerikan.

Possibiltà ta’ gwerra ċivili fil-Venezwela

Il-President tal-Venezwela, Nicolas Maduro, qal li mhux jeskludi l-possibiltà li sseħħ gwerra ċivili f’pajjiżu, f’mument fejn qed tiżdied il-pressjoni fuqu biex jirriżenja.

F’intervista televiżiva Maduro wissa lill-President Amerikan Donald Trump illi jekk ifettillu jintervjeni fil-kriżi tal-pajjiż SudAmerikan, se jħalli l-White House imċappsa bid-demm.

Fl-istess waqt Maduro ċaħad l-istedina tal-Unjoni Ewropea li jsejjaħ elezzjonijiet ġodda.

Dan hekk kif il-Venezwela għaddej minn kriżi li wasslet biex miljuni ta’ ċittadini jaħarbu mill-pajjiż. Kriżi politika u ekonomika li waslet wara elezzjonijiet li bosta sostnew kienu inġusti hekk kif għadd ta’ kandidati lanqas biss tħallew jikkontestaw.

Intant, il-Kap tal-Oppożizzjoni fil-Venezwela, Juan Guaidó iddikjara lilu nnifsu president temporanju wara li kiseb l-appoġġ tal-Istati Uniti fost pajjiżi oħra.

Send this to a friend