Colin Deguara | One News - Part 8

Colin Deguara

Notifiki

“Kemm bkejt…” anzjana mweġġa’ wara li nsterqulha €30,000 f’ġojjelli minn darha

Il-Pulizija qed tinvestiga allegata serqa ta’ ġojjelli minn dar t’anzjana minn san Pawl il-Baħar. One News tkellem mal-anzjana li tgħix f’darha waħidha u hija mdaħhla sew fl-età.

Bil kundizzjoni tal anonimità u li ma nġibulhiex wiċċha, l-anzjana spjegat kif hi għandha suspett f’min seta’ ħadilha l-ġojjelli tagħha.  Qalet li għaliha kienet esperjenza trawmatika meta marret biex tiftah il kaxxa bil-ġojjelli u d-dehbijiet u ma sabithomx.  Saħqet li b’kollox min seraqha ħadilha b’madwar €30,000 f’ġojjelerija.

“ Xi €30,000 jiswew  li serqitli, għax id-deheb li kelli ta’ żmien in-nanniet.”

L-anzjana viżilbilment emozzjonata saħqetli filwaqt li l-oġġetti misruqa jiswew ħafna flus, l-iktar li weġġagħha kien il-fatt li għaliha għandhom valur sentimentali kbir għax kienu rigal mingħand żewġha qabel miet.

“Kemm bkejt, lanqas niekol m’jien qiegħda daqs kemm iddispjaċini.  Iddispjaċini l-iktar għax affarijiet li tani hu qabel miet u qabel miet, qabel ġejna mill-Ingilterra, qabel ma tlaqna mill-Ingilterra, mill-ajruport xtrali sett ukoll.  Kien €500, ġawhar imma dawk ċelesti.  Kollox ħaditli. Hemm, imsielet biss bqajt u dawn għax nilbishom ta’ kuljum.”

Dwar dawn l-allegazzjoniet ONE News bagħat sensiela ta’ mistoqsijiet  lill-pulizija li min-naħa tagħha kkonfermat li għaddejja bl-investigazzjonijiet u qalet li f’dan l-istadju ma jkunx prudenti li jikkummentaw iżjed dwar dan il-każ.

Nas Daily jagħlaq il-vjaġġ tiegħu f’pajjiżna

“That’s one minute see you tomorrow”

Din il-frażi hija popolari ma’ ħafna li kienu jsegwu l-filmat ta’ minuta li ta’ kuljum kien itella’ fuq Facebook Nusseir Yassin minn madwar id-dinja.  Madankollu, wara elf filmat u elf ġurnata l-vjaġġ ta’ Nas Daily wasal fi tmiemu. Il-vjaġġ tiegħu intemm f’pajjiżna fejn f’Dar il-Mediterran iltaqa’ ma’ bosta Maltin u persuni li ġew apposta minn madwar id-dinja sabiex jiċċelebraw miegħu tmiem dan il-vjaġġ.

Aqra aktar

Serata oħra għall-kunċert Tema ’79

Żdiedet serata oħra li fiha se jsir il-kunċert li l-Partit Laburista qed jorganizza, bl-isem TEMA 79 sabiex ifakkar l-erbgħin sena mill-Ħelsien ta’ pajjiżna mill-qawwiet ingliżi.  Dan wara li l-biljetti għall-ewwel serata tad-9 ta’ Marzu inħatfu ġmielhom.

Is-Segretarju Organizattiv tal-Partit Laburista, William Lewis, saħaq li s-serata żejda li se ssir fil-10 ta’ Marzu  se tkun maħsuba wkoll sabiex tkun iżjed komda għall-Għawdxin li jixtiequ jaraw l-ispettaklu.

Aqra aktar

Ara li biex tisħon, ma tagħmilx ħsara lil saħħtek

Il-bard ta’ Jannar iqaxxar ġild il-ħmar. U bil-kesħa li ħakmet lill-Ewropa fosthom lil pajjiżna bosta qed isalvaw ġildhom b’xi xarba sħuna.

It-tabib tal-familja  Dr. Malcolm Galea, saħaq li filwaqt li bosta jirrikorru għal xi ftit whisky sabiex jisħnu, filwaqt li fil-moderazzjoni l-effetti jistgħu ikunu tajbin, meta wieħed jesaġera jkun qed jistieden l-inkwiet.

Aqra aktar

Il-Maltin l-aktar li nefqu flushom f’lukandi u ristoranti tul is-sena li għaddiet

 

Statistika mill-Eurostat turi li l-Maltin kienu l-iktar poplu li nefqu flushom f’lukandi u ristoranti tul is-sena li għaddiet.

