Dylan Paul Farrell | One News

Dylan Paul Farrell

Notifiki

€10 miljun għar-rinovar taċ-Ċentri tas-Saħħa

B’investiment ta’ €10miljun gġjjin mill-Fond Nazzjonali għall-Iżvilupp Soċjali, iċ-ċentri tas-saħħa u l-bereġ se jiġu rriġenerati u rinovati.

Ħabbru dan il-Prim Ministru Joseph Muscat u d-Deputat Prim Ministru u Ministru għas-Saħħa Chris Fearne waqt l-iffirmar tal-ftehim quddiem iċ-Ċentru tas-Saħħa tal-Gżira – wieħed miċ-Ċentri tas-Saħħa l-iktar fil-bżonn ta’ ħajja ġdida.

Il-Prim Ministru Joseph Muscat innota kif il-qasam tas-saħħa huwa ċentrali għall-kwalità tal-ħajja tagħna. Settur li dan il-Gvern ħadem fuqu sa mill-bidu nett biex jinqatgħu l-listi ta’ stennija, il-mediċini out stock, u l-pazjenti fil-kurituri.Aqra aktar

Inawgurat l-ewwel fażi tal-Istitut tal-Inġinerija u t-Trasport fl-MCAST b’investiment ta’ €6 miljun

B’investiment ta’ €6 miljun il-Prim Ministru inawgura l-ewwel fażi tal-binja tal-Istitut tal-Inġinerija u t-Traport fil-kumpless tal-MCAST f’Raħal Ġdid.

Fl-istess waqt il-Kulleġġ Malti għall-Arti, Xjenza u t-Teknoloġija nieda l-istrateġija tiegħu għas-snin 2019-2021.

F’din l-inawgurazzjoni l-Prim Ministru Joseph Muscat innota kif issa l-istudenti tal-inġinerija għandhom binja ġdida, flessibbli u ddedikata, b’apparat u faċilitajiet apposta għat-tagħlim u t-taħriġ tagħhom.Aqra aktar

Merħba sabiħa għal Joseph Muscat f’Marsaxlokk

Merħba mill-isbaħ għall-Prim Ministru u Mexxej Laburista Joseph Muscat max-xatt ta’ Marsaxlokk.

F’laqgħa qasira ma’ dawk li nġabru biex jisimgħu d-diskors tiegħu, il-Prim Ministru

Huwa nnota kif għaddejja l-ħidma biex mill-ġdid Marsaxlokk ikollu berġa tas-saħħa ta’ livell li terġa’ tibda taqdi l-bżonnijiet tar-residenti tal-lokal.Aqra aktar

Il-Valletta Design Cluster jibda jieħu s-sura tiegħu

Il-Valletta Design Cluster qed jieħu l-forma. B’investiment li hu stmat li se jaqbeż id-€9miljun qed tiġi rrestawrata l-biċċerija l-antika fil-Belt, biex fost l-oħrajn isservi ta’ inkubatur għal żgħażagħ li huma ġodda fl-industrija kreattiva, partikolarment fid-disinn – stilisti, periti, graphic designers, u iżjed.Aqra aktar

Il-President b’messaġġ favur rispett akbar għall-anzjani

“Għandna nuru rispett ikbar lill-anzjani tagħna – dawk li b’ħidmiethom bnew is-soċjetà tagħna.”
Dan il-messaġġ tal-President George Vella fi żjara flimkien ma’ martu fid-dar tal-anzjani taż-Żejtun. F’din id-dar il-President u martu ngħataw merħba mill-isbaħ, bil-President jindirizza lil bosta b’isimhom, u oħrajn jirrakkontawlu kif sabu l-appoġġ tieghu bħala politiku, u iktar u iktar bħala tabib.Aqra aktar

Il-Gvern jirdoppja l-Malta Film Fund

Biex isaħħah u jinċentiva produzzjonijiet lokali, il-Gvern irdoppja l-Film Fund, biex minflok €300,000 issa se jintqassmu €600,000.

Ħabbar dan il-Ministru ghat-Turiżmu Konrad Mizzi li nnota kif produzzjonijiet Maltin qed jogħlew fil-kwalità tant li jikkompetu u jmorru tajjeb f’kompetizzjonijiet internazzjonali. Għaldaqstant il-Gvern ħass li kellu jżid l-appoġġ tiegħu favur it-talent Malti.

Barra minn hekk innota kif il-Gvern qed ikompli jżid l-appoġġ tiegħu lill-Kummissjoni għall-Films, fosthom bir-riġenerazzjoni tal-istudios tal-films, u t-toroq tal-madwar.

Flimkien mal-Kummissarju ghall-Films, Johann Grech innota kif bejn Mejju u Ġunju pajjiżna se jilqa’ tliet produzzjonijiet internazzjonali, li jixhed il-livell ta’ faċilitajiet li qed joffri f’pajjiżna f’dan is-suq.

Send this to a friend