L-istatistika turi li madwar 20% tal-ispiża tal-familji Maltin tul l-2017 kienet f’ristoranti u lukandi. Dan ifisser li n-nefqa tal-familji Maltin f’dawn l-istabbilimenti kienet 11% ogħla mill-medja Ewropea.Aqra aktar

Ikompli l-vjaġġ dinji għall-ugwaljanza

Id-dgħajsa ‘Maiden’  b’ekwipaġġ ta’ ħames baħħara nisa komplew bil-vjaġġ tagħhom madwar id-dinja.  Wara li għall-ewwel waqfa fil-vjaġġ tagħhom waslu f’pajjiżna madwar ġimagħtejn ilu l-ekwipaġġ kompla l-vjaġġ li ser jieħu madwar sentejn.  Aqra aktar

L-esperjenza fil-volontarjat mar-Right 2 Smile tibda barra u tkompli Malta

F’dan iż-żmien ta’ festi forsi ftit jieqfu u jaħsbu dak li verament ikun qed jagħmilna kuntenti.  Jekk hux il-familja magħquda madwar mejda, dak ir-rigal żejjed li naqilgħu, ix-xiri u n-nefqa ta’ dak is-sold żejjed bl-iskuża tal-Milied jew inkella dik il-qatra xorb żejda tal-festa.  Ftit jieqfu u jaħsbu li lil hinn mill-materjaliżmu hemm min matul is-sena kollha jirnexxielu jkun kuntent bil-ftit li għandu.

Il-fundatur tal-għaqda Right 2 Smile, Damjan Attard saħaq li l-ħidma fil-volontarjat kemm f’pajjiżi l-bogħod kif ukoll f’pajjiżna, urietu realtà ġdida :- li t-tbissima ta’ kulħadd tiġi minn affarijiet differenti u li għal kuntrarju ta’ dak li jaħsbu bosta, dawk li jgħixu l-iktar ħajja bażika jistgħu ikunu l-iktar kuntenti.

Saħaq li “Il-kuntentizza ssibha fx’inhuma l-expectations tiegħek, jiġifieri jekk jiena kuljum irrid karozza, imbgħad wara li nġib karozza rrid dar, jista’ jkolli kemm ikolli flus, dejjem qed niġri wara xi ħaġa li jekk ma jkollix ma nkunx kuntent.  Jekk il-kuntentizza tiegħi hija li nara l-familja magħquda madwar mejda u għandna xi ħaġa x’nieklu u rnexxieli nagħmilha f’dik il-ġurnata nista’ nkun kuntent daqs l-ikbar sinjur li xtara dik il-karozza.”Aqra aktar

Diċembru ma jtaffix il-ferita ta’ min ibati mis-solitudni

Diċembru jkennen fid-dar lill-kbar u liż-żgħar.  Dan hekk kif bosta jiltaqgħu fi djarhom biex iqattgħu l-jiem tal-festi mal-familja.

Madankollu, meta persuna tkun qed tgħix ħajjitha fis-solitudni, dan iż-żmien ikompli jagħmel il-ferita iżjed fonda.

Hekk saħqet il-leader tas-Supportline tal-Appoġġ Svetlana Camilleri,li spjegat kif “dawn iż-żminijiet ikunu diffiċli ħafna, għaliex inti tkun qed tara n-nies kollha ta’ madwarek kulħadd ferħan, forsi joħroġ Christmas shopping, tara ħafna nies jiċċelebraw, u forsi dak li jkun jaħseb li huwa waħdu għaddej minn ċertu problemi”. Aqra aktar

“Insajjar minn qalbi u nieħu pjaċir narahom jieklu kollha flimkien”- In-Nanna Vivie lesta biex tilqa’ lil familtha għall-ikla tal-Milied!

Bosta jgħaddu lejlet il-Milied żaqqhom mal-bank tal-kċina jlestu ikla kbira għal jum il-Milied.   Ikla li tgħaqqad bosta familji madwar l-istess mejda. Fil-kċina ta’ darha fil-Fgura, Vivie Caruana, ta’ 66 sena għaddiet nofs ta’ nhar f’lejlet il-Milied tipprepara ikla kbira sabiex tiċċelebra l-Milied flimkien ma’ żewġha, it-tlett itfal tagħhom u tmien neputijiet. Aqra aktar

Send this to a friend